Эко тақырыбына арналған тәрбие сағаты, 3 сынып

«Көкпекті ауданының білім бөлімі»ММ

«Абай атындағы орта мектебі» КММ

“Табиғат — алтын бесігім”

экологиялық сабақ

3- сынып

Сынып жетекшісі: Нургазина Жазира Ердыкановна

Мақсаты: Табиғаттың алуан сырларын білуге, қоршаған ортаны қорғауға баулу.

Табиғат туралы танымдарын молайту, ой өрісін кеңейту, экологиямызды сақтауға тәрбиелеу

Туған жер, табиғатқа деген сүйіспеншілігін арттыру.

Көрнекілігі: Видеопроектордан табиғат суреттері, табиғат туралы нақыл сөздер.

Барысы: 1.Үйымдастыру.

Кіріспе сөз.

Табиғат жүрекке жылы,көңілге қонымды терең мағыналы сөз, ұлағатты мол ұғым емес пе? Табиғатсыз өмір жоқ.Ол бар байлықтың көзі, адам өмірінің негізі. Табиғат — бізді қоршаған дүние. аспан,жер,тау, су, жануарлар мен өсімдіктер әлемі. Адам қашанда табиғат әсемдігіне,сұлулығына тамсанып таңданған, қуанып шабыт алған және қамқорлық жасаған.

Туған жеріміздің табиғаты адам айтқысыз әсем әрі бай. Ұшы қиыры жоқ теңіздей шексіз дала, неше алуан шөп, қызыл жасыл шөп өрнектеп кілем жайғандай. Табиғаттың ғажайып көріністері адам жанын үйлесімділікке, жарасымдылыққа шақырып тұрғандай. Туған жеріміздің табиғатын аялап, гүлдендіру өз қолымызда.

Адам табиғатынан сұлулықты, әдемілікті үйренеді. Ол үшін адамға табиғатты тану, сезіну және оның ерекше екенін терең түсіну керек. Адам табиғаттың сұлулығын әсерлі сөзбен, сырлы өлеңмен, ғажап суреттермен жеткізе алады. Адамның табиғатқа деген сүйіспеншілігі оның сұлулығы мен байлығын сақтауға көмектеседі.

Сұрақ —жауап.

Айнала қоршаған ортадан көздеріңе түскен табиғат заттарын атаңдаршы?

Қандай табиғат құбылыстарын білесіңдер?

Адам қолымен қандай заттар жасалады?

Адам табиғатты зерттеп, нелер ойлап тапты?

Әдеби монтаж

Табиғат сұлулығына суретшілер сурет салса, ақындар өлең жазып, ал сазгерлер ән жазған. Ендеше, табиғат жайлы не біледі екенсіңдер, байқап көрейік.

Хормен:

Армысың, шапағатты күніміз,

Армысың, мейірімді жеріміз.

Армысың, табиғат анамыз,

Келді сізге өзіңіздің балаңыз.

(Оқушылар табиғат жайлы жаттаған өлеңдер, нақыл сөздер айтады)

— Туған жер, өскен ел тәрізді жүрекке жылы сөздердің бәрі де “Табиғат” деген таңғажайып ұғыммен бірігіп жатады. Олай болса “Табиғат деген не?” жауап беріңдерші.?

(Ә.Ысқақ “Табиғат деген не?” рольге бөліп айту)