Дара және күрделі сын есімге арналған сабақ жоспары

«Өзін-өзі тану» пәнімен интеграцияланған қазақ тілі пәні сабағының жоспары

Мектеп: №19 Б. Майлин атындағы жалпы орта мектебі Мерзімі: 012.02.2019 жыл Мұғалім: Серикбаева Раушан Дуйсенбаевна Сынып: 4 «а» Оқушы саны: 25 оқушы Тақырыбы: Дара және күрделі сын есім Құндылық: Сүйіспеншілік Қасиеттер: Бәрін жақсы көру, сүйіспеншілік, татулық .

Сабақтың мақсаты:

Сабақтың міндеттері:

1. Жаттығулар мен тапсырмалар орындау арқылы оқушылардың сын есім туралы алған білімдерін еске түсіру

2. Оқушылардың ой-өрістерін, танымдық- шығармашылық қабілеттерін дамыту.

3. Бәрін жақсы көру арқылы сүйіспеншілікке, татулыққа, жауапкершілікке тәрбиелеу

Ресурстар: (материалдар)

Сыртқы интеграция (Өзін-өзі тану сабағының әдістемелік тәсілдерін қолдану)

Ішкі интеграция (жалпыадамзаттық құндылықтарды сабақ мазмұнына интеграциялау)

«Сәлем» деп амандасып қолымызбен,

«Сәлем» деп қараймыз көзімізбен,

«Сәлем» деп айтамыз аузымызбен,

«Сәлем!» деп қуаныш сыйлаймыз бәріңізге.

« 5 – Т » ережесін қадағалау

Тыныс алуға зейін қою.

Мұғалім:

Сіздердің аяқ-қолдарыңызды айқастырмай, түзу отыруларыңызды өтінемін. Біз қазір тыныс алу жаттығуын жасаймыз. Тыныс алуға зейін қою кезінде, біздің ақылымыз тынышталады. Тыныс алу кезінде тыныштық пен ризашылықты қабылдаймыз. Тынысты шығарған кезімізде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз ..... , арқамызды тік ұстаймыз .... , қолымызды тіземіздің үстіне қоюға болады .... .

Тыныс аламыз, .... , тыныс шығарамыз. ( 9-10 рет)

Топқа бөлу.

Туған ел

Кенсің дала,

Туған ана

Көйлегің кең,

Көк ала.

Жан беретін,

Сән беретін.

Мейірімді ана

Сен ғана.

С. Сейфуллин

«Т уған ел », «Туған жер», « Атамекен », « Отан ».

Мақсат қою кезеңі. Сабақтың тақырыбы мен мақсатын хабарлау.

Бүгінгі сабағымыз « Отан отбасынан басталады » тақырыбымен байланыстырылады.

Бүгін 12 ақпан «Алтын жүрек анамыз» Сара Алпысқызы Назарбаева 78 жасқа толды. «Бөбек» қайырымдылық қорының негізін қалаушы. «Өзіңді-өзің таны» атты балаларға рухани-адамгершілік білім беру идеясының авторы болып табылады.

Тақырыпқа байланысты оқушылардың жаттаған өлең шумақтарын тыңдау

Үй тапсырмаларын әр топтан бір оқушы оқып, тексеріледі.

Дара сын есімдер: ұзын, ақылды, ауыр, жұмсақ, биік, жарық, жайлы.

Күрделі сын есімдер: сары ала, қызыл қоңыр, қара көк, кішкене-кішкене, қызыл сары.

Сөзжұмбақ шешу.

Ас дайындайтын маман.(Аспаз)

Бие сүтінен жасалатын сусын. (Қымыз)

Көктемнің алғашқы айы. (Наурыз)

Әкемнің анасы. (Әже)

Отанымыздың Ел Ордасы (Астана)

Құрлықтағы ең үлкен жануар. (Піл)

Барлық қабырғалар қосындысы. (Периметр)

Сын есім туралы не білеміз? «Топтастыру» әдісі

Қандай? Қай? Негізгі. Туынды. Дара .Күрделі. Түрі .Түсі. Сыны. Сапасы.

Дәмі. Көлемі. Пішіні.

Мағынаны тану

Оқулықпен жұмыс

Жаттығу

Дара сын есімдердің астын бір, күрделі сын есімдердің астын екі сызықпен сыз.

Жайлау

Жайлау қандай тамаша,

Көзді тартар қараса.

Қызыл ала төңірек

Бейне жайған алаша.

Ақ боз үйлер тігіліп,

Ашылыпты түңілік.

Көбелекті қуалап,

Балалар жүр жүгіріп.

Аспан бұлтсыз тұр ашық,

Жиегі жатыр қыр асып.

Үлкен-кіші көңілді,

Тойы тойға ұласып.

С. Мәметов

2-жаттығу.

Сын есімдер мен зат есімдерді қатыстырып сөйлемдер құрастырып жаз.

Сын есім: биік, ауыр, тұп-тұнық, ұзын, қара көк.

Зат есім: су, ат, үйлер, жұмыс, көше.

Жаттығу

Мәтінді көшіріп жаз.

Наурызым қорығы қарағайлы орман мен далалы аймақтың шағын көлдерін сақтап қалу мақсатында құрылған. Бұл жерді табиғи музей десе де болады.Бұл қорықта қызыл жемсаулы қаз, дуадақ, аққұр секілді құстар, қызыл түлкі, қара көк күзен, ақ сары суыр секілді жануарлар мекендейді.

Сын есімдерді тауып, қайсысы дара, қайсысы күрделі екенін айт.

Елімізде қандай қорықтар бар?

