БЖБ 7 сынып Қазақ тілі мен әдебиеті

А бөлімі

Бөлім аралық тақырып бойынша жиынтық бағалау тапсырмалары

7-сынып ІI тоқсан жиынтық бағалауға арналған тапсырмалар

Бөлім «Сүйіспеншілік пен достық. Морфология»

Оқу мақсаты 7.2.4.1 идеясы ұқсас публицистикалық және көркем әдебиет стиліндегі мәтіндердің тақырыбы, құрылымы, мақсатты аудиториясы, тілдік ерекшелігін салыстыра талдау;

7.3.4.1 эссе құрылымы мен даму желісін сақтап, тақырыпқа байланысты берілген мәселенің оңтайлы шешілу жолдары немесе себептеріне өз көзқарасын жазу (дискуссивті эссе)

Бағалау критерийі: Білім алушы

Мәтіндердің стилін,тақырыбы,құрылымын, мақсатты

аудиториясын ,тілдік ерекшелігін салыстырады.

Мәселенің шешу жолдарын негізге алып,эссе құрылымы

мен даму желісін сақтап, дискуссивті эссе жазады.

Ойлау дағдыларының

деңгейі: Жоғары деңгей дағдылары

Орындау уақыты: 25 минут

Тапсырма

Берілген екі мәтінді мұқият оқып, көтерілген мәселені анықтаңыз.

1-мәтін

Жан досым

Iздегенде табылатын қасыңнан,

Көңілі бар қызғалдақтай ашылған.

Көрiспесек сағыныштан жүдейтiн,

Кiм бар екен бала күнгi досыңнан!

Қайырмасы:

Жан досым, үстем болсын мерейің,

Әрқашан жеңiсiңді көрейiн,

Сырымыз да бiтпесiн,

Жырымыз да бiтпесiн, жырымыз да бiтпесiн!

Қос бұтағы секiлденiп ағаштың,

Қатар жүріп сырымызды сан аштық.

Жол тапсақ та бiрге жүрiп жол таптық,

Адассақ та бiрге жүрiп адастық. (Т.Молдағалиев)

2-мәтін

Қазақстан халқы Ассамблеясы – татулықтың жарқын үлгісі. Әлем үлгі тұтқан айтулы институттың ізімен Сыр өңірінің Жаңақорған ауданында тағы бір бірлестік құрылды. Аудандағы 17 ұлттың 600-ге тарта өкілі «Сығанақ» этномәдени орталығына топтасып, ұрпаққа өнеге болар ұлағатты шараларға ұйытқы болуды көздейді. Ольга Шин: «Сығанақ» этномәдени орталығының мүшесі:

— Қазақстан халқы Ассамблеясы біздің бірлігіміз бен достығымызды арттырды. Бейбітшіліктің қадірін ұғына білгеннің арқасында ел экономикасы нығайды, алауыздықтан аманбыз. Осынау жетістіктер Қазақстанды биік белестерге көтеріп, әлемге танытты. Байлық – байлық емес, бірлік – байлық. Бұл- «Сығанақ» этномәдени орталығының берік ұстанымы. («Сыр бойы» газеті сайтынан)

1.Екі мәтінді салыстырып, берілген тапсырмаларды орындаңыз.

1-мәтін

2-мәтін

Стилі

Құрылымы

Аудиториясы

Тілдік ерекшелігі

2. Сұрақтарға жауап беріңіз.

1.Екі мәтінге ортақ тақырыпты табыңыз.

А) ауызбіршілік пен сыйластық

В)бейбітшілік пен келісім

С) бірлік пен байлық

Д)достық пен бірлік

Е) жолдастық пен достық

2.Мәтін мазмұнына қатысты мақал- мәтелді табыңыз.

А)Ауылы бірдің ауызы бір.

В) Байлық байлық емес,бірлік — байлық.

С)Досты сынамай, сырыңды айтпа.

Д)Сенімсіз жолдас- қауіпті жау.