Бұлт күнді жапты тақырыбындағы сабақ жоспары

Ұйымдастырылған оқу іс-әрекетінің технологиялық картасы

Тәрбиеші:Кужасова А.Е.

Білім беру саласы: Шығармашылық

Бөлімі: Сурет салу.

Тақырыбы: Бұлт күнді жапты.

Мақсаты: Балаларды күзгі табиғат құбылыстары ерекшеліктеріне бақылау жасауға үйрету. Күннің бетін аспанда қалқып жүрген бұлттардың қалқалаған суретін дөңгелек және сопақша пішінде сала білуді үйрету. Табиғатты сүйе білуге, қастерлеуге және ұқыптылыққа тәрбиелеу.

Алдын-ала жүргізілетін жұмыстар: қарау, бақылау.

Әдіс-тәсілдер: түсіндіру, көрсету, сұрақ-жауап.

Қажетті көрнекі құралдар,құрал-жабдықтар: демонстрациялық суреттер, көркемсөз жазбасы, сурет дәптері, көгілдір және сұр түсті гуашь, қылқалам.

Қостілділік компонент: сұр бұлт – серое облако, қаптайды – накрывает.

Іс-әрекет

кезеңдері

Тәрбиешінің іс-әрекеті

Балалардың іс-әрекеті

Себепті қызығушылығын

ояту

кезеңі

«Күз» туралы өлең шумақтарын оқимын.

Өлең шумақтары не жайлы, қандай бұлттар туралы екенін сұраймын. Күзде күннің жиі бұлттанатынына балалардың назарын аударамын.

Сөздік жұмыс.

Демонстрациялық суреттерді көрсетіп, күз мезгілінде табиғатта болатын ерекшеліктер туралы әңгімелесемін.

-Күз мезгілінде аспанды бұлт қаптайды, осы бұлттардың суретін салыңдар.

Балалар өлең шумақтарды тыңдап, қойылған сұрақтарға жауап береді.

«Сұр бұлт», «ақща бұлт» деген сөздерді бірнеше рет қайталап жаттығады.

Суреттерді көріп, күзде ағаштардың жапырақтары түсіп, айнала сары алтындай болып жататынын, аспанда көп бұлттар болатындығын айтады. Бұлттар жаз мезгіліндегідей көгілдір түсті емес, сұр, көк түсті болатындығын айтады.

Ұйымдастырушылық ізденіс кезеңі

Суретті көріп болғаннан кейін барлығы бірге сергіту сәтін жасайды.

«Қуырмаш»

Бас-бармақ, балаң үйрек, ортан терек, шылдыр шүмек, кішкене бөбек.

Бір үйде біз нешеуміз?

Бір үйде біз бесеуміз.

Сергіту сәтін жасайды (өлең жолдарын қимылмен қайталап көрсетеді).

Балаларға алдарындағы қағазда күннің суреті салынғандығын, бүгін осы күннің бетін бұлт жауып тұрған сюжетті сурет салу керектігін айтып түсіндіремін.

Сұр және көгілдір гуашьтарды езіп дайындап қоямын. Соны қылқаламмен мол қылып алып, тамшылату әдісімен бұлттарды салу әдісін айтамын. Сурет салғанда бояуды тамызып, бұлтқа ұқсатып салғаннан кейін қылқаламды жуып отыруды түсіндіремін.

Суретті салып болғаннан кейін тыныс алу жаттығуын жасаймыз.

Балалар қылқаламды оң қолдарына ұстап, қағаздың кез келген жеріне қою етіп алынған гуашьты мол тамшылатады. Тамған тамшыны дереу айналдырып бояу барысында үстінен басып дөңгелек немесе…