Денсаулық күніне арналған сыныптан тыс спорттық шара

Денсаулық күні

Мақсаты: 1. Оқушылар, ұстаздар және ата-аналар арасындағы ынтымақтастық, ұйымшылдық қабілеттерін қалыптастыру;

2. Ойындар ойнату арқылы денсаулықтарын нығайту, шапшаңдық, ептілік қабілеттерін дамыту;

3. Ойынға қызығушылықтарын ояту, салауатты өмір салтына көзқарастарын қалыптастыру.

Керекті құрал – жабдықтар: доптар, қаптар, кедергілер, жалаушалар, секіртпелер, обручтар, нақыл сөздер жазылған плакаттар, магнитафон.

Өтетін орны: мектеп алаңы

Барысы:

9 – сынып оқушылары спорттық би билейді.

Құрметті ұстаздар, оқушылар, ата-аналар!

Салауатты өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып,

Болашаққа аманат қып жолдаймыз!

Командалар отыр сынға түскелі,

Сыналмақшы ептілік пен күштері,

Әрбірінің жігер күші жалындап,

Жеңіс сәтін тағат таппай күткені.

Спорт десе таза біздің жанымыз,

Жалындайды жарысқанда жанымыз,

Жарысатын топтарды бүгінгі

Қарсы алайық қошеметпен бәріміз – дей келе бүгінгі жарысымызға қатысушыларды қошеметтеп ортаға шақырайық.

Ал құрметті халайық,

Жарысты енді көріңдер.

Әділқазы алқасы

Әділ баға беріңдер.

Жарысты бастамас бұрын ойынға әділ бағасын беретін әділқазылар алқасымен таныстырып өтейін.

Қазақ тілі мен әдебиеті пәнінің мұғалімі Ботакөз Мақсотқызы

Бейнелеу пәнінің мұғалімі Айдана Еркінқызы

Бастауыш пәнінің мұғалімі Айман Мәдиқызы

Денсаулық күні 3 бөлімнен тұрады.

Кросс 2000 метр

Эстафеталық ойындар

Спорттық ойындар

Жарыс заңы ежелден,

Жеңімпазды анықтау,

Жеңімпаз болу шарты сол,

Еңбектену, жалықпау,

Біреу озса жарыста,

Біреу артта қалады.

Жеңілгендер ренжімей

Тараса бізге жарады.

Сабырлы да салмақты,

Білімді де өнерлі.

Білікті де жүректі,

Командаларды шақырып

Сіздерге жеңіс тіледік - дей келе жарысқа қатысушыларға сәттілік тілей отырып, бүгінгі жарысымызды бастаймыз.

Әр топ өздерін таныстырып өтсін. (Топ аты, ұраны)

Енді І бөлім бойынша екі командада 2000 метр қашықтыққа жүгіріп өтуі тиіс.

Келесі кезекті спорттық биге береміз.

ІІ бөлім Эстафеталық ойындар

«Шегірткелер» Төрешінің белгісі бойынша ойыншылар секіртпемен секіріп белгіленген жерге барады. Секіртпені сол жерге тастап, кейін қайтарда допты жерге ыршытып соғып алып келіп, келесі ойыншыға береді. Екінші ойыншы допты ыршытып белгіленген жерге барып, келерде секіртпемен секіріп келеді. Бірінші келген топ жаңіске жетеді.

«Кенгуру» Белгі берілген кезде ойыншылар допты екі аяқтың арасына қысып, секіріп белгіленген жерге барып келеді. Бірінші келген топ жеңіске жетеді.

«Қаппен жарысу» Белгі берілгенм кезде ойыншылар қапты киіп, белгіленген жерге барып айналып кейін қайтып келеді. Келесі ойыншыға береді. Кім бірінші болып келсе, сол жеңіске жетеді.