Бүтін және бөлік тақырыбына мектепалды материал

Сабақтың тақырыбы: Бүтін және бөлік.

Сабақтың мақсаты: Балалардың бүтін және бөлік зат туралы білімдерін қалыптастыру, бүтін затты 2-ге, 4-ке бөлу түсініктерін дамыту, тапқырлыққа, жылдамдыққа тәрбиелеу, ой- өрісін дамыту, сөздік қорын молайту.

Қолданатын көрнектіліктер: суреттер, оқулық дәптер, түрлі- түсті қарындаштар, пішіндер.

Сабақтың әдіс-тәсілі: түсіндіру, үйрету, сұрақ-жауап.

Сабақтың барысы: I.Ұйымдастыру кезеңі

1.Психологиялық жаттығу.

Біз қандаймыз, қандаймыз Шұғылалы таңдаймыз. Жарқыраған күндейміз, Ренжісуді білмейміз.

2.Өткен сабақты пысықтау.

II.Жаңа сабақты хабарлау.

-мынау ненің суреті? Алманың.

-қандай алма? Бүтін алма.

-ал, мынау қандай алма? Жарты алма.

-Мынау бүтін алма, ал, мынау жарты алма.

Демек, бүгінгі сабағымызда бүтінді екіге және төртке бөлумен танысамыз.

1.Балаларға әрқайсысына шеңбер, шаршы пішіндерді беріп, оларды тең екіге бүктету. Оның жарты екенін түсіндіру. Оны тағы бір бүктесек, ширек шығатынын түсіндіру.

2.Әліппе-дәптермен жұмыс.

1.тапсырма: Суреттерді көрсетілген түске боя.

Бүтінді-көк түспен, жартыны-қою көк түспен, ширекті-қызылмен, жартыны-қызғыш сары түспен, ширекті-жасыл түспен боя.

2.тапсырма: Әр гүлкөмбеде 7 гүлден болу керек. Жетпеген гүлдерді жабыстыр.

Бірінші гүлкөмбеде-2, Екінші гүлкөмбеде-4, Үшінші гүлкөмбеде-3 гүл бар.

3.тапсырма:

-Суретте барлығы неше балапан бар? (6)

-Суретте не болып жатыр? (2 балапан кетіп барады).

Есептің шартын құрастырайық. «Аулада 6 балапан серуендеп жүрді. Екі балапан кетіп қалды. Неше балапан қалды?»

-Балапан көбейді ме, азайдыма?

-Неше балапан қалғанын қалай білеміз? (6 дан 2 ні азайтамыз)

3.Сергіту сәті: «Бес саусақ»

Оң қолымда 5 саусақ, Сол қолымда 5 саусақ. Қосып едім екеуін, Болып шықты 10 саусақ.

4.тапсырма:

а)Балалар берілген нүктелер бойынша пішін немесе фигуралар ойлайды. Осы ойлаған пішіндеріңді нүктелер арқылы қос.

ә)Үлгі бойынша доптың және себеттің суретін сал.

4. «Өз орныңды тап» дидактикалық ойыны.

Ойын шарты: Балаларға 1ден 10ға дейінгі сандарды таратып беру.

«Өз орныңды тап» деген сәтте рет-ретімен орналасу қажет.

III.Сабақты қорытындылау.

-Балалар бүгін біз сендермен бүтінді екі және төрт бөлікке бөлумен таныстық.

Сұрақ-жауап алысу. Мадақтау