Достық туралы бастауыш сынып мұғалімдеріне материал

Күні:

Сыныбы: 1

Тақырыбы: Достық

Мақсаты: Достық туралы білімін жетілдіру, достықты бағалай білуге, сондай-ақ достасу дағдыларын жетілдіру.

Міндеттері: - достық, татулық туралы түсінік қалыптастыру;

- жағымды қарым-қатынас жасау дағдыларын дамыту;

- өзара сыйластыққа тәрбиелеу.

Әдіс-тәсілдер: ойын, жаттығулар

Барысы:

І. Ұйымдастыру кезеңі. Оқушының көңіл - күйіне мән беріп, құрал- жабдықтарын түгендеу.

ІІ. Оқушыға қойылатын сұрақтар:

1. Адал достық дегенде нені түсінесің?

2. Дос деп кімдерді айта аласың?

3. Сенің адал достарың бар ма? Олардың адалдығын қай іс-әрекеттерінен байқадың?

Адал дос дегеніміз өтірік айтпайтын, шындықты жақтайтын досын ешқашанда ұятқа қалдырмайтын, барлық уақытта қандай жағдайда болмасын қол ұшын беріп, көмектесетін қашан да қасынан табылатын, барын бөлісетін нағыз жолдас.

ІІІ. Тыныштық сәті. Оқушының денесі, ойы сергітіледі. Денесін түзу ұстап, басын жоғары көтеріп, ыңғайланып отырады. Көзін жұмуына да болады. Ауаны терең жұтып, еркін тыныстайды, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Осылайша 2 минуттай отырады.

ІV. Жағдаятты талдау. Қаңтардың қара суығы. Мұхит екі шелекті алып, өзеннен су алып келіп, қорадағы қойларды суаруға бет алды. Шелегін суға толтырып, қораға кіре берісте Мұхиттың аяғы тайып, құлап түсті. Су үстіне төгілді. Орынан әрең қозғалып, үйге кірді....

Мұхиттың тобығымен ауруханада көп жатты.

Сен Мұхиттың досы болсаң не істер едің?

V. Дос туралы қандай мақал-мәтелдерді білесің?

1. Аққуды атпа,

Досыңды сатпа.

2. Досы көпті жау алмайды.

3. Жүз сомың болғанша,

Жүз досың болсын.

Сабақты қорытындылау