Дидактикалық материалдар арқылы өздігінен білім алу презентациясы

Дидактикалық материалдар қолдану арқылы оқушыларды өз бетімен білім алуға дағдыландыру

“ Н.Төреқұлов атындағы № 13 ЖОМ” КММ

Физика пәнінің мұғалімі: Козыбекова Д.Ж

“Ең оңайы –еліктеу,

Ең ащысы-тәжірибе,

Ең мәртебелісі- ойлау”

Конфуций

Мақсаты:

Оқушының өз бетімен жұмыс істеу белсенділігін дамыту

Зейінді шоғырландыра отырып, білімі мен іскерліктерін арттыру

Тәжірибеде қолдану тәсілдерін меңгерту.

Міндеті

Оқушының теориялық білімдерін тереңдетуде, тілін ширатуда, сөздік қорын молайтуда, жаңа сөздердің сырын ұғуға, тұжырым жасауға , өз білімін тексеруге , дербес ойлануына , шығармашылық қабілеттерін дамытуға үйрету .

Д идактика

Грек тілінен аударғанда “тәлімді” –білім беру, оқыту, тәрбиелеу теориясы.

Педагогиканы үйренушілерге білімді машық пен дағдыны меңгерту.

Білім мазмұнының көлемі мен құрылымын айқындайтын білім берудің әдістері мен формаларын жетілдіру жолдарын ғылыми негіздеумен айналысатын саласы .

Оқу және білімдену проблемалары педагогиканың дидактика деп аталатын бөлімінде зерттеледі. Олар: нені үйрету және қалай үйрету проблемасын шешу: қазіргі заман педагогикасы бұларға қоса - қашан, қай жерде, кімді және не үшін оқу қажет деген мәселелерді қарқыңды зерттеуде. Дидактиканың негізгі категорияларын танытушы келесі ұғымдар белгіленген: оқыту, оқып-үйрену, оқу, білімдену, білім, ептілік, дағды, сонымен бірге оқу мақсаты, мазмұны, ұйымдастырылуы, түрлері, формалары, әдіс-тәсілдері мен құрал-жабдықтары, нәтижесі. Дидактикалық жүйе және оның технологиясы да осы категориялық ұғымдар тұрғысынан танылуы тиіс. Осыдан қысқа да, ауқымды анықтама келіп шығады: дидактика– бұл оқу және білімдену, олардың мақсаттары, мазмұны, әдістері, құрал жабдықтары, ұйымдастырылуы мен нәтижелері жөніндегі ғылым .

Адамның дүние туралы түсінігі алғашында анық емес, оны реттейтін оқыту арқылы жиналатын білім қоры, өйткені ол ақыл –ой жұмысын туғызады. Бірақ білімді бере беру жеткіліксіз, ақылдық қуатын арттыру керек. Ол үшін түрлі жаттығулар, балаға сөйлеу, ойлау, сұрақ -жауап тәсілдері қолданылған. Мұғалім сабақ үстінде оқушылардың дүниетанымының, білімге құштарлығының, қисынды ойлауларының азаматтық тұрғыдан қалыптасуы –тәрбиелеуге өте көп көңіл бөлуі қажет. Осыған орай, сабақтың бірден бір белсенді өтуіне себепші, оқушылардың өз деңгейін көрсетуге ықпал ететін құралдың бірі- тақырыптың мазмұнына сәйкес жасалған дидактикалық материал болып табылады.

Дидактикалық материал – сыныпта немесе үйде өздігінен жұмыс істеу үшін оқушыларға таратылатын немесе бүкіл сынып алдында мұғалімнің көрсететін көрнекі оқу құралының ерекше үлгісі (көп жағдайда карталар, кестелер, мәтіндері, цифрлары және суреттері бар карточкалар, реактивтер және т.б.).

Дидактикалық материалдар – үлестірмелі материалдар, әр баланың қабілетіне қарай, өткен тақырыпты үлгере алмайтын оқушыларға қосымша үлестірмелі материалдар, аралас сабақ материалы, үй тапсырмалары, ұзартылған күн тобының тапсырмалары, бақылау жұмыстары, сыныптар бойынша тест тапсырмалары (тақырыптық, тоқсандық,жарты жылдық, жылдық), дидактикалық ойындар болып бөлінеді.

Дидактикалық материалдарға өзіндік жұмыс тек оқыту сипатында жаңа өтілген материалдарды пысықтауға және бекітуге арналып беріледі. Ол тапсырмалар оқушылардың біліктіліктерін, дағдыларын қалыптастыруға көмектесуге және олардың білімдерін тексеруге бағытталады. Дидактикалық материалдар ретінде дидактикалық ойындарды қолдану оқушылар үшін өздерін еркін сезінуге, ізденімпаздық, тапқырлық қасиеттерін көрсетуге ұмтылдырады.

Ойын үстінде бала қуаныш пен реніш сезімдерін сезінеді . Дидактикалық ойындардың сапалылығы: олардың сабақтың әр кезеңіндегі орны мен міндетін , мақсатын дәл анықтауға , оны қолданудың теориясы мен практикасын мұғалімнің жетік меңгеруіне , шеберлік танытуына , ойынға қажетті материалдарды алдын-ала дайындап алуына , ойын үрдісіне оқушыларды белсенді қатыстыруына байланысты болады .

Нәтижесі:

Дидактикалық материалдар оқушылар мен білімгерлерді өз бетінше жұмыс істеуге дағдыландырады , олардың ойлау қабілеттерін , ізденімпаздылығын арттырады , сөз қорын молайтуға көмектеседі ,…