БЖБ 7 сынып Қазақ тілі мен әдебиеті

«Музыка. Қазақтың киелі домбырасы» бөлімі бойынша жиынтық бағалауға арналған тапсырмалар ( ІІІ тоқсан)

7- сынып

Оқу мақсаты:

Бағалау критерийі:

Ойлау дағдыларының деңгейі:

Орындау уақыты:

7.1.2.1 – тыңдалған мәтіннің негізгі мазмұнын түсіну, ақпараттың өзектілігін анықтау.

7.4.2.1 – эссе құрылымы мен дамуын сақтап, көтерілген мәселе бойынша келісу-келіспеу себептерін айқын көрсетіп жазу

Білім алушы

Тыңдаған мәтін бойынша негізгі ақпаратты анықтайды

Эссе құрылымы мен дамуын сақтап, келісу-келіспеу себептерін дәлелдеп жазады

Қолдану. Жоғары ойлау деңгейі.

15-20 мин

Тыңдалым

Мәтінді мұқият тыңдап, тапсырмаларды орындаңыз. (3 минут)

Әміре Қашаубаев 1888 жылдың шілде айында Шығыс Қазақстан облысы Абай ауданында дүниеге келген. Қазақстан ұлттық театр өнерінің негізін салушылардың бірі. Өнер жолын 1917 жылы бастады. 1924 жылы Семейде ұйымдастырылған халық өнерпаздарының байқауына (әншілер сайысына) қатысып, бас бәйгеге ие болды. 1925 жылы Париж қаласында өткен Бүкіл дүниежүзі сән өнері көрмесінде домбырамен «Ағаш аяқ», тағы басқа әндерді орындап, екі бәйгемен қоса, күміс медальді иеленді. Сөйтіп, Әміре Қашаубаев шетелде өнер көрсеткен тұңғыш қазақ әншісі болды. 1927 жылы сәуір айында Әміре Қашаубаев Москва консерваториясында қазақ әндерін астана көрермендері алдында тамылжыта шырқады. Сол жылы Германияның Майндағы Франкфурт қаласында өткен халықаралық музыкалық көрмеде өнер көрсетіп, тағы да қазақтың халық әндерін әлемге паш етті.

А.В.Затаевич Әміре Қашаубаевтың әншілік өнерін өте жоғары бағалап, одан көптеген әндерді жазып алды. Әміре Қашаубаевтың орындауында 1925 жылы Москвада фонографқа жазылып алынған «Жалғыз арша», «Үш дос», «Ағаш аяқ», «Дударай», «Бесқарағай» әндерін музыка зерттеушісі Ж.Шәкәрімов тауып, оларды қайтадан күйтабаққа түсірді.

(Оқыту орыс тілінде жүргізілетін ЖББМ-тің қазақ әдебиеті оқулығынан алынып, оқушылардың жас ерекшеліктеріне бейімделіп ықшамдалды. «Қазақ мәдениеті» энциклопедиялық анықтамалығы. «Арман-ПВ» Астана 2017 жыл.)

1-тапсырма

Әміре Қашаубаевтың Париж қаласында өткен сән өнері көрмесінде орындаған әнін көрсетіңіз. (1 минут)

А) «Айнамкөз»

В) «Ағаш аяқ»

С) «Қалдырған»

Д) «Сырымбет»

2-тапсырма

Мәтін мазмұны бойынша ақпараттың дұрыс/бұрыстығын анықтаңыз. (1 минут)

Ақпараттар

дұрыс

бұрыс

Әміре Қашаубаев 1988 жылдың сәуір айында Шығыс Қазақстан облысында дүниеге келген.