БЖБ 6 сынып Қазақ әдебиеті

А бөлімі

6-сынып

Қазақ әдебиеті

3-тоқсан бойынша жиынтық бағалау тапсырмалары

Бөлім «Мен балаң жарық күнде сәуле қуған»

С.Торайғыров «Шығамын тірі болсам адам болып», «Шәкірт ойы»

С.Мұратбеков «Жусан иісі»

Оқу мақсаты

6.2.2.1 – эпикалық, поэзиялық шығармалардағы автор бейнесін анықтау;

6.3.3.1 – шығармадағы кейіпкерлер қарым-қатынасын отбасылық құндылық тұрғысынан талдап, әдеби эссе жазу.

Бағалау критерийі Білім алушы

-эпикалық, поэзиялық шығармалардағы автор бейнесін анықтайды;

-шығармадағы кейіпкерлер қарым-қатынасын отбасылық құндылық тұрғысынан талдайды;

-әдеби эссе жазады.

Ойлау дағдыларының деңгейі жоғары деңгей

Орындау уақыты 20 минут

Тапсырмалар

1.Өлең жолдарынан автор бейнесін анықтаңыз.

Шығамын тірі болсам адам болып,

Жүрмеймін бұл жиһанда жаман болып

Жатқаным көрде тыныш жақсы емес пе?

Жүргенше өмір сүріп надан болып.

Мен балаң жарық күнде сәуле қуған,

Алуға күнді барып белді буған.

Жұлдыз болып көрмеймін елдің бетін,

Болмасам толғанайдай балқып туған

Бұл сөзім асып айтқан асылық емес,

Ойында оты барлар асылық емес.

Тебем деп, тірі болсам надандықты,

Серт етіп, өз-өзіме еткем емес. www.almatykitap.kz

Автор бейнесін танытатын жолдар

6-сыныпқа арналған қазақ әдебиеті оқулығы «Атамұра» баспасы, 2018 ж. (55-56 бет)

(орындалу уақыты 3 минут)

2. Берілген шығармадағы үзінді арқылы автор ойы мен көзқарасын анықтаңыз.

Шығармадан үзінді

Менің ойымша...

Біз, балалар, Аянды көп уақытқа дейін еске алып, сөз қылушы едік.

Кейде кешкілік бір жерге жиналып ап, ала қыстай Аян айтқан ертегілердің есте қалғандарын айтып та жүрдік. Тіпті күні бүгінге дейін, сонан бері талай ондаған жылдар өтсе де, кей түні түнде далаға шыға қалсам, қараңғыда бөрікше шошайған Ешкіөлмес шоқысы –астында жалғыз көзді дәу ұйықтап жатқандай. Сол дәумен алысатын жетім бала қайда екен деймін сол сәт. Жазға салым Жусандытөбе жақтан қоңыр салқын самал еседі. Ашқылтым иіс аңқиды. Жусанның иісі. Сондайда есіме Аян тағы аян түседі.

www.almatykitap.kz

6-сыныпқа арналған қазақ әдебиеті оқулығы «Атамұра» баспасы2018 ж (72- бет)

(7 минут)

3.Үзінді негізінде кейіпкердің қарым-қатынасын отбасылық құндылық тұрғысынан талдай отырып, «Соғыстың салқын сыздары» тақырыбында әдеби эссе жазыңыз (100 сөз) (10 минут).