Экономикалық зорлық-зомбылық туралы баяндама мен реферат

Экономикалық зорлық – зомбылық

Бейнероликте баланың ата – ана тарапынан зорлық – зомбылыққа душар болғандығын байқадыңыздар.

Анықтама: Экономикалық зорлық – зомбылық – адамды заңмен көзделген құқығы бар тұрғын үйінен, тамағынан, киімінен, мүлкінен,қаражатынан қасақана айыру,бұл дене саулығының және психикалық денсаулығының бұзылуына әкеп соғуы мүмкін.

Экономикалық зорлық – зомбылық белгілеріне назар аударуға тиісті анық «сыртқы» белгілерді атап өтсем:

Баланың бейәлеуметтік іс – әрекеті;

Бала сабақтарды жібереді немесе мектепке келмейді;

Баланың денесінде түрлі жарақаттар, зорлық – зомбылық іздері болады;

Бала сұрамсақтана бастайды;

Бала лас немесе маусымға сәйкес киінбейді;

Отбасында балаға қамқорлық көрсетілмейді;

Спирттік сусындар мен есірткі құралдарына әуестене бастайды;

Бала бойында осындай сыртқы белгілер байқалған жағдайда білім беру мекемесі қызметкерлері психолог, директордың тәрбие жұмыстары жөніндегі орынбасары,әлеуметтік педагогтың бірлесіп атқаратын іс –әрекеті алгоритмі:

Бұл жөнінде мектеп директорына жазбаша хабарлауға міндетті;

Ата –аналарына немесе заңды өкілдеріне хабарлайды;

Мектеп директорының тапсырмасымен психологтың қатысумен ата –анасымен әңгімелеседі,бұл хаттамаға енгізіледі;

Психологтың қатысуымен баламен жеке әңгіме жүргізіледі;

Балаға қатегездік таныту белгілері расталған жағдайда прокуратураға, кәмелетке толмағандардың істері жөніндегі мектеп инспекторына, әлеуметтік қорғау органдарына ақпарат беріліп, олар өз лауазымдық міндеттерін сәйкес әрекет етеді.

Әлеуметтік педагог балаларға қатегездік таныту жағдайлары туралы ақпарат алмасу және оларға көмек көрсету бойынша өзара әрекеттесу механизмін білуі тиіс. Дағдарыс орталықтарының телефондарын, «Сенім телефонын» және ведомствоаралық топтың байланыс телефондарын білуі тиіс. Қажет болған жағдайда жәбірленуші баланы уақытша баспана, әлеуметтік оңалту орталығына, әлеуметтік қонақүйге немесе стационарға орналастыруды ұйымдастыру қажет.

Отбасы- тұрмыстық қатынастар саласында балаларға экономикалық зорлық – зомбылық жағдайларын анықтауда әлеуметтік педагогтың жұмыс алгоритмі:

-мектептің әлеуметтік төлқұжатын жасауда сыныптардың әлеуметтік – педагогикалық сипаттамаларына баса назар аудару және сынып жетекшімен тығыз байланыс жасай отырып, әрбір оқушыны зерттеу;

- оқушы мен отбасы туралы ақпаратты дер кезінде алып отыру үшін сынып жетекшімен үнемі байланыста болу;

- «тәуекел тобына» жататын оқушылардың отбасыларына жеке карточка құрастыру;

- «тұрмыстағы қатегездік және зорлық - зомбылық» тақырыбына ақпараттандыру және ағартушылық жұмыс жүргізу мақсатында ата –аналармен түрлі жұмыстар жүргізу(ата –аналар жиналысы, консультациялар,дәріс оқу);

-отбасылармен жұмыс істеу барысында балалар тәрбиесіндегі экономикалық зорлық – зомбылықтың қандай да бір белгісін сипаттайтын «дабыл белгілеріне» назар аудару;

Әлеуметтік педагог қызметінің маңыздылығы – бала мен отбасындағы әлеуметтік проблемалардың шешімін тауып, үйлестіру. Проблемалық қауіпті өмір жағдайындағы балаларды дер кезінде анықтауы,баланың әлеуметтік тұрақтануы үшін кедергі, қиындықтарды жеңу және оған қолайлы жағдай жасауы өз жұмысын дұрыс ұйымдастыруда нәтиже береді.

Қорыта келе айтатыным, «Ағаштан ағаш рең алады, адамнан адам тәлім алады» демекші әрбір ата –ана өз баласының тәрбиелі рухани азығы мол азамат болып өсуін тілейді. Қазіргі заманымыздың басты мақсаттарының бірі – ертеңгі біздердің болашағымыз, бүгінгі үйіміздің қуанышы - бала тағдыры. Олай болса,ата –аналар,педагогтар болып бірлесе отырып, баланың жеке тұлға болып қалыптасуына әрқашан көңіл бөлейік.

Әлеуметтік педагог отбасымен жұмыс істеу барысында «жеке тұлға – отбасы - қоғам» жүйесіндегі өзара қарым –қатынасты реттеп отырады. Осы қағидалар отбасы мен балаларға көмек көрсетуді қамтамасыз етеді. Әр баланың әлеуметтік тұрмыстық жағдайын терең зерттеу олардың келешегін қорғап, қамқорлыққа алуға септігін тигізеді. Мектептерде көпбалалы отбасылар, аз қамтылған отбасылар және толық емес отбасылар экономикалық жағынан сәтсіз келеді. Ең қиыны: жанұядағы ата – ананың біреуі жұмыссыз, еңбекке жарамсыз,төмен айлық табыс,бірі созылмалы ауруға шалдыққан. Көп жағдайда бұл отбасылардың материалдық тұрмыстық жағдайы өте төмен болып келеді.Бұдан келіп отбасында әлеуметтік – психологиялық сәтсіздіктер етек алады. Оның белгілері:

ата - ананың біреуінің ішімдікке салынуы;

тазалық мәдениеттілігінің төмендігі;

отбасында еңсені басатын ауыр ахуал,

отбасы мүшелері арасындағы түсінбеушілік, дау – жанжал т.б.

Отбасындағы келеңсіз жағдайлар баланың мінез – құлқына, өмірге деген көзқарасына тікелей әсер етеді.Ата – ана тарапынан балаға әлеуметтік – психологиялық қысым көрсетіледі.Осыдан келіп отбасында экономикалық зорлық – зомбылық етек ала бастайды.