Дені сау адам жарқын болашақ иесі ашық сабағы

Ақтау қалалық білім бөлімінің №59 С.Н Шапағатов атындағы балабақша мемлекеттік коммуналдық қазыналық кәсіпорны

«Бекітемін»

№59 С.Н Шапағатов атындағы

балабақша директоры

Р.Ж Мухышева

« » 2019 жыл

Қалалық семинарға арналған ұйымдастырылған оқу қызметі

Тақырыбы: «Дені сау адам-жарқын болашақ иесі!»

Дайындаған : №14 ортаңғы топ тәрбиешісі Сулейманова А.И

Ақтау қаласы

2019-2020 оқу жылы

Тақырыбы: «Дені сау адам-жарқын болашақ иесі!»

Мақсаты: Балаларға тазалық туралы өз білгендерін әңгімелеуге жаттықтыру және алған білімдерін қолдануға дағдыландыру, сюжеттік рольдік ойындар арқылы сөздік қорларын молайтып, бір-бірімен қарым қатынасын нығайту.

Көрнекілігі:Слайд, бейнеролик, декарация шаштараз, дүкен, дәрігер ойын бұрыштары.

Әдіс-тәсілі: Көрнекілік, топпен жұмыс, әңгімелеу, сұрақ-жауап, мақтау-мадақтау;

Ұйымдастырылған оқу қызметінің барысы:

(зал әсем безендірілген, балалар сап болып ,әуенмен залға кіреді, жарты шеңбер болып тұрады)

Тәрбиеші: Балалар бүгін ерекше күн болғалы тұр,қараңдаршы бізге көп қонақтар келіп қалыпты, қонақтарға амандасайық.

Балалар: Армысың Алтын күн!

Армысың көк аспан!

Армысың Жер-Ана!

Армысыздар қонақтар!

(балалар орындарына отырады)

-балалар қазір жылдың қай мезгілі?

-Қазір жылдың қыс мезгілі

-Дұрыс айтасыңдар, әр қыста бір ғажайып болады. Бүгінде бір ғажайып бар. Мен қыс сәнін тамашалап жүріп мынадай құрылғы тауып алдым. Бұл уақыт көлігі деп аталады. Уақыт көлігі өткен жылдар мен келер жылдарға апара алады. Бүгін мен сіздерге өткен жылға апарып, көргім келеді. Сіздер барғыларыңыз келеді ме?

(балалардың жауаптары)

-Ендеше балалар қане барлығымыз көлікке отырайық.

(әуен ойнайды, балалар қатармен жүріп көлікке отырады)

(Тосын сәт. Балалар жан-жағын тамсана қарайды. Балалардың алдынан үңгірден ежелгі адам шыға келеді, ол таңырқап, қимыл әрекеттер жасайды)

Тәрбиеші: Балалар қараңдаршы, бұл кім деп ойлайсыңдар?

Балалар: адам ғой, неге үсті лас, неге сөйлей алмайды т.б сұрақтар қояды.

Тәрбиеші: Сәлеметсіз бе адам. Біз болашақ елінен келіп тұрмыз,балалар бұл ежелгі адам, бізден бірнеше жыл бұрын адамдар осындай болған.

Балалар: Апай оны өзімізбен алып кетейікші.

Тәрбиеші: Қане оған түсіндіріп айтып көрейін, дұрыс айтасың олда мүмкін барғысы келетін болар. Бізге қатты таңғалып қарап тұр.

(тәрбиеші қимыл әрекеттермен рұқсат сұрайды, ежелгі адам басын изеп келіседі)

Тәрбиеші: Алақай балалар, ол келіскен секілді. Балалар ежелгі адамды болашақпен таныстыруға дайынбыз ба?

Балалар: Ия дайынбыз

Тәрбиеші:Ендеше уақыт көлігімізге отырып, өз жылымызға елімізге қайтайық.

(әуен ойнайды, балалар қатармен жүріп көлікке отырады)

Тәрбиеші: Міне балалар өз елімізге де келдік.Ал енді балалар ежелгі адамды, ол үшін болашақ болып саналатын адамдардың жағдайын таныстырайық.

(Балалар ежелгі адамды айнала шеңберге тұрады.)

Тәрбиеші: Балалар енді, ежелгі адамға есім қояйық. Кім деп қоямыз?

Балалар: Азамат деп қойайықшы апай.

Тәрбиеші: Жарайды. Сенің есімің Азамат болсын. Ой балалар сөйлеп білмейтінін ұмытыппын ғой, қане барлығымыз оның есімін қайталайықшы.

(балалар Азамат деп қайталайды)