Достық татулық белгісі тәрбие сағаты

Достық – татулық белгісі

Мақсаты: Балаларға 1 мамыр Қазақстан халықтар бірлігі күні мерекесі екенін түсіндіру. Ынтымақтыққа, достыққа, өз Отанын сүюге, тәрбиелеу. Балалардың бірлік,ынтымақтастық туралы түсініктерін кеңейту. Мерекелік көңіл – күйлерін көтеріп, өздеріне ұнайтын шар,жалауша суретін салдыру. Ойын арқылы әр ұлттың киімдерін ажырата білуге үйрету.

Тәрбиеші: Құрметті ата – аналар, балалар сіздерді 1 мамыр Қазақстан халқы бірлігі күні мерекесімен шын жүректен құттықтаймыз.Ұлттар тұтастығы мен халықтар достығының арқасында бүгінде мемлекетіміз дамып келеді.Еліміз өркен жайып, әрбір шаңырақ шаттық пен қуанышқа кенелсін. Қазақ халқы өте қонақжай халық. Келген қонағын қуана – қуана қарсы алады. Ендеше бүгінгі осы мерекеге арналған ертеңгілігімізді бастаймыз. Ортаға «Ақжелкен» тобын қошеметпен қарсы алайық. Ортаға қолдарына шар, жалауша ұстаған балалар келіп жайғасады. Ендігі кезекті тақпақтарға берейік.

Іңкәр: Қазақстан төрінде күн нұрын төксін,

Жерінде жұпар иісті гүл сепсін.

Ислам: Алтын дәмді даламыз бай болсын,

Ақ күмісті қаламыз көп болсын.

Теңел Айару: Бұзылмасын сәніміз,

Барлық ұлттар бірлесіп.

Қазақстан жерінде,

Жасасын той – мереке.

Ырысбек: Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

Мираш Раяна: Солнечный май,

Радостный май.

Песенку слушай,

Привет принимай.

Ақерке: Достық туымыз,

Достық әніміз.

Дос болайық бәріміз,

Жарасып тұр әніміз.

Хор: «Дос болайық бәріміз»

Тәрбиеші: Енді әр ұлт киімін киген балалар ортаға шеруге шығып киімдерін таныстырады.

Би: «Қамажай»

Тәрбиеші: Тақпақтарға кезек берейік.

Азамат: Ағайын туған бар адам,

Адалдық үшін жаралған.

Бар қымбат туыстық,

Баянды болсын тыныштық.

Әбілмансұр: Бейбітшілік ұраны,

Жарқыраған алтын күн.

Ән қанатты қыраны,

Еркіндігі халқымның.

Нұрдәулет: Біз балдырған тең басқан,

Дос құшағын кең ашқан.

Тілегіміз әділдік,

Ашық болсын кең аспан.

Мұстафа: Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

Индира: Жан біткендей жас тауға,

Шуақ ойнап арайлы.

Күн күлімдеп аспанда,

Мамыр әні тарайды.

Ержан: Болсын жер мен суда ортақ,

Болсын біздің туда ортақ.

Ақпыз,қара,сарымыз,

Ағайынбыз бәріміз.

Тәрбиеші: Кезекті орыс халқының биіне береміз (Р.Раййана, Аққуан, Айсана).

Ойын: «Қай ұлттың киімі?»