Достарыма арналған үй тақырыбындағы ашық сабақ

Білім беру саласы: «Шығармашылық». «Таным»

Бөлімі: «Аппликация»

Тақырыбы: "Достарыма арналған үй".

Мақсаты: Қоршаған орта және үй жануарлары туралы білімдерін кеңейту; балаларды қайшымен жұмыс істеуге үйрету; техникалық қауіпсіздік ережелері туралы түсіндіру; төртбұрыш, шаршылармен үйдің қабырғасын, үшбұрышпен үйдің шатырын жасауға болатындығын түсіндіру. Тілдерін дамыту. Саусақтың ұсақ бұлшық еттерінің қозғалысын жетілдіру. Қайырымдылыққа тәрбиелеу.

Құралдар-жабдықтар: ит пен мысықтың түрлі тұқымының суреті, түрлі түсті қағаздан жапсырмалар, қайшы, сулық, желім, үлестірмелі материалдар, қиылып алынған ит пен мысық жапсырмалары.

Сөздік жұмысы: шуақ адал

Билингвальдық компонент: ит-собака, мысық - кошка, үйшік - домик

Оқу қызметі

Тәрбиешінің қызметі

Баланың қызметі

Мотивациялық- қозғаушылық

Тақтаға итттің және мысықтың түрлі тұқымдарының суретін ілу.

Жұмбақ

Ырылдайды, үреді,

Үй маңында жүреді.

Иесін ол біледі,

Бөтен біреу келсе егер,

Үріп белгі береді.

Мақал

Ит-адамның дасы

Жұмбақ

Түссе күннің шуағы,

Көзін жұмып алады.

Жылы жерді сүйеді,

Беті-қолын жуады.

Сөздік жұмыс: шуақ, адал.

Иттер - ең сақ және адал достар. Жер бетінде ит тұқымдасының түрлері өте көп. Олар бізге қызмет етеді, үйді күзетіп, қиыншылыққа тап болған адамдарды құтқарады.

Пекинес - кішкентай ит. Ол өзіне көп көңіл бөлгенді ұнатады, балалардың өзін құшақтап, жұлмалағанын, сипалағанын қаламайды.

Пудель - өзінің иесіне берілген, үнемі байлауда ұстаса да еш қарсылық көрсетпейтін көнбіс ит. Балалармен ойнағанды жақсы көреді. Пудельдер еш себепсіз үре береді. Олар үнемі әдемі шаш үлгісін көрсететін көрмелерге қатысады, сәнқой ит.

Мысықтар адаммен бірге өмір сүреді, тышқан ұстайтын пайдасы бар. Мысықтың да неше түрлі тұқымы болады.

Ангор мысығы - көңілді, қылықты мысық. Ойынпаз, адамды жатырқамайды. Белсенді, үйірсек, кіммен болсын тіл табысады.

Суреттерді қызыға қарайды

Жұмбақты шешеді

Жауабы: ит

Мақалды тыңдайды, қайталайды.

Жұмбақты шешеді

Жауабы: мысық

Қайталайды: шауқ, адал

Педагогтің әңгімесін тыңдайды, иттің және мысықтың тұқымдары туралы мағлұмат алады және ұсынылған иллюстрацияны қарайды.

Іздену ұйымдастыру

Ғажайып сәт

-Балалар, бізге ит және мысық қонаққа келді. Олармен танысайық.

Педагог жұмсақ ойыншықтар: ит және мысықты көрсетеді.