БЖБ 7 сынып Қазақ тілі мен әдебиеті

А Бөлімі

4-тоқсан бойынша жиынтық бағалау тапсырмалары

Бөлімі «Жастықты оты қайдасың?»

Оқу мақсаты:

7.1.5.1 Тірек сөздер, сөйлеушінің дауыс ырғағы мен сөйлеу мәнері арқылы негізгі ойды анықтау.

7.4.5.1Тақырып бойынша сөздердің маңызды бөліктерін дұрыс жазу (күрделі сөздер)

Бағалау критерийі: Білім алушы

тірек сөздерді табу арқылы негізгі ойды анықтайды;

күрделі сөздерді жазба жұмыстарда қолданады.

Ойлау дағдыларының деңгейі: білу, түсіну, қолдану

Орындау уақыты: 15-20 минут

Оқылым.

1-тапсырма. Мәтінді оқып, тірек сөздер арқылы негізгі ойды анықтау.

Кез келген мемлекеттің болашағы – білімді жастар. Білімсіздің күні қараң. Көзі ашық, көкірегі ояу кез келген білімді ұрпақ өз Отанының даму жолында аянбай, тер төгеді. Қазіргі бой жарыстыратын емес, ой жарыстыратын заманда «алма піс, аузыма түс» деп жатудың өзі әбестік. Жалын мен жігерді, ізденіс пен талпынысты талап ететін жастық шақта ел болашағы үшін еңбек ету әркімнің міндеті.

Бүгінгі жас болашақ Қазақстанның жанды бейнесі. Жастарды білім жолына салып,түзу жолдан тайдырмай, санаға сәуле шашар оқу – білімнің тізгінін ұстату мемлекет пен қоғамның міндеті саналады. Қандай мықты мемлекет болмасын жастардың білімі мен оқу - ағарту ісіне көп көңіл бөледі. Келешектің іргетсын қалау үшін ең алдымен сол елдің жастарының саналы ұрпақ болып жетілуіне күш салу керек. Қазіргі таңда Елбасымыз дәл осы бағытта көптеген жұмыстар атқаруда. Әрбір жастың алаңсыз білім нәрімен сусындауына барынша жағдай жасалған. Нұрлы болашақтың даңғыл жолындашабысы қатты тұлпардай жүйіткіген Қазақстанның жастары текті ұлттың ұрпақтары екеніне келер күн мен атқан таң бірден-бір куәгері болмақ.

(138 сөз)

( www.syrboyi.kz өңделген)

Жазылым.

2-тапсырма. Мәтіннен тірек сөздерді тауып, жазыңыз.

3-тапсырма. Тірек сөздер арқылы негізгі ойды анықтап жазыңыз.

4-тапсырма. Мәтіннен күрделі сөздерді тауып жазыңыз.

5-тапсырма. Күрделі сөздерді пайдаланып, «Білімді жастар-ел болашағы» тақырыбында мәтін жазыңыз.

Бағалау критерийі

Тапсырма

Дескриптор

Балл

Білім алушы

Тірек сөздерді табу арқылы негізгі ойды анықтайды.

Тірек сөздерді тауып жазады

Тірек сөздер арқылы негізгі ойды анықтап жазады

Мәтіннен күрделі сөздерді тауып жазады

Күрделі сөздерді жазба жұмыстарда қолданады.

Күрделі сөздерді қолданады.

Мәтін жазады.

Барлығы