Экстремизмнің алдын алу және исламды дұрыс түсіну 10 сынып

«Экстремизмнің алдын-алу және дұрыс Ислам түсініктері» тақырыбында ауыл имамымен өткізілетін кездесу сабағының сценарийі

Өткізілетін күні:

Өткізілетін орны: 35 кабинет

Қатысушы сыныптар: 10а, ә сыныптары

Тақырыбы: Экстремизмнің алдын-алу және дұрыс Ислам түсініктері

Мақсаты:

Діни экстремизмнің алдын алу бойынша жастардың діни сауаттылықтарын ашу;

Терроризм мен діни экстремизмнің алдын алу және онымен күресудің жолдары, елімізге келтіретін зардаптарын жан — жақты талдап, жастарға ой салу;

Қатер төндіретін жат діни ағымдардан сақ болуға, жастарды діни сауаттылыққа, имандылыққа тәрбиелеу;

Сабақтың түрі: дөңгелек үстел, ауыл имамымен кездесу

Сабақтың әдістері: талдау, жинақтау, пікіралмасу, тренинг, сұрақ- жауап.

Көрнекілігі: слайдтар, бейнекөрініс

Сабақтың барысы:

Ой қозғау. Бейнекөрініс көрсетіледі. Оқушыларға бейнекөрініс туралы өз ойларын айту ұсынылады.

Мұғалімнің кіріспе сөзі:

Дін- адам баласының Жаратушыға, айнала қоршаған ортаға деген наным - сенімі. Дін-адамдар арасындағы бірлік пен ынтымақтастыққа ерекше мән береді. Имандылыққа жетелейді. Әлемдік беделге ие болған діндер қатарына будда, христиан, ислам(мұсылман) діндері жатады. Ислам араб сөзі, аллаға мойынұсыну деген мағынаны білдіреді, Ислам діні VІ ғасырдан Арабия түбегінен тарай бастады, Ислам дінін әлемде 1, 3 млрд адам ұстанады, және де мемлекеттік дін деп жариялаған мемлекеттер де бар,

ҚР-ның Ата Заңы- Конституциясының 1- бабында Қазақстан зайырлы мемлекет» деп жазылған. Қазақстанда ешқандай дін мемлекеттік емес, қай дінге кіру, кірмеу - азаматтың өз еркі делінген.

Қазақстан Президенті Н.Ә.Назарбаевтың бастамасымен Астанада 2003 жылы және 2006, 2009 2012,2015 жылдары әлемдік және дәстүрлі діндер лидерлерінің съезі болып өтеді. Бұл форумдар елдің сыртқы саяси бағдарының дұрыстығын көрсетіп қана қоймай, конфессияаралық ынтымақтастықтың бірегей қазақстандық үлгісінің тиімділігінің куәсі болып табылуда. Ал енді бүгінгі сабағымыздың негізгі тақырыбына көшейік:

1сұрақ Экстремизм деген не? Экстремизмнің негізгі белгілерін қалай ажыратамыз?(Оқушылардың жауаптарын тыңдау.)3-4 слайд Жауаптарын толықтырып кету.

Тренинг Сырты жылтыр, көздің жауын алатын қорап таңдап алынады. Оның ішіне әдемі зат салынады. Оқушыларға көрсетіледі.Менің қолымдағы өте әдемі қорап. Оның ішінде әдемі зат салынған. Кім көргісі келсе, шығып қарауларыңа болады, — деп оқушыларды қызықтырады. Қызығушылығы жоғары оқушылар тақтаға шығып, қорапта не…