Денсаулық еліне саяхат ашық сабағы мектепалды топқа

Шығыс Қазақстан облысы, Катонқарағай ауданы, Ақсу ауылы.

Окапова Асель Сыдыковна «Еркетай» бөбекжай-бақшасы» КМҚК-ның тәрбиешісі.

"Денсаулық еліне саяхат"

Білім беру саласы: Денсаулық, шығармашылық, қатынас.

Ұйымдастырылған оқу іс-әрекеті: Сөйлеуді дамыту.

Мақсаты: Салауатты өмір салтын насихаттау, сауаттылықты күнделікті өмірде ұстануларына ықпал ету, қисынды ойлау қабілетін дамыту. Балаларға өз денсаулықтарын күтуді, оны нығайту керектігін, дені сау адамның жаны сау екендігін түсіндіру. Тазалық, жеке бас гигиена дағдыларын қалыптастыру.Сөйлеу кезінде сөзді анық айтқызу, мәнерлі айтуға жаттықтыру және еңбекке баулу.

Қостілділік компонент: Сабын-мыло, тарақ-расческа.

Әдіс-тәсілдер: Сұрақ-жауап, көркемсөз, әңгімелеу, слайд көрсету.

Мотивациялық-қозғаушылық: Мен сендерді көргеніме өте қуаныштымын. Мен сендермен бүгінгі күнді жақсы өткіземін деген үміттемін. Балалар, бүгін бізге қонақтар келіпті. Келген қонақтармен амандасайық.

Балалар: Сәлеметсіздер ме! Здраствуйте!

Шаттық шеңбері: "Жақсы көңіл күй"

-Балалар, бүгін менің көңіл күйім өте жақсы. Жылы, жұмсақ, мейірімді. Осы көңіл күйімді мен сендерге бергім келеді. Айерке міне саған берейін, ал сен оны Раянаға бер,Раяна Балжанға берсін, Балжан Айлинге берсін.Ақырында осы жақсы көңіл-күйім өзіме қайтып келді. Ендеше, балалар барлықтарының көңіл күйлерін жақсы. Солай емеспе?

Ұйымдастырушылық-ізденістік: -Балалар, сендер қалай ойлайсыңдар, деніміз сау болу үшін, біз өзімізге өзіміз көмектесе аламыз ба?

-Көмектесе аламыз.

-Дұрыс, бірақ бұл үшін біз не істеуіміз керек? Ол жайында білгілерін келеме?

-Ендеше сендерді денсаулық еліне саяхатқа шақырамын, Сендер дайынсыңдар ма?

-Ия, дайынбыз.

-Денсаулық елі сиқырлы ел. Онда біз ерекше көлікпен, міне мынау әуе шарымен ұшып барамыз.

Ғажайып сәт: Шардың жібін ұстаймыз, көзімізді жұмамыз, айналамыз, ұшамыз, денсаулық еліне тап боламыз.

-Біз келген аялдама "Тазалық мекені" деп аталады.

-Қалай ойлайсыңдар, бұл аялдама неге осылай аталады?

-Себебі бұл жерде бәрі тап-таза.

-Жақсы, балалар тазалық туралы кім тақпақ біледі? Кәне айтып беріңдерші.

Раяна: Сыпырғыш ап, сыбынып,

Шаң-тозаңды қудым кеп.

Шүберек ап, су алып,

Сырлы еденді жудым кеп.

-Рахмет, Раяна! бұл қаланың басты ережесі: "Денсаулығын мықты болу үшін, таза болу керек". Бұл мекеннің ұраны: "Микробтарға жол жоқ" (слайд көрсетемін).

-Балалар, микробтар дегеніміз не?

-Микроб ол өте қауіпті жауыз. Микроб лас пен кірден пайда болады. Ол аңдарды да, балаларды да аямайды.

-Жарайсыңдар! Балалар микробтар қай жерде болады?