Шыныққан шымырлар спорттық сыныптан тыс шарасы

Тақырыбы: «Шыныққан шымырлар»

Мақсаты: а) Оқушылардың денсаулығын, белсенділігін нығайту, ептіліктерін, шапшаңдықтарын, батылдықтарын, күштіліктерін байқау, спортқа деген сүйіспеншілігін арттыру, салауатты өмір салтын насихаттау, Тәуелсіздік мерекесін дәріптеу, салауаттылықты насихаттау, ұйымшылдыққа, ынтымақтастыққа тәрбиелеу.

Қолданылатын құралдар: видеоролик, төсеніш, секіртпе, ысқырық, секундамер

Жарыстың барысы:

Оқушылар сапқа тұрады.

Қазақстан Республикасының Мемлекеттік Әнұраны орындалсын.

1-жүргізуші: Қайырлы күн, құрметті спорт сүйер қауым!

Қазақстан Республикасының Президенті Н.Ә.Назарбаев «Халық денсаулығы» атты мемлекеттік бағдарламада халықтың денсаулығын нығайту – мемлекетіміздің бірінші кезектегі атқаратын міндеті екенін атап көрсеткені баршамызға белгілі. Салауатты өмір салтын ұстану –осы іс-шараның бір баспалдағы.

2-жүргізуші: Жалпы дене шынықтыру шәкірттердің ғана емес, ересектердің де күш - қуатын өсіріп, олардың денсаулығын шыңдап, қан тамырларының жүйелі жұмыс жасауына ықпал етеді.

1-жүргізуші:

Таза ауа, спорт болсын дәріміз,

Еңбек етіп келгенінше әліміз,

«Алға» - деген бір-ақ мақсат ұстанып,

Сайысқа аттанайық бәріміз!

2-жүргізуші:

Оқушылар отыр сынға түскелі

Сыналмақшы ептілік пен күштері,

Әрбірінің жігер- күші жалындап,

Жеңіс сәтін тағат таппай күткелі.

«Спорт» десе тағат таппай күткелі,

Сайысатын топтарды бүгінгі

Қарсы алайық қошеметпен бәріміз- дей келе сайысқа түсетін топтарды ортаға шақырамыз.

1-жүргізуші:

«Шыныққан шымырлар» атты спорттық ойынымыз 8 бөлімнен тұрады:

Таныстыру (топ аты, ұраны)

Секіртпемен секіру

Қолды бүгіп, жазу

Шалқадан жатып денені көтеру

Алға артқа домалау

Жауырынға тұру

Көпіршеге тұру

Сұрақтарға жауап беру

2-жүргізуші:

Жаны құмар спортқа балалар бар,

Қатысушы топтар келді міне, бақылаңдар,

Сайысқа қатысатын балаларды,

Әділ қазы жақсылап бағалаңдар-дей келе жарыста әділ бағасын беретін әділқазылар алқасымен таныс болыңыздар.

ДТІЖО – Ақмарал Ғиниятқызы

Дене шынықтыру пәнінің мұғалімі – Динара Мұхитқызы

1-жүргізуші:

Жүйріктен жүйрік озады,

Бабы мен бағы келіссе.

Шын жүйрікке тұсау жоқ,

Жарыста сірә қалыспа! – дей келе бүгінгі жарысымызды ң бірінші бөлімі бойынша «Таныстыру». Әр сынып топ аты, ұранымен таныстырады.

2- жүргізуші:

Секіртпені қолға алып

Секіріңдер қозғалып.

Жарыстырып жатқанда

Жүрмеу керек бір қалып.

Әр топтан қыздар шығып секіртпемен секіреді. 1 минут ішінде неше рет секіргенін анықтаймыз.

1-жүргізуші:

Жарысымыздың 3 бөлімі «Қолды бүгіп, жазу» деп аталады. Бұл бөлім бойынша әр топтан бір ұл шығып, 30 секунд ішінде етбетінен жатып…