Дені саудың жаны сау тақырыбындағы іс-шара

Спорттық «Отбасылар жарысы»

Мақсаты: Балаларға салауатты өмір салтын насихаттау, дене шынықтырудың адам денсаулығына пайдасы туралы түсіндіру, балабақшамен ата-ана арасында жақсы қарым- қатынас орнату және ата-аналардың қоғамдық жұмыстарға араласуына жағдай жасау, дене шынықтырумен жиі айналысу. Таңертеңгі жаттығуды міндетті түрде орындауға жаттықтыру. Жарыс ойындарына қызығушылықтарын тудыру және бір-біріне деген достық қарым- қатынастарын орнату.

Керекті құралдар: доптар, межелер, құрсаулар,секіргіштер, арқан,обручтар

Жүргізуші:

Қайырлы күн,құрметті спорт сүйер қауым!Бүгін сіздер «Отбасылар жарысы» спорттық ойынына қатысқалы отырған «Балапан, Балбөбек, Алтынай, Құралай» тобының ,бәрі бір отбасындай болып кеткен балалары

мен ата-аналардың өнерін тамашағалы отырсыздар.

Жанұялар отыр сынға түскелі,Сыналмақшы ептілік пен күштері.Әрбірінің жігер-күші жалындапЖеңіс сәтін тағат таппай күткені.Спорт десе таза біздің арымыз,Жалындайды сайысқанда жанымыз.Сайысатын тобымызды бүгінгі,Қарсы алайық қошеметпен бәріміз.

«Әнұран» шырқалады

Ал сайыскер топтар,

Ешкімнің жоқ алалар.

«Жеңімпаз болу» үлкен сын,

Оны әділқазың бағалар.

Ашық жарқын жүзді,

Әділқазылар біздің

Таңдап баға беруге ,

Шақырайық төрге-деп әділқазылар алқасын сайлау және таныстыру.

1 ЖШС «Бөбек» мектепке дейінгі шағын орталығының медбикесі: Айгерім Мелдатовна

2 Семей қаласы «Қуаныш» балабақшасының дене шынықтыру нұсқаушысы: Смагулов Дастан Нұрланбекович

3 ЖШС «Бөбек» мектепке дейінгі шағын орталығының тәрбиешісі: Зауре Кенесбековна

Әділқазылар алқасы 5- жоғарығы балдық жүйе бойынша бағалайды.

Әділқазылар сөз беріледі.

Жетекші:Балалар ,біз таңертең тұрған бойда беті-қолымызды жуамыз содан соң не істейміз?

-Жаттығу жасаймыз.

-Дұрыс айтасыңдар,балалар жаттығуды не үшін жасаймыз?

-Денсаулығымыз мықты болу үшін,әдемі,сымбатты болып өсу үшін

-Ендеше балалар,ата-аналар спорттық жарысымызды бастамас бұрын денемізді шынықтырып алайық.

Ал балалар тұрайық,

Үлкен шеңбер құрайық.

Таңертеңгілік жаттығулар жасау.

Жүргізуші жарыстың түрлерімен таныстырады.

Ойын 6 турдан тұрады:

1 «Эстафета

2 «Кенгуру»

3 «Кім мерген?»

4 «Кім жылдам?»

5 «Көңілді доп»

6 «Арқан тартыс»

Міне, бүгінгі жарысымыз осындай турлардан тұрады.Ендеше,жарысқа қатысушы жас спортшылар барлығыңызға сәттілік тілеймін!

Жанұялар келіп жетті танысуға,

Бойындағы бар дарынды дамытуға.

Жігерленіп алаңға келіп жетті,

Шапшаңдықпен әділдікпен табысуға

Командалар жартылай шеңберге тұрып әр отбасы өз команда құрамын көрермендерге таныстырады.

1.Команда аты,ұраны,эмблема.

Әр команда өз эмблемасымен, топ атымен және ұранымен таныстырады.