Дос-досқа айна тақырыбына 7-сынып ашық сабағы

у

Қазақ тілі пәнінен сабақ жоспарының үлгісі

Ұзақ мерзімді жоспардың тарауы:

4-бөлім. Сүйіспеншілік пен достық

Мектеп: № 2 Қосшы орта мектебі

Күні:

Мұғалімнің аты-жөні: Изтлеуова А.И.

Сынып: 7

Қатысқандар: 25

Қатыспағандар: 0

Сабақтың тақырыбы

Дос – досқа айна

Осы сабақта қол жеткізілетін оқу мақсаттары (оқу бағдарламасына сілтеме)

7.Т/А3. Тыңдалған мәтіннің мазмұнын түсіну, ұсынылған ақпарат бойынша факті мен көзқарасты ажырата білу.

7.О5.Мәтін бойынша проблемалық сұрақтар құрастыру.

Сабақтың мақсаты

Барлық оқушылар орындай алады:

Мәтін мазмұнын түсінеді

Оқушылардың көпшілігі орындай алады:

Ұсынылған ақпарат бойынша факті мен көзқарасты ажырата біледі.

Кейбір оқушылар орындай алады:

Мәтін бойынша проблемалық сұрақтар құрастырады.

Бағалау критерийі

Мәтін мазмұнын түсінеді.

Ұсынылған ақпарат бойынша факті мен көзқарасты ажыратады.

Мәтін бойынша проблемалық сұрақтар құрастырады.

Білу деңгейі

Түсіну және білу

Тілдік мақсаттар

Оқушылар орындай алады: факт мен көзқарастары бойынша өз ойларын айта алады және ажыратып,

мәселеге сүйене отырып сұрақтар құрастыра алады.

Талқылауға арналған сұрақтар:

«Дос – досқа айна» дегенді қалай түсінесіздер?

Сіздің ойыңызша, өмірде достың неше түрі бар?

«Адал достық – өмірлік нұсқа болады, амал достықтың өрісі қысқа болады» деген пікірмен келісесіздер ме? Неліктен?

Пәнге қатысты сөздік қор мен терминдер: шынайы достық, адал, амал достық, өмірлік нұсқа, адами құндылық, факт, көзқарас, проблемалық сұрақ

Диалог құруға / шығарма жазуға арналған пайдалы тіркестер: Әр адамға дос керек. Өйткені..., Сыйластық бар жерде..., Меніңше, дегенмен.

Құндылықтарға баулу

2) Қазақстан Республикасының əр азаматының патриоттық борышы – Қазақстанның халықтарының достық пен келісім дəстүрін сақтап, ұлғайтып, ұрпақтан ұрпаққа беру. Достықты қадірлеуге, адамгершілікке тәрбиелеу.

Пәнаралық байланыс

Әдебиет, шешендік өнер, философия

Тақырып бойынша алдыңғы білім

Көңілдің көркем әлемі туралы ақпарат ала алды.

Жоспары:

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

3 минут

1. Ұйымдастыру

2. С. Психологиялық ахуал.

«Кімнің дауысы?» тренингі.

Слайдта көрсетілген дос туралы өлеңнің алғашқы екі қатарын ұлдар айтса, қалған екі қатарын қыздар айтады.

Ұлдар дауысы:

Досы үшін дос көнеді бейнетке,

Дос деген сөз ең қадірлі жер-көкте.

Қыздар дауысы:

Жақсылардың айырылмас досы көп,

Қолын берер қиыншылық сәттерде.

Мақсаты-достық және сүйіспеншілік бөлімін оқып жатқандықтан, дос жайындағы өлең арқылы сыныпта тыныштық орнатып, зейінді шоғырландыру.

«Фотограф» әдіс-тәсілі арқылы топқа бөліну.

Мұғалім фотограф болып, оқушыларды деңгейлік қабілеттеріне қарай араластырып, алдын-ала дайындап келген тізім бойынша 5-5-тен фотоға түсіріп, 5 топқа №1, №2, №3, №4, №5 сандары арқылы бөлу.

Мақсаты-оқушыларды ұйымшылдыққа, достық қатынастарын нығайтуға, бірлікке тәрбиелеу және сабақ барысында түрлі деңгейде топтық тапсырмалар орындау.

Үй тапсырмасы. «Мен өмірді сүйемін» тақырыбында сурет салу.

Ж. «Алма кетті домалап» әдісімен жеке оқушы тақтаға шығып, үй тапсырмасын қорғайды.

ҚБ. «Алма ағашы» әдісімен түрлі түсті алмалар арқылы оқушылар бірін-бірін бағалайды.

Өте жақсы!

Жақсы!

