Дене шынықтыру студенттерінің оқу тәжірибесі туралы есебі

ЖШС «Каспий өңірі «Болашақ» колледжі

0103000 «Дене тәрбиесі және спорт» мамандығы студенттерінің

«Білім алушының таңдауы бойынша практика» және «Жазғы практикаға дайындық» оқу тәжірибесі бойынша

жетекшісі Н.Ж. Қосымбаеваның

ЕСЕБІ

Білім беру саласындағы үздік әлемдік тәжірибелерге сай келетін жоғары білім сапасына қол жеткізуде шетелдік білім ордаларымен тәжірибе алмасудың маңызы зор. Қазіргі білім беру саласындағы проблема – әлеуметтік-педагогикалық және ұйымдастыру тұрғысынан білім мазмұнына жаңалық енгізудің тиімді, жаңа әдістерін іздестіру, оларды жүзеге асыру. Осы орайда Елбасы Нұрсұлтан Назарбаевтың «… Бізге бұрынғы қай кездегіден де білім мен ғылымның баға жеткіліксіз қорын барынша арттыру, оны қазіргі заманға сай ету қажет» деген сөзі егемен елімізде білім беру саласына мемлекет тарапынан қаншалықты көңіл бөлініп отырғанын дәлелдейді.

Болашақ педагог мамандардың педагогикалық қызметті меңгеруі тек теориялық оқу мен практикалық тәжірибе өзара байланыста болған жағдайда ғана жүзеге асады. Кәсіби компоненттердің іскерлігі мен дағдыларын дәрісханада ғана отырып қалыптастыру мүмкін емес. Педагогикалық практикадан өту кезінде студент-практикант қаншалықты мамандықты дұрыс таңдағанын, өзінің тұлғалық қабілеттерінің болашақ мамандығымен үйлесімділік деңгейін анықтайды. Тек ұзақ мерзімді практикада студенттердің бұрын меңгерген білімі мен қажетті білім қоры арасындағы қайшылықтары айқындалып, үздіксіз білім алу факторы туындайды. Студенттің кәсіби әрекеті мазмұнды материалдардың негізінде, практика барысында жетіледі. Бұл кезеңде студенттердің іскерлігі мен дағдылары қалыптасады және өзіне деген сенімі артады. Шығармашылық деңгейде жұмыс істеу барысында олар өз білімдерін дәлелдейді. Студент-практикант өз іс-әрекетін талдай отыра, жұмыс барысында туындаған қиыншылықтарды іскерлікпен шешеді

Каспий өңірі «Болашақ» колледжі білім алушылары өз кезегінде барлық оқу және өндірістік практикаларды өз кезегінен қалмай оқу процесімен қатар жүреді. Оған дәлел, «Дене тәрбиесі және спорт» мамандығының 3-курс студенттері Фк -17-1,2 топтарына 14.02–10.04.20 аралығында «Білім алушының таңдауы бойынша практика», «Жазғы практикаға дайындық» оқу тәжірибесі колледж базасында өткен болатын.

Оқу тәжірибе барысында: Практиканың мақсат-міндеттерімен. Практика бағдарламасымен, жазғы сауықтыру лагеріндегі санитарлық-гигеналық талаптармен, ережелермен таныстырылды. Жасақтың үлгі жұмыс жоспарын жасақтау туралы және де жазғы сауықтыру лагеріндегі нұсқаушының жұмыс жүйесімен танысуға дайындалды. Баланы еңбек, ойын, дене шынықтыру-сауықтыру, спорттық…