Дос болайық бәріміз тәрбие сағаты, 3-сынып

Дос болайық бәріміз

Мақсаты:

Балалардың достық туралы ұғымын кеңейту және нақтылау. Достарға деген қарым – қатынасты қалыптастыру, достықты қадірлей білу , бір-біріне көмек көрсету және қамқор болуға үйрету.

“Шаттық шеңбері”

Армысың досым,

Кел, маған қосыл

Алақанға салып алақан,

Шеңберге бірге тұрайық

Жер шарындай айналып,

Әлемге жарық ұқсайық.

Қолымызды көтеріп,

Күннің нұрын алайық.

Ортамызда күн нұры,

Құшаққа оны алайық.

Нағыз досы бар адам – ең бақытты адам – дегенді қалай түсінесіңдер .

Нағыз дос деген адал дос деген түсінікті де береді. Досы уәдесіне берік болса, қандай жағдайда да досымен бірге болса, қолынан келген көмегін аямаса, оның көңілін көтеріп жабырқағанда қасынан табылса, ол әрине айнымас дос .

Жақсы жолдас – жанға серік,

Жаман жолдас – малға серік.

«Татулық – достық кепілі »

Достық малға емес, басқа жарасады,

Нағыз дос бір-біріне шынайы қарасады.

Амандық шешен

Мақалдың жалғасын тап.

1.Досы көпті жау алмайды,

2.Досы көппен сыйлас,

3.Жақсыменен жолдас болсаң-жетерсің мұратқа,

4.Дос басыңа қарар,

5.Ағаш тамырымен мықты,

6.Дос жылатып айтар,

7.Жүз теңгең болғанша,

8.Өзіңді бір алдағаның,

9.Күлме досыңа - .................

Мақалдар

1.Досы көпті жау алмайды,

Ақылы көпті дау алмайды.

2.Досы көппен сыйлас,

Досы жоқпен сырлас.

3.Жақсыменен жолдас болсаң-жетерсің мұратқа,

Жаманмен жолдас болсаң қаларсың ұятқа.

4.Дос басыңа қарар,

Дұшпан аяғыңа қарар.

5.Ағаш тамырымен мықты,

Адам досымен мықты

6.Дос жылатып айтар,

Дұшпан күлдіріп айтады.

7.Жүз теңгең болғанша,

Жүз досың болсын.

8.Өзіңді бір алдағаның ,

Досыңды мың алдағаның

9.Күлме досыңа – келер басыңа.

Жағдаяттарды талдау

1.Ербол мен Айдос дос болатын. Бірде Ерболдың лақтырған добы Айдостың басына барып тиді. Ербол добын домалатып теуіп ала жөнелді. Айдос п ен Ербол шын достар деп, айтуға бола ма?

Неліктен?

Олардың достықтары қалай жалғасады деп ойлайсыңдар?

Бірінші сынып оқушылары арасында өткізілетін «Өнерге қанат қаққандар» атты жарысқа достары Әлиханды ұсынып, үлкен сенім артты. Жарыс болатын күні Әлихан сабаққа келмей қалды. Олардың сыныптарынан жарысқа ешкім шықпады. Әлиханның бұл ісіне көзқарастарың қандай? Сендер оның орнында болғанда…