Деңгейлеп-саралап оқытудың тиімділігі туралы мақала

Деңгейлеп-саралап оқыту технологиясының білімалушыларға тиімділігі.

Бүгінгі бала, ертеңгі азамат, мемлекетімізді ары қарай дамытушы тұлға. Сондықтан да білім негізі мектептен бастап қаланады. «Қазақ тілі мен әдебиеті» пәні - білімалушыларды тілдік білім негіздерімен қаруландыратын, тіл арқылы қарым-қатынас жасау қызметінің барлық түрін меңгертетін және олардың ақыл-ойын дамытатын пән.

«Қазақ тілі мен әдебиеті» пәннің оқытудың мақсаты – тілдік мағлұматтарды меңгерту, сауатты жазу, оқу дағдыларын жетілдіру, зияткерлігі мен шығармашылық қабілеттерін, қатысымдық құзыреттілігін дамыту, жеке тұлғаның қалыптасуы мен дамуына мүмкіндік жасау.

Деңгейлік тапсырмалар арқылы балаға жеңілден қиынға қарай тапсырмалар орындау нәтижесінде мұғалім білімалушылардың алған білімдерін тексеріп, бекітумен бірге, логикалық ойлау қабілеттерін де дамытады. Оқушылардың қазақ тілінен алған теориялық білімдерін тереңдете түсуге, тілдік нысандарының қыр – сырын біліп, өзіндік ерекшеліктерін тани алуға, әр алуан тапсырмалар арқылы білім деңгейін молайтуға жағдай жасайды. Тапсырмалар білімалушылардың сабақта жұмыс істеуіне, тіл дамытуына, жазу дағдыларын қалыптастыруға мүмкіндік береді.

Деңгейлеп-саралап оқыту технологиясының білімалушыларға тиімділігі: сынып оқушыларының барлығы деңгейлік тапсырма орындауы, білім көрсеткішінің нақты және сапалы болуы, білімалушының өз білімін өзі бағалап, білім деңгейін дамыта алуы, білімалушылардың оқуға ынтасы мен пәнге қызығушылығының артуы, білімалушының іздену дағдысының, ұстамдылығының қалыптасуы, оқушы белсенділігінің оянуы, алға қойған мақсатына жетуге дағдылануы, қиындықтарды жеңуге ұмтылуы, білімалушының өздігінен жұмыс істеуі мен жауапкершілігінің артуы, білімалушы мен мұғалім арасындағы ынтымақтастық қарым-қатынастың орнауы.