Дәмді алмалар технологиялық картасы балабақшаға

№ ТЕХНОЛОГИЯЛЫҚ КАРТА

Айы күні:_10 02 2019_______

Білім беру саласы: Шығармашылық.

Бөлімі: Сурет салу.

Тақырыбы: Дәмді алмалар.

Мақсаты: Алманың суретін сала білуді үйрету. Алма жемісін салуда өз еркімен бояу түстерін таңдай білу. Жоғарыдан төмен қарай қылқаламмен сызықтар жүргізе отырып толық, тегіс бояуға үйрету. Ұқыпты жұмыс жасау дағдыларын қалыптастыру. Жеміс-жидектерге деген сүйіспеншілік сезімдерге тәрбиелеу.

Қолданылатын көрнекі құралдар: күз мезгілінің суреті, ыдыстағы алманың суреті.

Қажетті құрал-жабдықтар: бояулар, қылқалам, қағаз, су, сүлгі, магнитофон, баяу әуенді күйтабақ, сурет дәптер.

Сөздік жұмысы: алуан, әр түсті, әртүрлі.

Сөздік жұмыс: терек, бұтақтар.

Оқу іс-өрекетінің кезеңдері

Педагогтің іс-әрекеті

Балалардың іс-әрекеті

Мотивациялық – қозғаушылық

Шаттық шеңбері.

Қызыл-жасыл, қарасын

Қолға кезек аласың.

Қарындашпен әртүрлі,

Алуан сурет саласың.

Қарындаштың көмегі,

Міне, қандай көп еді.

Ұштай біл де, ұстай біл, Түрлі өрнек төгеді. (Н.Айтов.)

Өлең жолдарын қимылмен көрсетеді, қылқалам мен қарындашты естеріне түсіріп, ұстап көріп, сұраққа жауап береді.

Ұйымдастырушылық – ізденістік

Тақтаға «Күз» мезгілінің суреті ілінеді. Күз мезгілі туралы білімдерін кеңейту үшін әңгіме жүргізіледі. Педагог балаларға сурет бойынша әңгіме құратады.

- Балалар, мына суреттен нені көріп тұрсыңдар?

Алма туралы сұрақтар береді. Балалар алманың суретін салады. «Домалақ», «әдемі», «қызыл», «сары», «жасыл» деген сөздермен сөз тіркесін құрастырады.

«Әртүрлі», «алуан түрлі» сөздерін қайталатады.

Педагог алманың суретін салу жолдарын түсіндіреді.

(Баяу ойнайтын әуен қоюға болады). - Қылқаламды үш саусақпен ұстап, суға батырып, артық суды стақан ернеуіне сүйкеу арқылы қалдырып, қалаған бояуымызға салып, қылқаламның ұшымен жоғарыдан төмен қарай сызықтар жүргізе отырып, алманы толық бояп шығамыз. Енді қылқаламды жуып, қоңыр бояуға салып, алманың сабағын саламыз. Алманың ішін бояу үшін қылқаламды бояуға толық батырып жоғарыдан төмен қарай жүргіземіз. Бой сергіту: Қолды үстелге қоямыз,

Саусақтарды санаймыз. 1,2,3,4,5 - 1, 2,3,4,5

Екі қолды қос. (Екі рет қайталауға болады).

(Балалар толық жауап беруі тиіс, бір рет хормен айтады, сосын жеке-жеке сұрау қажет).

- Қазір күз мезгілі. Себебі, айналаның барлығы сары түсті болып түр. Күзде жемістер, көкөністер піседі, құстар жылы жаққа ұшып кетеді.