Достығымыз жарасқан мерекелік кеш сценарийі

Жүргізуші: Сәбилердің зәресін бұлт алмасын,

Гүл бәйшешек еш уақытта солмасын.

Ақ көгершін аспанында қалықтап,

Барлық халық бейбіт күнді тойласын.

Құттықтау сөз: Құрметті қонақтар Қазақстан халқы Ассамблеясының «Достығымыз жарасқан» атты барлық ұлттар достығы мерекесімен шын жүректен құттықтаймыз.

«Бірлік бар жерде тірлік бар» дейді дана халқымыз. Бұл сөз тегін айтылмаса керек. Біздің елімізде 120-ға жуық ұлттар мен ұлыстар мекендейді. Олар тең дәрежелі өздерінің тілін, мәдениетін, салт-дәстүрлерін сақтаған. Бір-бірімен тату-тәтті, бейбіт өмір сүреді. Осынау ұлттар тұтастығымен халықтар достастығының арқасында бүгінде мемлекетіміз дамып, өркендеп келді.

Барша халық таныған,

Біздің үміт тілекте.

Шырқалғанда әнұран,

Шаттық кернер жүректі.

Қ.Р. әнұраны орындалады.

Жүргізуші: Ал кәнекей тақпақ айтып бастайық,

Көрерменді бір сергітіп тастайық.

Ортамызды ашайық,

Жырдан шашу шашайық.

(музыка әуенімен Достық періште кіреді)

Достық періштесі:Достығымыз жарасқан,

Тойлайды қала, ауыл да.

Айналған барша халықтар,

Дос туысқан, бауыр да.

Сәлеметсіздер ме бауырлар!

Балалар: Сәлеметсіз бе достық періштесі.

Достық періште: Періштесі достықтың мен боламын,

Мейірімді жүректерге жол саламын.

Достықты арман еткен балалардың,

Мекеніне қуанышпен ораламын.

Жүргізуші: Қош келдіңіз достық періштесі сіздің келгеніңізге өте қуаныштымын. Төрлетіңіз.

Хор: «Достық әні».

Жүргізуші: Балалардың құттықтау тақпақтарын қабыл алыңыздар.

Нұрсұлтан: Достықты үлгі санаған,

Бір үйде біз тұрамыз.

Қалған ата-бабадан,

Бірлік асыл мұрамыз.

Мирас: Достық – шырағымыз,

Достық – ұранымыз.

Достық – туымыз,

Достық – әніміз.

Мөлдір: Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

Жүргізуші: Достық періштесі – біздің балалар өте өнерлі тақпақты да айтады, әнді де, биді де айтады. Ондай болса балалардың орындауындағы би:

«Халықтар достастығы»

Достық періштесі: Мен балалардың бір-бірімен дос екенін көздерін, жүздерінен әдемі де, тамаша өнерлерін көріп тұрмын.

Анель: Ортақ дәстүр ғұрып бай,

Ынтымақ суытпай.

Шаңырақты көтерген,

Жүз түрлі ұлт

Жүз уықтай.

Дулат: Қасиетті киелі,

Туған жерді сүйеміз.

Батыр ана, ағалар.

Сіздерге бас иеміз.

Нариман: Алты алаштың баласы,

Қауымдасқан күні бұл.

Бір бірімен жарасқан,

Бауырласқан күні бұл.

Талғат: Бейбітшілік ұраны,

Жарқыраған алтын күн.

Ән қанаты қыраны,

Еркіндігі халықтың.