Дені саудың жаны сау тақырыбындағы балабақша материалы

Тақырыбы: «Дені саудың – жаны сау»

Міндеттері:

Акробатикалық жаттығуларды дұрыс орындауға үйрету.

Тепе-теңдік пен орындыққа қолмен тіреліп секіруге жаттықтыру;

Мұқият болуға, ептіліктерін қалыптастыру;

Өз денсаулығына деген қамқорлықпен қарауға, салауатты өмір салтына тәрбиелеу.

Сабақтың типі: ауқымды жаттығу, шынығу

Құрал-жабдықтар: әр балаға гимнастикалық таяқтар, 3-гимнастикалық орындық , баскетболдық доптар, гүлдердің суреті бар кірпіштер, суретті иллюстрация «Аю», «Аралар», ойынға 5 – кіші сақина, тренажерлар, секіртпелер, ойыншық «Қонжық» және т.б.

Сабақтың барысы:

Балалар спорт залға кіріп сапқа тұрады.

Сәлеметсіңдер ме, балалар! Балалар бізге дені сау, мықты болу үшін не керек? (жауап)

Түзел! Тік тұр!

Залға машинка (пультпен) келеді, оған үрлемелі шарлар қыстырылған.

Нұсқаушы: балалар, қараңдаршы, мынау не? Мында не бар екен?, Кәне алып көрейікші. Айболит дәрігер хат жазып, мына сыйлықтарды беріп жіберіпті. Хатты оқу: Балалар мен Айболит дәрігер, сонау Африкадан сендерге мына дәрумендерді жібердім. Бұл дәрумендер жай емес, сиқырлы екен. Егер сендер барлық тапсырмаларды дұрыс орындасаңдар, мына дәрумендер әлемнің барлық балаларына «зор денсаулық» сыйлайды. Бұл дәрумендер өте пайдалы себебі ол балаларға дені сау, күшті, мықты, епті, ширақ болуға көмектеседі. (дәрумендердің жазуы бар шарды, төбеге жіберу)

Жүрудің түрлері:

«Керік» -қолды көтеріп, аяқтың ұшымен жүру;

«Пингвин»-қол төмен, өкшемен;

«Ат»-қол белде, аяқты көтеріп жүру;

«Құмырсқа» төртаяқтап, тіземен алақанмен еңбектеп жүру;

«Өрмекші» төртаяқтап, аяқпен алақанмен еңбектеп жүру;

Жүгірудің түрлері:

Саппен жүгіру;

Оң, сол қырымен жүгіру;

«Жыланша» жүгіру

Тізені жоғары көтеріп жүгіру

Жалпы дамыту жаттығулары гимнастикалық таяқпен

1. «Оң, сол» Б.қ. аяқ сәл алшақ, таяқ желкеде. 1-басты оңға, солға бұру; 2-б.қ.

2. «Робот» Б.қ. аяқ иық кендігінде, таяқты арқаға қойып, екі білегімен ұстау. 1-оңға бұрылу; 2-тура б.қ. 3-солға бұрылу; 4-б.қ. 4-5рет

3. «Еңкею» Б.қ. аяқ алшақ, таяқ төмен артта ұстау. 1-еңкею, алға қарау, таяқты жоғары көтеру; 2-тұру, б.қ. 5-6рет

4. «Отыр-тұр» Б.қ Аяқ иық кендігінде, таяқ төмен артта. 1-еңкейіп, таяқты аяққа тигізу; 2-б.қ. сол жаққа дәл солай 5-6рет