бжб , қазақ тілі «Жолың болсын, жолаушы! » бөлімі бойынша жиынтық бағалау 2-нұсқа

«Жолың болсын, жолаушы! » бөлімі бойынша жиынтық бағалау

2-нұсқа

Оқу мақсаты:

9.3.4.1 мәтіндердің стилін, жанрлық ерекшеліктерін салыстырып, талдау жасау;

9.4.3.1 жазба жұмыстарында афоризмдерді тиімді қолданып жазу.

ОҚЫЛЫМ. 1-тапсырма. Мәтіндерді мұқият оқып шығып, екі мәтіннің тілдік ерекшеліктеріндегі айырмашылықтары мен ұқсастықтарын зерттеп талдау жасаңыз. Мақаланың жанрлық ерекшелігін анықтаңыз.

1-мәтін

Соңғы кезде жолаушы тасымалы мәселесі бірнеше дүркін биік мінбелерден көтеріліп жүр. Жолдағы жиілеп кеткен көлік апаттары, жазықсыз жапа шегіп жатқан жолаушылар – мұның бәріне кім кінәлі, неге тәртіп орнатпасқа, неге кінәлілерді қатаң жазаға тартпасқа, неге жолаушы тасымалын бір жүйеге түсірмеске? Елбасының өзі жол апатының жағдайына қатты алаңдаушылық білдіріп, тиісті құзырлы органдарға нақты тапсырмалар жүктеген болатын.

Ең бастысы, енді жолаушылар қыстың көзі қырауда ашық аспан астында дірдектеп тұрмайды. Диспетчерден баратын елді мекенге көліктің қай уақытта жүретінін сұрап, жол билетін алып, жылы жерде күтуге мүмкіндігі бар. Әр істің де бастауы қиын болатыны сияқты мұнда да жүргізушілер мен жолаушыларды бір жүйеге түсіру оңай болмаса керек. Дегенмен, жақсы бастама – істің жартысы деген бар. Автобекет жақсы жұмыс істеп кетіп жатса бұл бәріміз үшін де әрі қолайлы, әрі абырой.(122 сөз)

2-мәтін

Жолаушының таксиде қалған әмиянын кайтарып беру үшін оны 8 сағат күткен жүргізушіге көлік ұсынылды. Мәскеуде таксиде әмиянын ұмытып кеткен иесін сегіз сағат күткен қырғызстандық жүргізушіге тегін көлік ұсынды, деп хабарлайды Stan.kz ақпараттық агенттігі IZ.RU порталына сілтеме беріп. Такси жүргізушісіне «Ситимобил» көлік агерогаторы ерекше ұсыныс жасады. Егер ол аталған компанияда жұмыс істеуге келісімін берсе, одан бір ай бойы комиссия көлемін алмайтындарын мәлімдеді. Компания басшыларының айтуынша, сегіз сағат күткен такси жүргізушісінің оқиғасы оларды қатты тебіренткен.

«Такси тұтынушыларын ойлау – жүргізушінің ең басты міндеті, сондықтан бұл такси жүргізушісінің әрекеті басқа қызметкерлерге үлгі болады», – дейді олар.

Естеріңізге салсақ, Мәскеу қаласында қырғызстандық такси жүргізушісі жолаушының автокөлікте қалып кеткен әмиянын кайтарып беру үшін оны сегіз сағат күткен. Бұл оқиғаны әмиянның иесі Варя Кузнецова өзінің желідегі парақшасында жазған еді. (121сөз) Stan.kz

1-мәтін

2-мәтін