Біздің Елбасы 1-сынып тәрбие сағатының жоспары

Күні:30.11.2018ж

Сыныбы:1-А

Тақырыбы: Біздің ЕлбасыМақсаты: 1 желтоқсан – Тұңғыш Президент күні мерекесінің мәнін ашу; Нұрсұлтан Әбішұлы Назарбаевтың өмір жолы, туып - өскен, оқып білім алған, қызмет еткен жерлері туралы мағлұмат беру; Елбасындай Отанын, халқын сүюге, нағыз азамат, шынайы патриот болуға тәрбиелеу; Оқушылардың бойында Елбасына деген сүйіспеншілік, құрмет сезімін қалыптастыру. Көрнекілігі: Елбасының және оның жанұясының фотосуреттері. Барысы: Мұғалім:- Құрметті оқушылар! Барша Қазақстан халқы 1-желтоқсанда Тұңғыш Президент күні мерекесін тойлайды. Сөйтіп біз де өз сыныбымызда «Елін сүйген, елі сүйген-Елбасы» тақырыбында тәрбие сағатын өткізіп отырмыз.

(Қазақстан Республикасының Әнұраны орындалады)

Біздің Президентіміз – Нұрсұлтан Әбішұлы Назарбаев Мемлекет басқару ісі – машақатты да, мәртебелі міндет. Басшы басқарған ел – ең бай мемлекет, халқы ең бақытты халық.

Тәуелсіздігімізді алғаннан соң халықтың басын біріктіріп Н.Ә.Назарбаев тұңғыш елбасы болды. Елбасының бастауымен менің Отаным әлемге танылды. Елім елдігін көрсетті, ерлігін тантты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді

Қ.Аманжолов:

Қазақстан дейтін менің бар елім .

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған,

Бұл далада жылап келіп, уанған

Бұл даланы көріп алғаш қуанған

Бұл далада өскен жанда жоқ арман!

Хор;”Қазақстаным-Отаным менің”

Жанерке: Мейрамыңыз құтты болсын, Нұр-аға! Елін сүйген дара басшы,көсемі, Сіз бар кезде елім мәңгі өседі. Елім-тыныш, жұртым-аман,дала-шат, Бар халықтың аңсағаны-осы еді. Инабат: Елін сүйген дара басшы, панасы, Нұрланып тұр қазағымның даласы Татулықпен тыныштықтың төрінде, Қуанады әрбір қазақ баласы.

Батырлар биі.1-А сынып ұлдарыМұғалім:- Балалар, неліктен Тұңғыш Президент күні мерекесі 1 желтоқсанда аталып отыр? Өйткені 1991 жылы 1 желтоқсанда Республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

Жаннұр:Талай жылдар аңсаған

Еркіндікті әперді

“Туған елді,жерді сүй”-

Деп аманат етеді.

Бар баланың атасы

Жұмысы оның-Елбасы

Қазақстан еліндегі,

Бар баланың атасы

Мирас:Елбасы жолдайды

Халқы оны қолдайды

Ешқашан да орынсыз

Шешімдері болмайды

Ән:Туған жер. (Айару Ұлжан)

Мұғалім:Нұрсұлтан Әбішұлы Назарбаев 6-шілде 1940 жылы Алматы облысы Қаскелең ауданындағы Шамалған ауылында туған.Балалық шағы кейде айта беретініміздей таршылық жағдайда өтті. Мектепті жақсы оқып, жақсы білім алды.Ата-анасын қатты құрмет тұтты.

Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды.Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург –жұмысшы мамандығын меңгерді.Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

Сол жылдары оның басшылық қасиеттері жарқырап көрінді.Қалалық, облыстық және республикалық көлемде басшы органдарда жауапты қызметтер атқарды.Металлургиялық комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды.

Ол Қазақстан Үкіметін басқарғанда 44 жаста болды.Осылайша оның саяси өмірбаяны басталады.

1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

Надира:Елбасы елді қорғайды

Халық қамын ойлайды

Осындай жақсы адамның

Жақсылығы тарайды

Еркебұлан:Тәуелсіздікті елге сыйлады,

Бейбітшілікті қалады.

Орындалып арманы,

Халқымыз да ажарлы

Осының бәрі әрине,

Елбасының арқасы

Айару:Серпігенде бодандықтың тұманын

Жетті әлемге ұраным мен жыр-әнім.

Өзің болдың көсбасшысы елімнің,

Өзің болдың биік ұшқан қыраным.

Хор:Рахмет саған,Отаным!

Мұғалім:- Ал Нұрсұлтан Әбішұлы Назарбаевтың өмірі мен қызметі туралы не білеміз? «Балалық шағы»

Нұрсұлтан Назарбаев 1940 жылы 6 шілдеде Алматы облысының Қарасай ауданына қарасты Шамалған ауылында Әбіш пен Әлжанның отбасысында дүниеге келген. 1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында дүниеге келді. Оған әке-шешесі Нұрсұлтан деп ат қойды.Сәбиге ат таңдаудың өзі жатқан бір хикаяға айналды. Тойға жиналған ағайын-туыс түрлі есімдерді тұс-тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын».Әлемдегі барлық әжелер секілді Мырзабала да немересінің азамат болып қалыптасуына ерекше еңбек сіңірді.