Ел рәміздері ел рухы тәрбие сағаты балабақшаға

«Ел рәміздері-ел рухы» ашық тақырыптық сағат

Тәрбиеші: Тулепова Айгуль Акилбековна

ЖШС «Бопай» балабақшасы

Мақсаты:

І. Тәрбиеленушілердің Елтаңба, Ту, Әнұран туралы түсініктерін қалыптастыру және нығайту.

ІІ. Оқушының есте сақтауын дамыту, өз ойын дұрыс жеткізуге ынталандыру.

ІІІ. Оқушыларды Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

Сабақтың түрі: тақырыптық тәрбие сағаты

Көрнекілігі: Президент,Рәміздер суреттері,өлең жолдары,ұрандар жазылған қанатты сөздер ,буклеттер, карта, мақал - мәтелдер, Отан, жер туралы нақыл сөздер.

Тәрбиеші:Балалар бүгін қандай мереке деп ойлайсыңдар!Тақтадағы суреттерге қарап болжап көріңдерші.Дұрыс-ақ,бүгін 4-маусым Қазақстан Республикасының Мемлекеттік Рәміздері күні.Демек, бүгінгі сабағымыз Отанымыздың ұлттық мақтанышы – мемлекеттік рәміздерге арналады. Онда мемлекетіміздің рәміздері туралы білімдерімізді толықтырып, құрметтеуге үйренеміз. Кез келген мемлекеттің айшығы – мемлекеттік рәміздері екені белгілі. Бізде бүгінгі сабағымызды еліміздің Гимнімен бастайық. (Гимн орындалады)

Отан дегеніміз не?

- Туып өскен жеріміз, егеменді еліміз.

– Табиғатымыз, қазба байлықтарымыз, өзен - көліміз, ұлан байтақ жеріміз, Мемлекеттік тіліміз және басшымыз.

-Сендер қай мемлекетте тұрасыңдар? (Қазақстан)

Елін, жерін сүю мен Отанға деген адалдықтың бір белгісі – мемлекеттік рәміздерімізді қадір тұту болып табылады. Олай болса, рәміз дегеніміз нелер екенін қарап танысайық!

Рәміз – белгілі бір ойды білдіретін белгі, бейне. Адамға ой - пікір туғызады. Рәміздік белгілер бұрыңғы уақыттан бері дами келе мемлекеттік рәміздерге (ту, елтаңба, гимн) айналды.

Мансұр: Ту – тұтастық пен бірліктің, ынтымақтың құдіретті белгісі.

Айсұлу: Елтаңба – мемлекеттік мөрлерде (облыс, қала, мекеме), алтын, күміс ақшаларда бейнеленген ажырату белгілері.

Инабат: Гимн – өлеңге жазылған салтанатты ән.

Алтынай: Рәміздерді құрметтейік!

Тәрбиеші: Балалар тақтаға назар аударыңдаршы. Бұл қай елдің картасы?(Қазақстан). Еліміздің тұңғыш президенті кім?(Н.Назарбаев).Қазіргі Президентімізді білесіңдерме? Дұрыс-ақ! Қасым-Жомарт Кемелұлы Тоқаев (суретін көрсету).Қазақстан Республикасы Президентінің 1998 жылғы 4 маусымдағы №3827 Жарлығына толықтырулар енгізіліп, 4 маусым – Мемлекеттік рәміздер күні ретінде аталып өтетін болды.

1992 жылы 6 маусым күні тәуелсіз еліміздің тұңғыш мемлекеттік рәміздерінің тұсаукесер салтанаты өтіп, сол күні Президент сарайы мен Парламент Үйінің төбесіне Ту көтерілді, Елтаңба орнықты. 6 ай өткен соң 1992 жылы 11 желтоқсанда Мемлекеттік Гимннің мәтіні бекітілді. Ол 2006 жылы қайта өзгеріп, желтоқсан айында жаңа Гимн қабылданды.

Сендер балалар!Тәуелсіз қазақ елінің ең жас бүлдіршіндерісіңдер. Сондықтан өз жерімізді, өз елімізді әкелер мен аталарымыз сияқты қадірлеуге, сүюге, қорғауға тиіс екенімізді…