Елбасы сенімі ел сенімі тақырыбындағы қазақ тілі эссесі

Елбасы сенімі – ел сенімі

Жер бетінің елінің тәуелсіздігін, халқының бостандығын ойламайтын жұрт жоқ шығар. Мен үшін, менің қасиетті елім үшін бұл Тәуелсіздік – басқа қонған бақ. Бақты бағалай білетін әр халықтың тақ иесі де болуы тіс емес пе?

Ұлы тәуелсіздігімнің алғашқы жемісі – халқымыздың өз таңдауымен маңдайын жаққан жарық жұлдызы қылып таңдап алған көшбасшымыз. Нұрсұлтан Әбішұлы Назарбаев – мен үшін, дара тұлға, дана тұлға. Алла тағала Нұрсұлтан Әбішұлын халқымның қамын ойлайтын, найзаның ұшы, білектің күшімен еркіндігін асқақтататын дара тұлға ретінде сый етті. Нұрсұлтан ағам- елдің тізгіні мен шылбырын қатар ұстаған күннен бастап талай қиындықтарды артқа тастап, «қазақ» деген халықтың ұлы көшін бастап, ұлттың ұлылығын сақтап, дарыны мен даналығының арқасында күллі әлемге ҚАЗАҚ деген дана халқымды танытқан тұңғыш Президент. Үш ғасырға жуық уақыт бойы отаршылдықтың тауқыметін тартып, этнос ретінде шалажансар халге түскен Қазақ халқын ел етіп, ең көп тілді, көп конфессиялы Қазақ Елімнің еңсесін көтеріп, тәуелсіздік жолымен алып жүру міндеті осы ағамның маңдайына жазылыпты.

Президентіміз қандай істі бастаса да «жеті өлшеп, бір кесетін» салиқалы ойы мен жүрегінде батыл шешімі бар, тереңнен ойлап, тебіренетін Ұлт басшысы.

Аспанда не көп? Жұлдыз көп... Сол жұлдыздарға Елбасымның бойына дарыған қасиеттерін айтар едім.. Сол қасиеттерінің арқасында барша әлемге Қазағымды танытты емес пе? Өзің емес, ең әуелі ұлтын, жерін, Отанын ойлаған асыл ағам. Өз сөзінде Елбасы «Елі сұраққа жетпей тұрып, ері мұратқа жетуші ме еді? Сондықтан елдіктің қамын ең алдымен ойламай болмайды» деген еді. Осы сөзінен –ақ ағамның нағыз патриот екенін аңғарамын. Ел ағамның қолдауын әрбір ісінен, сөйлеген сөзінен, туған халқына жолдаған жолдауынан сезінемін. Әрине, мемлекетті басқару- өте ауыр жол, мәртебелі міндет екені әркімге – ақ аян. Алайды Ел ағам осы істерді атқаруда күш-жігерін аяған емес. Тәуелсіз елімде осы кісінің бастамасымен болып жатқан дүниежүзілік – тарихи маңызы бар істер -осының айғағы. Елімнің дамып, жұртымның шалқып өмір сүруіне Нұр ағамның жасап жатқан істері айта берсем, сөз жетпес...Туған елінің тыныштығын, адамзаттың қауіпсіздігін ту еткен Нұр ағам басқа мемлекеттермен түрлі келіссөздер жүргізуде.

Мен өзім қасиетті Семей елінің тумасы боғандықтан, мені қатты қуантатыны – қырық жылдан астам бойы адамзат баласына от бүркіп, апат қаупін төндіріп келген Семей…