Елбасы – ел бағы тәрбие сағатының жоспары, 1-сынып

Тәрбие сағаты

Тақырыбы: Елбасы – ел бағы. Мақсаты: 1. Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру; 2. Елбасының өмір жолынан үлгі ала отырып Отанын, халқын сүюге, ержүректілікке азаматтыққа, патриоттық сезімге тәрбиелеу; 3. Шәкірт жүрегінде елбасына деген сүйіспеншілік сезімін ояту, құрметтеу

Көрнекілігі:слайдтар көрсету, үнтаспа, шарлар, суреттер, буклет « Нұрсұлтан Назарбаев-тұңғыш президент»1 желтоқсан-Президент күніне орай өткізілген тәрбие сағаты. Қанатты сөздер: «Біздің Президентіміз –Нұрсұлтан Әбішұлы Назарбаев» «Мемлекет басқару ісі – машақатты да, мәртебелі міндет.» «Басшы басқарған ел – ең бай мемлекет, халқы ең бақытты халық».

- Балалар сендерге 1-қыркүйек Білім күнінде кім сыйлық тарту етті. Кімнің есінде? -Иә, ол сендерге деген Президентіміздің тартуы болған. Сол кітаппен танысып шықтыңдар ма? Тәуелсіздігімізді алғаннан соң халықтың басын біріктіріп Н.Ә.Назарбаев тұңғыш елбасы болды. Елбасының бастауымен біздің Отанымыз әлемге танылды. Елім елдігін көрсетті, ерлігін тантты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді Әр мемлекеттің мемлекет екендігін айқындап тұратын рәміздері болады екен. Олар Ту, Елтаңба, Әнұран, Мемлекеттік тіл. Олай болса, біз бүгін осындай атаулы 4 топқа бөлініп, тәрбие сағатымызды бастайтын боламыз. -Қазір осы 4 топқа 4 сөз беремін. Адасқан әріптерді орнына қойып дұрыс сөз құрап шығайық. Қазақстан, Тәуелсіздік, Астана, Нұрсұлтан. Әр топқа өз құрастырған сөздері бойынша поэзия минутын тыңдап көрелік

Қазақстан

Отан дейміз от жаққан жерімізді, Отан дейміз өсірген елімізді.

Отан дейміз туған жер, атамекен, Биік тау, орман, тоғай, көлімізді.

Қасиетті Қазақстаным мекенім Ақиқаттың алтын бесігі екенсің Елім, жерім, Отаным, бақ-дәулетім Болашағым, өнер-білім,өркенім

Қазақстаным, қастерлі мәңгі дастаным Парақтап сені киеңді түсіне бастадым Сен менің арым, бағым,барымсың Халқыма әр күн бейбіт болсын аспаның.

Туған жердің жайқалған алқабы егін Биік сенің мәртебең, дарқан елім Пейіліндей қазақтың байтақ далам Сен не деген кең едің, шалқар едің

Әсем сазы басталған таза ағыстан, Айдынынан аққулар, қаздар ұшқан. Қадамы нық әлемде, аты айқын, Егеменді ел бүгін Қазақстан.

Тәуелсіздік

Қазақ бүгін тәуелсіз ел, біл мұны, Ақиқатқа айналғандай шындығы Әобір түні ақ тілеумен жабылып, Атар таңға айқара ашық түңдігі

Өзіңдікі елің де, Өзіңдікі жерің де. Өзіңді өзің еткен бақ - Тәуелсіздік төрінде.

Байтақ дала жерім менің Арта берсін даңқың сенің Көк байрағың желбіресін Егеменді елім менің

Қазақстан- қасиетті гүл бағым, Бақытыңды, шаттығыңды жырладым Тәуелсіздік таңы болсын баянды. Саған ғана кеудемдегі нұр жалын.

Қазақстан! Туды алтын дәуірің, Алғандайсың жұлдыздардың жарығын. Ұзақ болсын гүлденген бұл ғұмырың, Тәуелсіздік құтты болсын айбыным!

Астана Астанам ару қала, аппақ қала Көрінген көк жиектен асқақ дара Кемедей Нұх Пайғамбар үміт артқан, Жаңарды жақұттайын ұлттық сана.

Астанам-мәңгі жарық аспанымсың, Астанам- бағы биік асқарымсың Астанам-пейіш қала, ел арманы, Астанам қайда-жүрсем мақтанышым!

Ел ордам менің Астанам Осында жаңа баспанам Сәулетті зәулім үйлер көп, Көрікті сондай жас қалам

Кең байтақ қой Қазақстан, Астана мен картасы, айшықталған ортасы. Бүгін бізге таңдай қағар күллі әлем, Бұның бәрі Елбасының арқасы.

Болашақққа бастаған Шарықтайды асқақ ән Елордасы Отанның- Мақтанышым – Астанам

Елбасы Елбасымыз саған мәңгі разымыз, Үлкен-кіші, ағайындар – бәріміз. «Ұлтым, елім» деп қайғырған ұлы жан, Сіз біздердің піріміз де, әніміз.

Бар әлемге шын танылдық міне біз, Елін сүйген Елбасы деп білеміз. Тең аталып Қазақстан –Нұрсұлтан Нұрсұлтан мен Қазақстан тұр егіз.

Күнге беттеп бара жатыр көш жүріп,

Елдің даңқы бар жаһанға естіліп. Елбасыны құрметтейтін ерекше Армысыздар, ақ пейілді көпшілік!

Азаттық пен елге қонды тосқан бақ, Қазақ елін мойындауда дос таңдап. Елбасының еңбегімен нұрлана Қазағымның мерейі тұр аспандап.

Ел басқарған Нұрсұлтандай ағам бар, Көк алқапты жасыл жайлау далам бар Ел бірлігін, ел тірлігін тілеген, Ақ ниетті халық деген данам бар.

1 ана: Нұрсұлтан Әбішұлы Назарбаев 6-шілде 1940 жылы Алматы облысы Қаскелең ауданындағы Шамалған ауылында туған.Балалық шағы кейде айта беретініміздей таршылық жағдайда өтті. Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды.Өзі еске алғандай, өсірген аз-маз өнімдерін сатып, үй-ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған.Мектепті жақсы оқып, жақсы білім алды.Ата-анасын қатты құрмет тұтты. Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды.Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург – жұмысшы мамандығын меңгерді.Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

2 ана: Сол жылдары оның басшылық қасиеттері жарқырап көрінді.Қалалық, облыстық және республикалық көлемде басшы органдарда жауапты қызметтер атқарды.Металлургиялық комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды.Ол Қазақстан Үкіметін басқарғанда 44 жаста болды.Осылайша оның саяси өмірбаяны басталады.1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.