Ел басымен – ел бақытты ашық сабақ жоспары

Ел басымен – ел бақытты!

Мақсаты:

Балаларға елбасымыз Нұрсұлтан Әбішұлы Назарбаев туралы мәлімет беру, сан қырлы талант иесі, құдіретті тұлға екенін таныту.

Қазақстан Республикасының рәміздері, Нұрсұлтан қаласы жөнінде түсініктер беру және білімдерін бекіту.

Өлең-тақпақтар арқылы сөздік қорын дамыту, сұрақтарға толық жауап беруге үйрету.

Отанға деген сүйіспеншілік сезімін арттыру, мемлекеттік тілді, рәміздерді құрметтеуге , ел азаматы атағына лайықты елінің патриоты болуға тәрбиелеу.

Көрнекіліктер: слайд, карта.

(Балалар әуен ырғағымен музыка залына кіріп тұрады).

Бекарыс:

Елдің елдігі,

Ердің ерлігі – Әнұран.

Зере:

Сезім биігі,

Төзім нығы – Әнұран.

Екеуі бірге:

Әннің асылы,

Ұранның басымы – Әнұран!

Әнұран орындалады.

Тәрбиеші:

Балалар, бүгін ерекше күн. Бүгін біз «Тұңғыш Президент күнін» атап өтпекшіміз. Құрметті қонақтар, мектепалды даярлық «Балапан» тобының «Елбасымен ел бақытты» атты тақырыптық оқу қызметіне қош келіпсіздер!

Бекарыс:

Бар әлемге шын танылдық, міне, біз,

Елін сүйген Елбасы деп білеміз.

Тең аталып Қазақстан – Нұрсұлтан,

Нұрсұлтан мен Қазақстан тұр егіз.

Зере:

Күнге беттеп бара жатыр көш жүріп,

Елдің даңқы бар жаһанға естіліп.

Елбасыны құрметтейтін ерекше,

Армысыздар, ақ пейілді көпшілік!

Бекарыс:

Азаттық пен елге қонды тосқан бақ,

Қазақ елін мойындауда дос таңдап.

Елбасының еңбегімен нұрлана,

Қазағымның мерейі тұр аспандап.

Зере:

Елі үшін олжа салып қиырдан,

Ықпаған еш ауыртпалық қиыннан.

Мерекеңіз құтты болсын ағайын,

Елбасының құрметіне жиылған.

Ән: «Нұраға»

Тәрбиеші:

Балалар, біз қай мемлекетте тұрамыз?

Балалар:

Біз Қазақстан Республикасында тұрамыз.

Тәрбиеші:

Біздің президентіміз кім?

Балалар:

Қасым-жомарт Кемелұлы Тоқаев.

Тәрбиеші:

Ал тұңғыш президентіміз кім?

Балалар:

Нұрсұлтан Әбішұлы Назарбаев.

Тәрбиеші:

Дұрыс айтасыңдар! Әр елдің өз ел басқарушысы болады. «Президент» сөзін латын тілінен аударғанда «алдында отырған» деген ұғымды білдіреді екен.Біз Нұрсұлтан атамызбен бірге 28 жыл бойы егемен еліміздің туын көкте желбіретіп келдік.

(Балалардың назарын интерактивтік тақтаға аударып, елбасының өмірінен слайд көрсету).

Тәрбиеші:

Н.Ә.Назарбаев 1940жылы 6 шілдеде Алматы облысы Қаскелең ауданы Шамалған ауылы Үшқоңыр жайлауында дүниеге келген. Әкесі Әбіш пен анасы Әлжанның тәрбиесінде болған Нұрсұлтан атамыз мектепті өте жақсы оқып, жақсы білім алады. Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдалушылығына дейінгі жолдан өткен. Қалалық, облыстық және республикалық көлемде басшылық қызметтер атқарады. Ол Қазақстан Үкіметін басқарғанда 44 жаста болды. Осылайша оның саяси өмірі басталды. 1991жылы

1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайлады.

Ал енді елбасымыз туралы өлең-жырларға кезек берейік!

Аманисахан:

Шықты тарап ой-данадан,

Бері қарап жұлдыз беті.