Дорама жанкүйерлерінің қызығушылығы туралы 11-сынып мақаласы

Дорама фанаттары:Неліктен қыздар бұл әлемге беріледі?

Дорама – тек сериал емес, нағыз ерекше әлем. Шынайы өмір мен дорамадағы оқиғаларды салыстырғанда, экрандағы өмір әлдеқайда мінсіз көрінеді. Соңғы жылдары қыздардың бұл жанрға деген қызығушылығы артып келеді. Дорамалар бүкіл әлемде танымал болғандықтан, көптеген қыздар осы мәдениетке еліктеуді әдетке айналдырған.”Неліктен қыздар осы әлемге еніп кетеді?” – бұл сұрақ көпшілікті мазалайды. Жауаптар әртүрлі: біреулерді дорамадағы корей мәдениеті қызықтырса, енді біреулерін ондағы қарым-қатынас пен эмоциялардың берілуі баурап алады. Әр көзқарас дұрыс, және дораманың артықшылықтары шексіз.

Корей дорамаларының қалай пайда болғаны бәрімізге қызық шығар? Оңтүстік Кореяда алғашқы телесериалдар 1960-жылдары пайда болды. Алайда ол кезде телевизия қатаң бақыланып, көрермендер аз болды. 1970-жылдары теледидар кең тарала бастаған соң, киноиндустрия дами түсті, бірақ көбіне пропагандалық бағытта болды. 1980-жылдары түрлі-түсті теледидардың келуімен ауыл өмірін бейнелейтін телехикаялар танымалдыққа ие болды. 1987 жылы Ким Су Хенның «Махаббат және амбиция» дорамасы 78% рейтинг жинап, коммерциялық сериалдар тарихында маңызды кезеңге айналды.Осы қарқынмен дорама жанры үздіксіз дамып, бүгінде әйгілі Netflix компаниясымен бірлесіп сериалдар түсіріледі. Дорамаларда сценарийден бастап түсірілім орнына дейін ерекше мән беріледі. Киімдер, түстер, музыкалар – барлығы үйлесімді және көздің жауын алады.Менің ең алғашқы көрген дорамам – Хваран. Бұл – ежелгі Силла дәуіріндегі жас сарбаздар туралы тарихи оқиға. Дорама достық, махаббат және билік үшін күресті баяндай отырып, көрермендерді әсерлі оқиғалармен баурап алады. Бастапқыда мен оны сүйікті актерім түскендіктен ғана көруге шешім қабылдадым. Бірақ дораманы аяқтаған сәтте бұл жанрдың жай ғана сериал емес, өзіндік ерекше әлем екенін түсінді