Салауатты өмір салты 10-сыныпқа арналған сабақ материалы

«Өзін-өзі тану» сабағының жоспары

Мектеп: Т.Шанов атындағы ЖОББМ Сынып: 10

Сабақтың тақырыбы:Салауатты-өмір салты

Құндылық: дұрыс әрекет

Қасиеттер: табандылық, жауапкершілік, шыдамдылық.

Мерзімі: 22.11.2018ж

Мұғалім: Тулешова А.А.

Сабақ мақсаты: Оқушыларды адам өміріндегі салауатты өмір салтын ұстанудың маңызын түсіндіре отырып, дұрыс әрекет құндылығының мәнін ашу.

Міндеттері:

Салауатты өмір салтының мәнін түсіндіру.

Зиянды заттарды қолданудың алдын алу.

Салауатты өмір салтын ұстануға тәрбиелеу.

Ресурстар:(құралдар, мәлiметтер)

Мұғалімдерге арналған әдістемелік құрал, оқулық, ғаламтор желісі.

Сабақ барысы:

Ұйымдастыру кезеңi. Сәлемдесу

5Т ережесін сақтау

«Сиқырлы қорап»

Қораптың ішіне айна салынады. Оқушылар мына қораптың ішінде адамның суреті жасырылған. Шеңберден сәл артқа шегініп, қорапты ашып басқа оқушыларға осы адамның екі жақсы қасиеттерін қоса отырып сипаттаймыз, басқа оқушылар суретті көріп қалмауы тиіс. Барлық оқушы айтып болғаннан кейін суреттен кімді көргендері туралы айтылады.

Табиғаттағы ең маңызды нәрсе ағаш, енді сол ағаштың несі болар едіңіз тамыры ма, жапырығы ма? Әркім өз қалауы бойынша тамыр, жапырақ болып топтасамыз

Үй тапсырмасын тексеру.

11-сабақ. В.Ягодинскийдің «Салауатты өмір салты » атты үзіндіні оқу.

Мәтінмен жұмыс. «Маңыздылық аймағы»әдісі

Оқушылар мәтінмен танысып болған соң, оның ішіндегі негізгі идеяларды бөліп алып, шеңбердің ішіне маңыздылық жағынан орналастырылуы керек.Маңыздылығы жоғары идея ортаңғы шеңбердің ішіне жазылады, шындыққа жанаспаса, маңыздылығы төмен болса, сыртқы шеңберлерге жазылады.

Ең маңызды ақпарат

Аса маңызды емес

Маңызды емес

Оқушылар топта талқылайды,талдайды.

Сабақ барысын талдау:

Дәйексөз.

Біздің бақытымыздың оннан тоғызы денсаулыққа байланысты

А.Шопенгауер

Нақыл сөздің мағынасын қалай түсінесіңдер?

2-рет ұлдарға, 2- рет қыздарға, 1-рет хормен айту. Дәптерге жазу.

Мұғалім сыйы.

Денсаулық дәрісі.

(аңыз әңгіме)

Бір патша ауырып жатқанда сарайындағы емші оған ем ретінде «Денсаулық» салатын жасап жеуді ұсынады. Ал, салат құрамы мынандай екен: «Тыңдай білудің тамырын , тіл табысудың жапырағын салыңыз, жан тазалығы мен сенім жемісін қосып,бәрін сабырлықтың ыдысында сақтап, күнде пайдаланыңыз»- деген екен.

1.Емшінің сөзінен кейін патша емді өмірінде қалай қолданады деп ойлайсыңдар?

Ал, балалар, қалай ойлайсыз, бұл салат пайдалы ма екен?