Дені саудың жаны сау тақырыбындағы реферат 6 сынып

Батыс Қазақстан инновациялық-технологиялық университеті

РЕФЕРАТ

Тақырыбы: “Дені саудың жаны сау”

Орындаған: ''ДШжС'' мамандығының

3 курс студенті Жұмарыстанов Қ

Тексерген: Аға оқытушы, биология

магистрі Мендигалиева А.С

Орал,2018ж

Жоспар:

І Кіріспе

Жан мен тәннің амандығы

ІІ Негізгі бөлім

1. «Дені саудың жаны сау»

2. Ел дамуының басты арқауы

ІІІ Қорытынды

Өмірім мәнді өтсін десең...

«Бірінші байлық - денсаулық» демекші, әр адам өз денсаулығын күтіп ұстауы қажет.Кейбір адамдар әр түрлі жолмен ақша табу үшін өз денсаулығын жоғалтып алуда.Егер деніміз сау болмаса, байлықтан, басқа қызықтан не пайда?! Дүниеде ешбір нәрсе де денсаулықтың теңі бола бермейді. Сол себепті денсаулығымызға залалын тигізетін кейбір нәрселер жайлы білгеніміз жөн. Солардың бастылары ретінде денсаулықты құртатын,адамды көп жағдайда өлімге де жетелейтін, барлық ауруға жол ашатын, көп қылмыстардың жасалуына себеп болатын: арақ ішу, темекі тарту, нашақорлықты айтуға болады. Осылардың қай-қайсысы да жас балаға да, үлкен адамға да өте зиян алып келеді. Әсіресе, нашақорлық - ғасыр індеті. Кейбір адам өмірінде кездескен қиыншылыққа шыдамай, есірткі қолданады да, оның шырмауынан құтыла алмай қалады. Естуімше, нашаның дәмін бір рет татып көрген адам оған мәңгілік тәуелді болып қалады екен. Сол себепті есірткіні мүлдем қолданбау керектігін әрбіріміз айқын білгеніміз жөн. Ал кейбір жастарымыз темекі шегуді сән көреді екен. Біз бұл өмірге темекі тартып, ішімдік ішу үшін келген жоқпыз ғой. Содан соң қымбат тұратын осы заттарды алу үшін ата-анасы мен үлкендерге, мектептегі достары мен мұғалімдеріне өтірі

Иә, спорт организмнің жалпы іс-қабілетін көтереді, адамның әрдайым көңілді болуына жәрдемдеседі, сергек жүруіне ықпал жасайды. Денесін жаттықтыру арқылы адам дені сау, төзімді, епті болмақ. Яғни, өз ақыл-ойыңды, өз еркіңді дене жаттығулары арқылы да басқаруыңа болады. Дене қимылындағы жаттығулар дененің қуатты болуының алғышарты болып табылады. Адам денесінің жетілуі – оның денсаулығы, егер денің сау болса, онда оны сақтамақ керек, ал егер сау болмаса, онда денді сауықтыру керек.

Бүгінгі таңда Қазақстанда күн тәртібінде тұрған әлеуметтік маңызы зор мәселенің бірі – халық денсаулығы. Егеменді ел болғаннан бері қарай білім беру жүйесіне реформа жүргізудің салдарынан, оқушы-жастардың тәрбиеден сырт қалуы келеңсіз жағдайда соғып отыр. Яғни, ата-аналардың, оқытушы-мұғалімнің ішімдікке, есірткі, шылым шегуге бейімделіп, саналы түрде уақытынан бұрын денсаулықтарын өз қолдарымен жоюда. «Тәрбие – тал бесіктен» демекші, алдыңғы буын көрсеткен өнеге жастарымызды да улап бара жатқаны мәлім. Қазіргі таңда мектеп, университет қабырғаларында үзілісте темекі шегуге асығып бара жатқан замандастарымызды көреміз. Бұл біз үшін таңсық емес, қалыпты жағдайдың біріне айналды. Темекі – тәнді зақымдайды, ақыл-ойды төмендетеді. Сондықтан оның алдын алу үшін дене шынықтыру жаттығуларымен шұғылданып, әрдайым қозғалыста болып, ойлау қабілетін жұмыс жасатқан жөн.

Халық денсаулығының төмендеуінің тағы бір себебі, адам баласының өз қолымен жасаған табиғи апаты. Бір мысал алайық, атом радиациясының кеселінен су кепті, жер тозаңға, тас күлге айналды, өсімдік өсуін тоқтатты. Ауа қозғалысы өзгергендіктен, жер бетіндегі тіршілік күн өткен сайын апатқа ұшырауда. Міне, тіршіліктің, жанды заттардың жер бетінен жойылу қаупінің негізі осында. Демек, денсаулықты сақтап, ұзақ өмір сүрудің бір-ақ жолы бар. Ол – салауатты өмір сүру салты.

Қазіргі кезеңдегі қоғамның әлеуметтік-экономикалық дамуында орын алып отырған қиындықтарға қарамастан, салауатты өмір сүрудің мемлекеттік жүйесі түпкілікті, жалпы адамзаттық рухани байлықтарға негізделуі тиіс. Ол жеке бастың үйлесімді дамуына, денсаулықты нығайтуға, адамдардың тіршілік үшін белсенділігін арттыруға ықпал жасауды өзінің басты мақсаты етіп алуы керек. Б. Төтенай қоғамның салауатты өмір сүруін өз деңгейіне жеткізу барысындағы белгілі шараларды іске асыру үшін адамның жеке басына мынадай міндеттер жүктейді:

1. Ең әуелі, адам ағзасының дұрыс жұмыс істеуі үшін дене құрылысының биологиялық, физиологиялық, анатомиялық құрылымымен таныс болу;

2. Ағзаның қай мүшесінде кемістік пайда болса, оны табиғи заттардың әсерімен қалпына келтіру;