Дыбыстар әлемі 2 сыныпқа арналған ашық сабақ жоспары

Шакенова Гулсим Куанышевна- №33қазақ жалпы орта білім беру

мектебі, мұғалім- логопеді

Сабақтың тақырыбы: Дыбыстар әлемі

Сабақтың мақсаты:

Білімділік: Дыбыстар туралы түсінігін кеңейту, тілдік емес дыбыстарды ажырату, сөздік қорын молайту, ауызша байланыстыра сөйлеу тілін дамыту.

Түзету дамытушылық: Есту арқылы қабылдауын, дыбыстарды ажырату қабілеттерін арттыру. өз бетімен ойлауын және логикалық ойлау қабілетін дамыту, дұрыс тыныс алуын қалыптастыру, ұсақ қол моторикасын дамыту, танымдық белсенділіктерін көтеру. Баланың қоршаған табиғатты қаншалықты, қалай, қабылдайтынын зерттеу, дамыту.

Тәрбиелік: Оқушыларды ұқыптылыққа, ұжымдық достыққа, татулыққа тәрбиелеу.

Сабақ түрі: бекіту, қорытындылау, кіріктірілген сабақ

Сабақтың өткізу әдісі: арт терапия элементтері (ертегі терапия, құм терапия, ойын терапия)

Көрнекілігі: .... құм ( құмық ботқа)

Сабақ барысы:

І.Ұймыдастыру бөлімі.

- Оқушылармен амандасу.

- Оқушылардың назарын сабаққа аудару.

- Сөйлеу ережесі (сөйлегенде асығыстық жасама,әрдайым деміңді шығарып сөйле.)

- техникалық қауіпсіздік ережесі

ІІ. а) Дауыс жаттығуы Әуен ырғағымен босаңсу және тыныс алу жаттығуларын орындату.

ә) Артикуляциялық жаттығуы б) Тыныс жаттығуы «Көпіршікті үрле», «Қарды үрлеп ұшыр»жаттығуы.

ІІІ. Жаңа сабақ

-Балалар, бүгінгі сабағымызда «Дыбыстар әлеміне» саяхат жасаймыз.

-Ендеше, балалар дыбыстарды тыңдайық. (үнтаспадан дыбыстарды тыңдату)

-Қандай дыбыстарды естідік?

-Біз әр түрлі дыбыстарды естідік. а) (судың сылдыры,құстардың үні, желдің гуілдеуі т.б.) ә) ( найзағайдың соғуы, машинаның гүрілдеуі, ұшақтың дауысы, поездың тарсылы)

-Осы дыбыстарды қай дене мүшемізбен тыңдадық? (құлақпен).

- Дыбыстарды айтамыз және естиміз.

- Ал, енді мен сендерге «Қоңыр қошақан» атты шағын әңгімені сурет бойынша әңгімелеп берейін. Зейін қойып, мұқият тыңдаймыз.

Қуаныш күнде қоңыр қошақанына сүт беріп,көк орай шөпке жайып,қамқорлық жасап жүреді.Бір күні қоңыр қошақаны тоғайда жүрген қойларға қосылып кетеді.Қуаныш қошақанын іздеп тоғайға келеді. Қатты жел соғады.

Жел соққанда қандай дыбыс естіледі?

Жел уілдейді: у-у-у-у-у-у-у-у-у-у-у

Желдің әсерінен ағаштың жапырақтары шулайды.

Қандай дыбыс естіледі?

Ш-ш-ш-ш-ш-ш-ш-ш-ш

Тоғай ішінде жүру өте қиын. Маса да ызыңдап мазасын алды.

Маса қандай дыбыс шығарады?

З-з-з-з-з-з-з-з-з-з-з-з-з

Қуаныш артынан еріп келе жатқан иттің ырылдаған дауысын естиді.

Ит қандай дыбыс шығарады?

Р-р-р-р-р-р-р-р-р-р-р