Дәптер сыртына қойылатын талаптар 2025-2026жыл

«Бастауыш сынып оқушыларының дәптерлеріне қойылатын талаптар»

Бастауыш сыныпта оқушылардың дәптерлеріне қойылатын талаптарды қалыптастыру – педагогтердің басты міндеттерінің бірі. Бұл процесс арнайы әдістемелік құралдар мен оқу материалдарын қолдану арқылы жүзеге асырылады.

Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығымен бекітілген «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарына» (бұдан әрі – Стандарт), Қазақстан Республикасы Білім және ғылым министрінің 2012 жылғы 8 қарашадағы № 500 бұйрығымен бекітілген «Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларына», Қазақстан Республикасы Оқу-ағарту министрінің 2022 жылғы 16 қыркүйектегі

№ 399 бұйрығымен бекітілген «Жалпы білім беру ұйымдарына арналған жалпы білім беретін пәндердің, бастауыш, негізгі орта және жалпы орта білім деңгейлерінің таңдау курстарының үлгілік оқу бағдарламаларына» негізделген мектеп құжаттамасын жүргізу бойынша әдістемелік ұсынымдар әзірленді.

Білім алушылардың дәптерлерін жүргізу тәртібі

Дәптерде көк қаламмен жазып, сызықтар мен фигураларды қарындашпен орындау қажет. 1 және 2-сынып білім алушылары жазуды тар жол дәптерлеріне, ал 2-сыныптың екінші жартысынан бастап және 3-4-сыныптарда кең жол дәптерлеріне жазады.

Педагог білім алушыларға әріптер мен сандардың дұрыс жазылуын, буындар мен әріптерді байланыстыруды көрсетіп, қателерді түзетуге басшылық етеді. Тексеру барысында қате жазылған әріптерді түзетіп, дәптердің шетіне дұрыс жазылу үлгісін көрсету керек (қате қосылуларды сызып, дұрысын жаңа жолға жазып үлгі көрсету арқылы түсіндіреді).

Барлық дәптерлерде келесі жұмыс түрлері белгіленеді:

сынып жұмысы;

үй жұмысы;

каллиграфиялық дағдыны жетілдіру жұмысы;

қателермен жұмыс (қажет болған жағдайда).

Әр білім алушыда оқу, тексеру және бақылау жұмыстарын жүргізу үшін келесідей дәптерлер болуы тиіс:

Оқу пәні

Дәптерлер саны

Оқу кезеңі

Түсініктеме

Жұмыс

Бақылау

Әліппе

Қазақ тілі

жазу

дәптері 2

жоқ

әліппе оқу кезеңінде

2-4-сыныптар

1,2 дәптердің болуы рұқсат етіледі

Әдебиеттік оқу

2-4-сыныптар

дәптердің болуы

рұқсат етіледі

Математика

жазу

дәптері 2

жоқ

әліппе оқу кезеңінде

2-4-сыныптар

1,2 дәптердің болуы рұқсат етіледі

Жаратылыстану

жоқ

1-4-сыныптар

Жұмыс дәптерлерін оқу – әдістемелік кешенге кіретін баспа негізінде

Дүниетану

жоқ

1-4-сыныптар

Жұмыс дәптерлерін

оқу – әдістемелік кешенге кіретін баспа негізінде

Әдебиеттік оқуға арналған дәптерлер: Бұл дәптерлерде білім алушылар шығармашылық жұмыстарды (шығарма жазу, сурет салу, шығармаларға жоспар құру, әдеби ұғымдардың анықтамаларын жазу) орындай алады.

Дәптерлерді рәсімдеу барысында төмендегі талаптар сақталуы тиіс:

Азат жол: Әрбір жаңа абзацты рәсімдегенде оңға қарай кемінде 2 см (екі саусақ) шегіну қажет. Бірінші сыныптан бастап азат жолды сақтау міндетті;

Жолдар: Жұмыс барысында жолдар қалдырылмайды; мәтін үздіксіз жазылады. Әр жаңа бет жоғарғы жолдан бастап, соңғы жолға дейін толтырылуы тиіс;

3) Шеттері: Әр жолды сол жақтан рәсімдегенде шеттен 0,5 см-ден артық шегінбеу қажет. Оң жақ шетте жолды соңына дейін толтыру талап етіледі. Сөздерді тасымалдау ережелерін сақтау міндетті, ал жолда негізсіз бос орындардың болуы рұқсат етілмейді.

Абай атындағы мектеп-гимназияның

4 а - сынып оқушысы

Қамбар Даниярдың

қазақ тілі дәптері

Абай атындағы мектеп-гимназияның

4 а - сынып оқушысы

Қамбар Даниярдың

математика дәптері

Дәптерлердің сыртқы мұқабасы келесі үлгі бойынша толтырылады:

1-сынып білім алушыларының дәптерлерін бастапқыда педагог (ата- анасы) толтырады. 2-сыныптың екінші жартыжылдығынан бастап білім алушылар дәптерлерін педагогтің басшылығымен өздері толтыруға кіріседі.

Дәптердегі барлық жұмыстар келесі талаптар мен ережелерге сәйкес орындалуы қажет:

жазу тәртібі: Барлық жазбалар ұқыпты және түсінікті жазылуы керек;

күн реті мен ай атының жазылуы (тіл пәндерінде): 1-сыныптың бірінші жартыжылдығында ай атауы жазбаша түрде, ал күн реті араб цифрымен жолдың ортасынан жазылады. 1-сыныптың екінші жартыжылдығынан бастап 2, 3, 4- сыныптарда да ай аты мен күн реті толық жазбаша жазылады;

пунктуация: күн реті мен жұмыс түрінен кейін нүкте қойылмайды;

жұмыс атауы: Жұмыс атауы келесі жолдың ортасына (жол тастамай) жазылады, соңына нүкте қойылмайды. Мысалы:

Қыркүйектің 2-сі

Сынып жұмысы

12-жаттығу

Үй жұмысы

Нүкте қойылмайды!