Мемлекеттік табиғи қорық- табиғат қорғау және ғылыми мекеме мәртебесі бар ерекше қорғалатын табиғи аймақ.Қазақстанда қазіргі уақытта 10 қорық ұйымдастырылған:

Ақсу-Жабағылы мемлекеттік табиғи қорығы

Алматы мемлекеттік табиғи қорығы

Наурызым мемлекеттік табиғи қорығы

Барсакелмес мемлекеттік табиғи қорығы

Қорғалжын мемлекеттік табиғи қорығы

Марқакөл мемлекеттік табиғи қорығы

Үстірт мемлекеттік табиғи қорығы

Батыс Алтай мемлекеттік табиғи қорығы

Алакөл мемлекеттік табиғи қорығы

Қаратау мемлекеттік табиғи қорығы.

4-жаттығу.

Мәтінді түсніп оқу.

Біздің үйде бір қара ала ит бар. Ол – өте текті ит. Апталап аш жүрсе де, беті ашық ыдыстағы тамаққа бірде-бір рет бас қойып көрген емес.

Небір қарлы, жаңбырлы қараңғы түндерде қораны айнала үріп, ит-құстан қойды жалғыз күзететін.

Қара ала ит біздің үйдің жетінші ырысы еді. Ол иттермен таласудың да шебері. Азулы төбеттердің өзін ә деп алқымынан ала түсетін де, жібермей қоятын.

«Балдырған» журналынан

Сын есімдерді тауып, қайсысы дара, қайсысы күрделі екенін айт.

Мәтінге ат қой.

Жеті қазына:

Адамның ақылы, ой-санасы

Денсаулық (Дененің саулығы)

Ақ жаулық (үйдегі әйел адам -ердің жары, балалардың анасы)

Бала ( Бала-адам өмірінің жалғасы, қуанышы)

Көңіл (Көңіл мен пейіл кең болса, ынтымақ пен береке орнайды.)

Жер (Жерсіз –ер тұл, ерсіз - жер тұл»

Ит. Ол әуел бастан-ақ адамға сенімді серік болған.

«Бес жолды өлең»

Адамға серік,

Күзетке берік.

Бүгінгі сабақтан түйгеніміз:

Біз келешектің ұландарымыз.

Оқимыз, ойлаймыз, үйренеміз.

Ел тарихын сақтаймыз.

Ел үмітін ақтаймыз.

Сергіту сәті:

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Көзді салып қараңыз,

Былай қанат қағамыз.

/Б.Бөрiбаев/

Ән айту: «Біз өмірдің гүліміз»

Бүгінгі сабақта біз не істедік?

Үй тапсырмасы: 6- жаттығу 43-бет

Бағалау Оқыту үшін бағалау және оқуды бағалау

Кері байланыс «Басбармақ»

Сурттер

Стикерлер

Сөзжұмбақ

Кесте

Парақшалар

Слайд

Оқулық

Талдау: Өзін-өзі тану сабағының әдістемелік тәсілдерін қолдану арқылы қазақ тілі сабағында оқушылармен жалпыадамзаттық құндылықтарды сабақ мазмұнына кіріктірдім.

Оқушылар Сара Алпысқыз Назарбаева туралы мағлұмат алып, алған білімдері бойынша бойларында сүйіспеншілік құндылығының мәнін ашу арқылы « Алтын жүрек анамыз » тақырыбында әңгімелесу әдісі арқылы өздерінің келешекке жауапты екендерін сезінді. Өздеріне жасалып жатқан қамқорлық пен жылудың жүрек түкпірінде орын алып жатқандарын түсінді.

Отанға деген жауапкершілік, сүйіспеншілік сезімдері арта түсті.

Пән иесі: Серикбаева Р.Д.

«Өзін-өзі тану» пәнімен интеграцияланған математика пәні сабағының жоспары

Мектеп: №19 Б. Майлин атындағы жалпы орта мектебі Мерзімі: 01.02.2019 жыл Мұғалім: Серикбаева Раушан Дуйсенбаевна Сынып: 4 «а» Оқушы саны: 25 оқушы Тақырыбы: Қозғалысқа берілген есептерді шығару Құндылық: Сүйіспеншілік Қасиеттер: Бәрін жақсы көру, сүйіспеншілік, татулық .

Сабақтың мақсаты:

Бір бағыттағы қозғалысқа берілген есептерді шығара білу қабілеті мен есептеу дағдыларын жетілдіру, геометриялық фигуралар мен шамалар туралы білімін бекіту.

Сабақтың міндеттері:

1.Қозғалысқа берілген есептерді шығара білу қабілеттері мен есептеу дағдыларын жетілдіру.

2. Ойлау, есте сақтау қабілеттерін дамыту.

3. Бәрін жақсы көру арқылы сүйіспеншілікке, татулыққа, жауапкершілікке тәрбиелеу

Ресурстар: (материалдар)

Сыртқы интеграция (Өзін-өзі тану сабағының әдістемелік тәсілдерін қолдану)

Ішкі интеграция (жалпыадамзаттық құндылықтарды сабақ мазмұнына интеграциялау)

« 5 – Т » ережесін қадағалау

Тыныс алуға зейін қою.

Мұғалім:

Сіздердің аяқ-қолдарыңызды айқастырмай, түзу отыруларыңызды өтінемін. Біз қазір тыныс алу жаттығуын жасаймыз. Тыныс алуға зейін қою кезінде, біздің ақылымыз тынышталады. Тыныс алу кезінде тыныштық пен ризашылықты қабылдаймыз. Тынысты шығарған кезімізде өзіміздегі мазасыздықтарды сыртқа шығарамыз.