Дуальды оқыту жүйесі заман талабы баяндамалар жинағы

МАҚТААРАЛ ГУМАНИТАРЛЫҚ-ЭКОНОМИКАЛЫҚ ЖӘНЕ АГРОБИЗНЕС КОЛЛЕДЖІ

БАЯНДАМА

Тақырыбы: Дуальды оқыту жүйесі – заман талабы.

Атакент

Дуальды оқыту жүйесі – заман талабы.

Біздің жастарымыз оқуға, жаңа ғылым-білімді игеруге, жаңа машықтар алуға, білім мен технологияны

күнделікті өмірде шебер де тиімді пайдалануға тиіс. Біз бұл үшін барлық мүмкіндіктерді жасап, ең

қолайлы жағдайлармен қамтамасыз етуіміз керек....

ҚР-ның Президенті Н.Назарбаев

Білім – тек ғылымның іргетасы емес, шет елдермен терезесі

тең мемлекет болудың күретамыры, ел дамуының алтын арқауы.

Білім бар жерде даму, жетілу, кемелдену үрдісі бір сәтке

толастамайды. Қай елдің болмасын өсіп - өркендеуі, ғаламдық

дүниеде өзіндік орын алуы, оның білім жүйесінің дегейіне, даму

бағытына байланысты. Білікті мамандар топтасқан ортада

алынбайтын қамал, еңсерілмейтін биік жоқ. Халыққа сапалы

қызмет көрсетудің тетігі тәжірибелі, білімді, үлкен сыннан өткен

кадрлардың қолында екенін Елбасы Нұрсұлтан Назарбаев

«Қазақстанның әлеуметтік жаңғыртылуы: Жалпыға Ортақ Еңбек

Қоғамына қарай 20 қадам» тұжырымдамасында ерекше айта

отырып, бұл жүйені іске асырудың бірден – бір жолы елімізде

дуалды оқыту жүйесін енгізу мәселесі екенін баса көрсеткен.

Еңбек нарығындағы жұмыссыздық мәселесін шешу, жас білім

алушының жаңа технологияны меңгере отырып, еңбек нарығында

сұранысқа ие бола алатындай жұмыс күшін қалыптастыру бүгінгі

күннің келелі мәселесі. Сондықтан, дуальды оқыту жүйесі

өнеркәсіп саласына қажетті мамандарды даярлау мәселесін толық

қанағаттандыратын негізгі жүйенің бірі болып табылады. Дуальды

оқыту жүйесі арқылы, білім беру мен кәсіпорын арасында тығыз

байланыстың орнауына да үлкен мүмкіндік бар. Бұл дегеніміз білім

алушыны жан-жақты дайындау.

Дуальды оқыту әдісі әлемнің көптеген ірі дамыған

мемлекеттерінде мысалы, Германия, Австрия, Дания, Нидерланды,

Швеция, Англия, Оңтүстік Корея сияқты дамыған елдерінде

жоғары нәтиже беріп, жүргізіліп келеді. Осыған орай, бұл оқыту

жүйесінінің тиімділігі жан-жақты талқыланып, білім және ғылым

министрлігінің шет елдердің тәжірибелерін зерттей келе,

техникалық және кәсіптік білім беру жүйесіне енгізу басшылыққа

алынды. Сондай-ақ, дуальды жүйенің басымдығы оқытудың

өндіріспен тығыз байланысы орнап, жүйенің қолданысқа ене

бастауы білім беру реформасындағы үлкен бетбұрыс болып

табылады.

Дуальдау оқыту реформасын табысты жүргізіп келе жатқан

елдердің бірі – Германия мемлекеті болып табылады. Дуальдау

жүйесі бойынша, егер оқу орны оқушыларға сапалы білім бермесе,

онда әлеуметтік серіктестік мекемелері ол оқу орнымен келесі оқу

жылына келісімшарт жасамайды. Оқу орындары мекеме алдында

бітіруші болашақ маманның білім сапасына жауап береді. Жаңадан

жұмысқа қабылданған оқу орнының бітірушісі туралы, мекемедегі

мамандар арнайы келіп, сол оқушы бойынша толық ақпарат алуға

құқы бар. Мекеме басшылары белгілі біруақыт аралығында

педагогикалық кеңестерге қатысып отырады.

Бұл жүйеде оқушылар топтастырылып оқытылады. Кәсіпорын

мамандарының қатысуымен жаңа жобаларды талқылау

мақсатында, шешімін табуға тиіс ортақ мәселелер бойынша өзара

жиындар, конференциялар жиі өткізіліп тұрады.

Дуалды оқыту жүйесі дегеніміз - теорияны өндіріспен

ұштастыра оқыту технологиясы.