Денсаулығым бар байлығым тәрбие сағаты 3 сыныпқа

Сынып сағаты: «Денсаулығым- бар байлығым!»

Сынып сағатың мақсаты:Балаларға салауатты өмір салтын сақтаудың қажеттілігін, зиянды заттардың зардаптарын білуге, жат әдеттерден аулақ болуға үйрену;Білімділік мақсаты: табиғаттың адам баласына сыйлаған басты байлығы –денсаулықты сақтаудың басты жолдары –зиянды, жат қылықтардан аулақ болып, салауатты өмір сүру екендігін ұғындыруДамытушылық мақсаты: «Ауырып ем іздегенше, аурмаудың жолын іздегеннің» әлде қайда тиімдірек екендігін ұғындыру, дене тәрбиесіне, салауаттылыққа дағдыландыру.Тәрбиелік мақсаты: Балалардың бойына адами игі қасиеттерді қалыптастыруға, денсаулықтың қадірін түсіне, сақтай білуге тәрбиелеу.Көрнекілігі: балалардың газеттері, түрлі түсті қағаздар, жіп және т.б.

Түрі:Сынып сағаты, сайыс

Сабақ әдісі: Интерактивті, баяндау, сұрақтар арқылы.Сынып сағат барысы:

І.Ұйымдастыру.

Оқушыларды топтарға бөлу.

Құрметті қонақтар, балалар! Балалар өздерің көріп отырғандай, біздің бүгінгі сынып сағатымыз ерекше, өйткені бізге көптеген қонақтар келіп отыр. «Сәлем -сөздің анасы, сөз – сарасы» – Қазақ халқының ұғымы бойынша сәлем беру- тәрбиелік пен адамгершілік белгісі. «Әдепті елдің баласы, Алыстан сәлем береді» дегендей сәлем беру қалыптасқан ұлттық дәстүріміз.Ендеше келген ұстаздармен амандасайық!

Сәлеметсіздерме апайлар!

Видео ролик көрсету.

Кіріспе:

-Адам үшін осы өмірде ең басты не қажет?

-Денсаулық

-Балалар денсаулық дегенді қалай түсінесіңдер?

-Жауабы: Спортпен шұғылдану, күн тәртібін, жеке бас гигиенасын сақтау, жаман қылықтардан аулақ болу.

«Денсаулық -зор байлық» деген сөздердің астарында үлкен мағына жатыр. Адам баласы үшін денсаулықтан асқан байлық жоқ. Ол ақшаға сатылмайтын, ешбір бағалы затпен тең келмейтін байлығымыз. Сондықтан ауырып ем іздегенше, ауырмайтын жол іздегеніміз абзал.Салауатты өмір салтын қалыптастыру мақсатында «Денсаулығым- бар байлығым» деген тақырыпта сынып сағатын өткізгелі отырмыз.

Бүгінгі сынып сағатымыз сайыс түрінде өтеді. Сайысымызды бастамас бұрын әділқазылар алқасымен таныс болыңыздар.

(Әділ қазылар алқасын сайлау, сайыс шартын таныстыру: )Бүгінгі сайысымыздың негізгі кезеңімен таныстырып өтейін:

І бөлім: Сәлем берем халқыма

ІІ бөлім: Денсаулығыңды ойласаң

ІІІ бөлім: «Тәрбие көзі – халықта» мақал-мәтелдер жарысы.

IV бөлім: Викториналық сұрақтар.

V- бөлім: Ауырып ем іздегенше, ауырмайтын жол ізде.

Әр топ өздері шығарған газеттерін қорғайды.

-Енді, балалар біз де денсаулығымызды сақтау жолдарын қаншалықты білетінімізді үш топ болып сайысып, ортаға саламыз.

1- топ «Денсаулық»2- топ «Салауат»

3-топ «Сымбат»І бөлім: Сәлем берем халқыма

Шарты: Таныстыру, ұраны

1топ.«Денсаулық » тобыТаныстыру:Жалындаймыз, жанамыз,Біз спортшы боламыз!Әрқашан біз мықтымыз,Бәрін жеңіп шығамыз.

Ұраны: «Денсаулық –зор байлық».2топ .«Салауат» тобыТаныстыру:Шынықсаң шымыр боласың,Сауығып айдай толасың.Спортты серік ете біл,Жақсы азамат боласың

Ұраны: «Салауатты өмір –денсаулықтың кепілі»

3 топ. «Сымбат» тобыТаныстыру:Шымыр, сергек денеміз,Спорт сүйер өренбіз!Біз биіктен самғаймыз,Қарсыластан қалмаймыз.

Ұраны:«Сымбатты болу өз қолыңда»

ІІ бөлім Денсаулығыңды ойласаң

Әр топқа тағам аттары беріледі.Сол тағамдардың зиян екенін дәлелдеу.Деректер.

1топ«Денсаулық»Фаст – фуд қазіргі заманның ажырамас бөлігі. Қарқынды өмір салты қазіргі заман адамына асықпай, сүйіспеншілікпен отырып тамақтануға мүмкіндік бермейді. Күнделікті тамақтанудың орнына жақын маңдағы тамақтанатын жерден бизнес – ланч, пакеттегі жылдам еритін лапша, гамбургерлер немесе хот – догтар мен газдалған сусындар сияқты жеңіл тамақтармен тамақтануға тура келеді

Қазіргі уақытта бигмак, шаурма, сэндвичтер, чебуректер, пицца, чипсы, қуырылған картоп және түрлі газдалған сусындар өте көп. Бірақ, олардың сапасы мен құрамында не бар екен? Оны көпшілік біле бермейді. Бұл тағамдардың барлығы фаст – фуд тез әзірленетін тағам қатарына жатады. Осындай тағамдармен тамақтану шын мәнінде адам ағзасына зиян ба?

Фаст – фуд тағамдарын біреулер күнде ішіп – жеп жүрсе, кейбіреулер анда – санда ғана пайдаланады. Тамақты асықпай үйде дайындауға мүмкіндік болмағандықтан, ол бізге қолайлы ірі бағасы қымбат емес. Алайда, өте қауіпті. Соған қарамастан кей адамдар еріншектігінің салдарынан дайын асқа жүгіретіні шындық.

Фаст-фуд (ағылшанша « fast food» –тез тамақтану) тез әзірленетін тамақтар. «Фаст-фуд» термині ең алғаш рет 1951 жылы Merriam-Webster сөздігіне енгізілген.

1920 жылдары ең бірінші фастфуд тағамы Америкада қолданысқа ие болған. Фаст-фуд тағамдарының кең етек алуы америкалықтардың күрт семіруіне әкелді.

Гамбургер. Бір гамбургер құрамында 46 % тұз, 45 % майлар ал бұл бір күндік норма. Және бұдан басқа 25 % калорий және холестирин. 15 % көмірсутек, 10 грамм қант, 1, 5 грамм зиянды…