Достық әлемі мектепке дейінгі балаларға арналған конспект

Білім беру саласы: Әлеуметтік орта.

Ұйымдастырылған оқу іс-әрекет: «Өзін-өзі тану»

Тақырыбы: «Достық әлемі»

Күні, айы, жылы:

Мақсаты: «Достық» ұғымын, оның құндылық ретіндегі мәнін түсіндіру.

Білім беру: - достық, татулық, бірлік, ұғымдарын түсіндіру;

Дамыту: - өзара татулық сезімдерін дамыту;

Тәрбиелеу: - достықты қадірлей білуге тәрбиелеу.

Әдіс- тәсілдері: Түсіндіру, көрсету, сұрақ- жауап, сергіту сәті, мадақтау, қорытынды.

Көрнекі құралдар: Дәптер, хрестоматия.

Сөздік жұмыс: Татулық ,бірлік, достық.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Шаттық шеңбері.

Педагог балаларды шеңберге жинайды.

- Амансыңдар ма, балалар! Мен сендерді көргеніме өте қуаныштымын!

- Енді балалар, бір- бірлеріңнің қолдарыңыздан ұстап, мына өлең жолдарын бірігіп айтайық..

Балалар шеңбер құрып, бір- бірлерінің қолдарын ұстап, шын жүректен мынадай өлең жолдарын айтады:

Достарды біз қолдаймыз

Қиын шақта қорғаймыз,

Біздің топта ұл-қыздар,

Тату-тәтті ойнаймыз!

Іздену- ұйымдастырушы

Әңгімелесу.

Тәрбиеші балаларға С. Сейтеновтың «атасының ақылы» әңгімесін оқып береді, сұрақтар қояды:

- Еркін мен Төкен достықты қалай түсінді?

- Еркіннің атасы немересіне достық туралы қандай ақыл берді?

- «тату-тәтті дос» деп қандай достар ды айта аламыз?

Дәйексөз

Тәрбиеші балаларға «Адам достығымен күшті» мақалын сабақтың дәйексөзі ретінде түсіндіреді.

Сергіту сәті:

Тәрбиеші балаларға сергіту сәтін қимыл-қозғалыстарымен көрсету арқылы жасатады.

Орнымыздан тұрамыз,

Қолды белге қоямыз.

Бұрыламыз оңға бір,

Бұрыламыз солға бір,

Гүл-гүл жайнап жанамыз.

Жаттығулар жасасақ,

Жақсы сергіп қаламыз.

Ойын. «Достық неден басталады, достыққа не жарасады?»

Тәрбиеші төмендегі сөздерді айтады, балалар оған келісіп, «Ия» деп жауап беріп, қолдарын шапалақтайды. Келіспесе, «Жоқ» деп жауап беріп, қолдарын шапалақтамайды.

Достық танысудан бастала ма?

Достыққа қамқорлық жараса ма?

Достық төбелестен бастала ма?

Достыққа мейірімділік жараса ма?

Достық мазақтағаннан бастала ма?

Дәптермен жұмыс

- Достарыңа арнаған ашықхаттың суретін салыңдар. Оны қиып алып достық ағашына бекітіңдер.

Тыныштық сәті:

- Балалар, денелеріңді түзу ұстап, бастарыңды жоғары көтеріп, ыңғайланып отырыңдар.Көздеріңді жұмып, елестетіңдер

Шығармашылық ұжымдық жұмыс. «достық шеңбері».