Екінші сыныпқа арналған ата-аналармен тәрбие жұмысы

Сабақтың тақырыбы: «Мен және менің отбасым»

Сабақтың мақсаты: А) Бала тәрбиесіндегі ата-ананың алатын орнының ерекше екендігін түсіндіру;

Ә) Халқымыздың тәлім-тәрбиесі ананың ақ сүтімен, әже өнегесімен, ата ақылымен берілетін білім, өзіндік ұлттық қасиетімсізід балалардың бойына дарыту;

Б) Отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, сыпайы, инабатты болуға тәрбиелеу.

Көрнекілігі: қанатты сөздер, оқушыны шығармашылығынан тұратын көрме, отбасы туралы слайд, мультимедиа.

Барысы:

Қайырлы күн, құрметті ұстаздар, ата – аналар, оқушылар!

Бүгін біз келешек ұрпағымыз көрегенді, тәрбиелі де әдепті болуын алдын ала ойластыру, ата – аналар мен мектептің арасындағы байланысты нығайту мақсатында «Мен және менің отбасым» тақырыбында сайыс сабақ өткізгелі отырмыз.

Адам артына із қалдыру үшін жер бетінде, басқа адамдардың ақыл-ой дүниесінде, жүрегінде із қалдыру үшін туады демекші, ата – ана өмірге ұрпақ әкелген соң оның жақсы азамат болып өсуіне, тәрбиесінің дұрыс болуына мән беріп, аса бір ілтипатпен қарайды. Ал осындай саналы да тәрбиелі ұрпақтың өсуіне ата – анамен бірге мектеп ұжымы да бірдей ат салысады.

Балалық шақ – адам өміріндегі қайталанбайтын маңызды шақ. Балаға деген қарым – қатынасымыз о бастан қандай болса, баланың жеке басы соған қарай қалыптасады. Баланың жеке бас қасиеттерін дер кезінде байқау – келешекте оның жақсылыққа жақын болуына, ата – ананы қадірлеп, өмірден өз орнын табуға көмектеседі.

Сіздерді бүгінгі сабағымыздың қонақтарымен таныстырып өтейін: 1-4 сынып оқушылары мен ата-аналары.

«Мен және менің отбасым» атты тәрбие сағатымызға қош келдіңіздер.

Сайыс 7 бөлімнен тұрады.1. «Сәлем – сөздің атасы» яғни өз - өзін таныстыру.2. «Кім жылдам?» Қызықты суреттер сайысы (Бұл сайыста әр топқа суреттер қойылады. Аналар балаларымен бірге суретті әдемілеп бояп шығу керек)3. «Ойлан тап» (аналар ,оқушылар ситуациялық сұрақтарға жауап береді.)4. Мәнерлеп оқу сайысы.(оқушылар өлендерін оқиды.)5. «Мақал-мәтел сайысы» (жалғасын тап).6.Ойын сайысы. (ата-аналармен)7.Менің отбасым. (плакат сайысы.)

Алдымен сайыскер қыздар мен ұлдар, аналарымыздың ішінен білімі мен білігі, бағы мен бабы қатар жанған жандарды дәл анықтап беретін әділ - қазы алқасымен таныстырып алайық:

Алдымен балалар сабағымызды бастамас бұрын мынандай ойын ойнап жіберейік. Бұл ойынды мынадай жұмбақтар шешу арқылы ойнаймыз

Әкелеріңнің әкесі сендерге кім болады?(Ата)

Әкелеріңнің анасы кім болады? (Әже)

Отбасының тірегі кім? (Әке)

Үйдегі алтын қазық кім? (Ана)

Өзі әкенің ізін қуатын, ал өзінің ізін артындағыларға қуғызатын, әке жоқ кезде әке орнына әке рөлін атқаратын кім? (Аға)

Ағадан кейін өмірге қыз бала келсе кім дейміз? (Апа)

(Әр жұмбақтың шешуіндегі адамдарды тақтаға іліп, отбасы сөзін шығару)

Отбасы-адам баласының түп қазығы, алтын ұясы. Адам баласын шыр етіп дүниеге келген күннен бастап сол ортаның ыстық-суығына бейімделіп, ықпалына көніп, осында ер жетеді.

Отбасы-адамзат бесігін тербеткен баланың бас ұстазы. Ұлтымызда «Ұяда не көрсең, ұшқанда соны ілерсің» деген дана сөз бар. «Балапан қыран болу үшін оны самғатып ұшыратын ата немесе әке де қыран болу керек» деп отбасылық тәрбиеге ерекше тоқталған. Әр отбасында ата-ананың орын бөлек. Бала әкеден ақыл, анадан мейірім алады. Әке-шаңырақ иесі. Отбасы мүшелерінің жауапкершілігі толығымен ер-азаматқа жүктеледі. Әйел-отбасының ұйытқысы. Баланы өсіріп тәрбиелеу-әйел-ананың тікелей міндеті.

1. «Сәлем – сөздің атасы» яғни өз - өзін таныстыру.2. «Кім жылдам?» Қызықты суреттер сайысы (Бұл сайыста әр топқа суреттер қойылады. Аналар балаларымен бірге суретті әдемілеп бояп шығу керек)3. «Ойлан тап» (аналар ,оқушылар ситуациялық сұрақтарға жауап береді.)

Оқушыларға арналған ситуациялық жағдайлар:

Ата-анаңды мектепке шақырса үнемі келмейді, сол үшін ұстазың саған

ренжиді. Осындай жағдайда сен не істейсің?

Сенің досың шамалы бұзықтау бала. Бұған ата-анаң «Досына қарап

өзін таны» деп, мына жолдасың маған ұнамайды, онымен бірге жүруді қой деді. Не істер едің?

Анаң жұмысқа кетер алдында «Балам, менің бүгін жұмыстағы ең ауыркүнім, кешігіп келемін. Ал сен мен келгенше үйді жинастырып, шай тамағымды дайындап қой!»-деп бұйырып кетті. Сен болсаң кешке дейін далада ойнап дәл анаң келер уақыттан 15 минут бұрын ғана үйге кірдің. Ешнәрсеге үлгере алмадың. Осы кезде есіктің қоңырауы соғылды. Не істейсің?

Ата – анаң қатты дауыс көтерсе немесе ұрса сен қандай әрекет жасайсың?

Сынып жетекшісімен келіспей қалсаң, не істер едің?

Жасы үлкен бала сенен ақша талап етеді. Осы жағдайда не істер едің?