Дені саудың тәні сау сайыс сабағы сынып жетекшіге

Тақырыбы: «Дені саудың-тәні сау» спорттық сайыс ойыныМақсаты: «Денсаулық» ұғымының адамгершілік құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту. Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу. Оқушылардың спортқа деген қызығушылығын арттыру. Өтілетін орны: Спорт зал Спорттық құралдар: Спорттық құралдар, доп, ысқырғыш, қапшық, шар, кедергілер, арқан т.б құрал жабдықтар. Өту барысы: Жүргізуші: Құрметті ата-аналар мен оқушылар және ұстаздар! «Денсаулық құпияларының бірі – спорт» дегендей бүгінгі өткізгелі жатқан 6ә сынып оқушыларының «Дені саудың- тәні сау» спорттық сайысына қош келдіңіздер! Жүргізуші: Шынықсаң шымыр боларсың,Сауығып айдай толарсың.Спортты серік ете біл,Жақсы азамат боларсың.Жеңімпаз болу оңай ма,Арман болған талайғаБолмасаң да ұқсап бақ,Жарысқа түсіп қалайда.Құрметті ұстаздар,сайысқа қатысушы оқушылар бүгінгі «Дені саудың – тәні сау» атты сайысымызға хош келдіңіздер! Жүргізуші: Жарысқа қатысушыларды шақырамыз,Әр таңды бақытпенен атырамыз.Өнерді ой көгінде бақылаңыз, Сайысқа қатысуға енді ортаға - Үлгілі де өнегелі, жылдам да шапшаң1.Қыран тобы.

2. Сұңқар тобы командаларды ортаға шақырамыз. Жүргізуші: Ал ендігі кезек ойыншыларымыздың өздерінің топтарын таныстыруға келді. Кезектесіп шығып өздеріңіздің топтарыңызды таныстырып өтіңіздер. (Ойыншылар шығып өздерін таныстырады) 1-Жүгізуші: Ал, құрметті қонақтар!Жарысты енді көріңіздер.Әділ қазы алқаларыӘділ баға беріңіздер,- дей келе бүгінгі біздіңжетістіктерімізді бағалайтын әділқазылар алқасымен таныстыруға рұқсат етіңіздер! 1. Директордың тәрбие ісінің орынбасары: Уразова Аққалаш.2. Директордың оқу ісінің орынбасары: Зиманов Құмар3. Қосымша білім беру педагогы: Жұманов Құрман4. Дене шынықтыру пәнінің мұғалімі: Умиров Бұхарбай.Жүргізуші: Ойнайық, ойнайық та ойлайық!Қатардан артта қалып қоймайық,Белсенді болайық ортада,Уақытты тектен-тек жоймайық!Бүгінгі спорттық сайыс 7 кезеңнен тұрады.

1 кезең: Гимнастикалық шеңбермен адам тасу;2 кезең: «Эстафеталық жарыс» сайысы.3 кезең: «Қаңбақ шар» сайысы. 4 кезең: «Аспаз» сайысы. 5 кезең: «Қаппен секіру» сайысы. 6 кезең: «Мергендер» сайысы 7 кезең: «Арқан тартыс» сайысыЖүргізуші: Құрметті сайыскерлер! Сіздерге сәт сапар! Сайысымызды бастаймыз. Топтарды ортаға шақырамыз.

«Қыран» тобын ортаға шақырамыз Топтың ұраны: Спортпен достас, жалқаулықпен қоштас. «Сұңқар» тобын ортаға шақырамыз Топтың ұраны: Бәріміз – біріміз үшін, біріміз – бәріміз үшін.