Достық айнасы тақырыбына сабақ жоспары, 8 сынып

Өзін – өзі тану пәнінен сабақ жоспары

Мектеп: "№ 2 Бескөл орта мектебі" КММ Мерзімі: 19.11.18ж. № 11 сабақ

Пән мұғалімі: Қажымұратов Э.С.Сыныбы: 8 «а»

Оқушы саны: 11 Қатысқандар: 11 Қатыспағандар: жоқ

Сабақтың тақырыбы: Достық айнасы

Құндылық: Дұрыс әрекет Қасиеттер: Басқалар туралы жамандық ойламау; отбасындағы, мектептегі парызын орындау; ұқыптылық.

Сабақтың мазмұны

Ресустар

Сабақтың мақсаты: Әрбір сөзінде, ісінде жауапкершілікті сезіне білуді дұрыс әрекет құндылығымен жасағанда нәтижелі болатынын түсіндіру.

Сабақтың міндеттері:

а: өміріне жауапкершілікпен қарай отырып басқалар туралы жамандық ойламауға үйрету;

ә: отбасындағы, мектептегі парызын орындау әрбір оқушы міндетім деп тануға ықпал жасау;

б: оқушыларды ұқыптылық пен жауапкершілікке тәрбиелеу.

Сәлемдесу,түгелдеу,

сабақтың мақсаты мен міндеті таныстырылады.

Сабақтың барысы:

1.Ұйымдастыру кезеңі: 5 «Т» ережесін сақтау: Тәртіп ,Талап

Тыныштық,Тазалық, Татулық.

Тыныштық сәті: «Орманға саяхат»

Құрметті оқушылар барлықтарыңызды тыныштық сақтап ыңғайланып отыруларыңызды сұраймын.

Көзді жұмуларыңызға да болады, терең демаламыз, әр демімізбен өзімізді еркін, тыныштықта сезінеміз.

Қазір біз орманға дем алуға барамыз. Елестетіңіз, сыныптан шығып, дәлізден өтіп, далаға бет алдыңыз.

Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.

Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.

Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.

Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын.

Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз. сыныпқа келіп өз орнымызға отырайық.

Тыныштық пен разылықты жүрегімізде сақтап, көзімізді жайлап ашамыз да бір-бірімізге қарап күлімсірейміз.

Өз әсерлерімен бөлісу, қандай сезімде болғаны жайлы қысқаша айту...

2.Үй тапсырмасын тексеру.

2.1. а)өткен Қайырымдылық-көкжиектері тақырыбы бойынша «Қайырымдылық» деген не?

2.2. ә)"дос" туралы мақал-мәтел т.б. жазып келу.

Тақырыпты шығару: айнаға қарау, жауап беру: біз кімді көрдік? \айна бұрылып ашылады да тақырып шығады.\

Музыка қойылады

Үй тапсырмасын тексеру.

Дос демекші, қазақтың бас ақыны Абай атамыздың сөзіне тоқталу.

3.Дәйексөз. "Адам баласына адам баласының бәрі – дос"

қазақтың бас ақыны - Абай Құнанбайұлы.

3.1. жұппен айту, жеке жатқа айту,

3.2. дәптерге жазу,

3.3. түсінік беру.

-Достық деген не?

-Өзің қиналған кезде көмектескен достарың болды ма? Мысал.

- Шынайы дос болу үшін адам бойында қандай қасиеттер болуы керек?

Пікірлерін білдіреді.

Осындай жақсы қасиеттер арқылы, дұрыс әрекет арқылы Адамның бәрі бір-біріне дос бола білу керек, ендеше отбасындағы ана мен бала, іні мен аға, ата мен немере т.б арасында да достық болады екен.

4.Әңгімелеу. Мұғалім сыйы, видео үзінді.

Аюдың ақылы

Екі жолдас орманда келе жатыпты. Бірінің денсаулығы мықты, екіншісі аурудан жаңа тұрған әлсіз екен. Кенет алдарынан аю шыға келеді. Денсаулығы мықты жігіт зымырап ағаштың…