Жаман емес!

Слайд

Сабақтың ортасы

5 минут

6 минут

3 минут

6 минут

Тыңдалым алдындағы тапсырма.

С. Ой шақыру.

Дос-досқа айна

-«Дос-досқа айна» дегенді қалай түсінесіздер?

-Дос деген кім?

-Айна деген не?

-Дос қандай болу керек?

ТЖ. «Күн сәулесі» кластер жасау (графикалық органайзер)

Мақсаты- шашыраңқы ойларды жинақтау, танымдық қабілетін кеңейту үшін кластер жасату

Дос қандай болу керек?

шынайы

жауапкершілікті

адал

Тыңдалым тапсырмасы

С. 1-тапсырма. Аудиомәтін

Аудиомәтін тыңдатудың мақсаты- Мәтін мазмұны арқылы достың қадірі мен маңыздылығын ұқтыру .Оқушылардың есте сақтау, зейін қойып тыңдау, байқампаздық, ойлау қабілеттерін дамыту, факт пен көзқарасты ажырата білуге қалыптастыру.

Тыңдалым мәтіні

Достық туралы бірер сөз

Жақсымен дос болсаң,

Алдыңнан шығар елпектеп...

Жаманмен дос болсаң,

Сыртыңнан жүрер өсектеп.

Махамбет ақын

«Достық» туралы нақты ой айтқан философ А.Шопенгауэр өзінің «Өмірлік данышпандықтың афоризмдері» деген еңбегінде: «Нағыз шынайы достық адамдардың бір-бірімен терең, таза және адал қарым-қатынасын қажет етеді. Бұл дегеніміз – досыңыздың қайғысы мен қуанышына ортақтаса білу деген сөз. Осының бәрі адамның табиғи өзімшілдік, өркөкіректік қасиеттерін жояды», - депті. Шынайы достық қандай да болмасын өмірлік жағдайларда досыңа көмекке келіп, оны қолдай білуді талап етеді. Өзінің досынан белгілі бір нәрселерді қажет ететін адам шынайы достыққа лайық емес. Бұрын адал достық ең жоғарғы адами құндылық саналатын, сондықтан оны белгілі ақындар жырға қосқан. Біздің ойымызша, бұрын достыққа үлкен сезіммен және жауапкершілікпен қараған. Достық үшін құрбан болуға да дайын болған. Бұрын асыл қасиет саналған достық бүгінде жай ғана қарым-қатынас немесе іскери байланыспен ғана шектеледі. Яғни, қазіргі таңдағы қарым-қатынас киноға бару және бірге отырып теледидар қарау шеңберінде қалған сияқты. Мүмкін бізге достар да, достық та қажет емес шығар? Әрине, жоқ! Қазір бізге достық бұрынғыдан бетер қажет. Достық – бұл өмірдегі ешнәрсемен бағаланбайтын құндылық. Дос табу оңай, ал оны сақтау қиын. Достық қаты

Жетелеуші сұрақ:

-Дос туралы айтылған ойларыңыз бен тыңдайтын мәтіндеріңіз сәйкес келе ме?

-Мәтінді мұқият тыңдап, білмейтін, жаңа ақпарат кездессе, белгілеп отырыңыздар.

Оқушыларға «Достық туралы бірер сөз» тақырыбында аудиомәтін тыңдату.

Аудиомәтіндегі мәтін оқушылардың жас ерекшелігіне сәйкес, оқу бағдарламасы негізінде алынды. Мәтін 300 сөзден тұрады.Тыңдалым ұзақтығы- 5 минут.

Кері байланыс:

-Мәтін мазмұнын түсіндіңіздер ме?

-Айтылған ойлармен сәйкес келді ме?

-Жаңа ақпарат ала алдыңыздар ма?

ТЖ. 2-тапсырма. «Маңызды конверт» әдісі

Бағыттаушы сұрақ:

-Факт және көзқарас ұғымын қалай түсінесіздер?

- Өз түсініктеріңіз бойынша анықтама шығарыңыздар.

-Өздеріңіз жазған анықтама мен «Қазақ тілінің түсіндірме сөздігіндегі» ақпаратпен салыстырғанда не байқадыңыздар?

Демек, өзіңіз ойлаған пікір- көзқарас болып табылса, нақты дәлел келтіретін болсақ, ол-факт болып табылады.

Көзқарас - пікір, ой, ұғым.

Адамдардың қоршаған ортаға деген түрлі дүниетанымы.

Факт - әр уақытта ешқандай шартсыз ақиқат болатын айтылым. Пролог тілінде қарастырылады. Шынымен болған, ойдан шығарылмаған оқиға, жағдай, құбылыс.