Дені сау ұрпақ, жарқын болашақ сабақ жоспары

Тақырыбы: «Дені сау ұрпақ, жарқын болашақ» спорттық сайыс

Мақсаты: оқушылардың салауатты өмір салты жайлы білімдерін треңдету, адам денсаулығының қымбаттылығын, өмір сүру қажеттілігін, бағалы байлық екендігін түсіндіру.Денсаулықты сақтауға, тазалыққа,салауатты өмір салтын ұстануға баулу.

Көрнекілігі: суреттер,таяқша,қап,доп,арқан

Барысы:

Денсаулық-зор байлық және адам денсаулығы-қоғам байлығы.Әрбір адам өз денсаулығының мықты жолдарын қарастыру керек.Отанымыздың келешегі, көркеюі, оқушылар, сендердің қолдарыңда.сондықтан сендердің таңдауларың-салауатты өмір салтын сақтау.

2,3 және 4 сыныптар арасында өтетін « Дені сау ұрпақ, жарқын болашақ » атты

спорттық сайысымызға қош келдіңіздер.Олай болса, ойынымыздың кезеңдерімен

таныстырып өтсем.

1 кезең: «Кім шапшаң?» (допты еденге ұрып жүгіреді)

2кезең: «Кім жылдам?» (Қаппен жүгіреді)

3 кезең: «Ойлан тап» (Мақал -мәтелдің жалғасын табады.)

4 кезең: «Ойлы болсаң озып көр» (Денсаулық сөзіне ассоциация құрады)

5кезең «Денеге қан жүгірту» (Денені қимылдатып билеу)

Сіздердің салауатты өмір салтын ұстайтындарыңызды, денсаулықтарыңызды күтуді

білу үшін ортамызға:

1 топ «Қыран»

2-топ «Сұңқар»

3-топ «Ұшқыр» топтарын өзара сайысуға шақырамыз.

Әділқазы болды бүгін

Мектебіміздің ұстаздары.

Әділдікпен бағалашы

Спортшылар сайысын.

Қазылар алқасымен таныстыру.

Өмір өзен ағып жатқан толассыз,

Сол сайыста керек мықты жарылыс.

Болмаса егер денсаулығың сол кезде,

Қаларсың сен жол ортада шарасыз,дей келе 1 кезең: «Кім шапшаң?» Топтағы әр бала

допты еденге ұрып жүгіреді.Келесі оқушы сол қалыпта жалғастырады.

Спорт-біздің досымыз,

Күш, қайраты сыналған.

Спорт-біздің досымыз

Бала кезден шыңдалған.

2кезең: «Кім жылдам?» Оқушылар қаппен жүгіріп сайысады.Екінші оқшы ойынды

жалғастырады.

Жүйрік болса кім,

Күлімдейді күн

Ойлан тап кезеңі келіп қап

Сайыста ұтып,жеңісті ал 3 кезең: «Ойлан тап» Бұл кезеңде әр топқа екі мақал жасырылып,

жалғасын табады.

1.Тәні саудың......( жаны сау)

2.Денсаулық.....(зор байлық)

3.Тазалық саулық негізі,саулық......(байлық негізі)

4.Ұйқы тынықтырады......(жұмыс шынықтырады)

5.Ауру келді.....( әлек кірді)

6.Ауру кісі күлкі сүймес,

Ауыр жүкті жылқы сүймес.

4 кезең: «Ойлы болсаң озып көр»

Деніміз сау болу үшін не істеуіміз керкек? Әр топ денсаулық сөзіне ассоцация құрайды.

Денсаулық

Өрлеп мына біз

Шыңға шығамыз.

Таңмен күлеміз

Жүлдеміз- жұлдыз.

Спорт-біздің досымыз, дей келе 5 кезең «Денеге қан жүгірту»