Дос болуды үйренеміз өзін-өзі тану сабағы 2 сынып

Өзін - өзі тану пәнінен сабақ жоспары

Мерзімі: 12.02.2018 ж № 22 сабақ

Тақырыбы: ДОС БОЛУДЫ ҮЙРЕНЕМІЗ

Құндылық: дұрыс әрекет

Қасиеттер: адалдық, сенім, өзара жауапкершілік пен қамқоршылық

Мұғалім: Сопбекова Ж.Е. Сыныбы: 2 «Б» Оқушылар саны:

Мақсаты: «дос», «достық» ұғымдары туралы түсінік бере отырып, дұрыс әрекет құндылығының мәнін ашу.

Міндеттері:

Білімділік:«дос», «достық» ұғымдарының мәнін дұрыс әрекет құндылығымен байланыстыра отырып ұғындыру;

Дамытушылық: адалдық, сенім, өзара жауапкершілік пен қамқорлық қасиеттерін дамыту;

Тәрбиелік: айнала қоршаған ортаны құрметтей отырып, адалдыққа, сенімділікке, өзара жауапкершілік пен қамқорлық қасиеттеріне тәрбиелеу

Ресурстар:( белсенді тақта, кітап, дәптер,ғаламтор желісінен жаңа ақпараттар, стикер бояуыштар, плакат)

Сабақ барысы

Ұйымдастыру кезеңі:

Демді бақылау

Аяқ-қолымызды айқастырмай, тік отырамыз. Қазір біз тыныс алу жаттығуын жасаймыз. Біз терең тыныс алғанда біздің ойымыз тынышталады. Демді ішке алғанда жүрегімізді ішкі тыныштық пен қуанышқа толтырамыз. Ал, демімізді сыртқа шығарғанда мазасыздықты сыртқа шығарамыз, ал балалар дайындалайық, көзімізді жұмамыз. Арқамызды тік ұстап, қол-аяғымызды айқастырмаймыз.Қолымызды тіземізге коюға болады. 4-5 рет, баяу жасалады.

5 Т – ережесі

-тәртіп

-тазалық

-тыныштық

-талап

-татулық

Үй тапсырмасын тексеру

Әңгімеде кешіруге бірінші болып қадам жасады?

Диманың қандай әрекеті Гришаға сабақ болды?

Әңгіме неге «Өткел» деп аталған?

Өздеріңнің осылай татуласуға бірінші болып қадам жасаған кездерің болды ма? Оны қалай жасадыңдар? Әңгімелеп беріңдер?

оқулық 64 бет

Жағымды ой-пікір

• "Айнымас досы бар адам-ең бақытты адам”

Дәйексөзді қалай түсінесіңдер?

Оқушылардың жауаптары тыңдалады,соңынан мұғалім түйіндейді.

Әңгімелеу.

Оқулықтағы Ы. Алтынсариннің «Жаман жолдас» мысал әңгімесін айтып беремін.

Аю неліктен әлсіз, ауру адамға тимеді.

Шындығында оған аю сондай ақыл айтты ма?

Ауру адамға ақылды сөзді не айтқызып тұр?

Осындай қиын жағдайларда өздерің қалай әрекет етер едіңдер?

«Достық» ертегісі

Оқушылар ертегіден түйген ойларын айтады.

Оқулық 69 бет

бейнекөрсетілім

Шығармашылық жұмыс, топтық жұмыс

1 топтың тапсырмасы

Адал достық болу үшін не қажет деп ойлайсыңдар? Төменде берілген сөздер мен сөз тіркестерін өзің үшін ең маңыздыларынан бастап орналастыр. Таңдауларыңды түсіндіріңдер.

Тиісті сөздер мен сөз тіркестері.