Электр заряды тақырыбына арналған сабақ жоспары

Сабақтың тақырыбы: Электр заряды. Электр зарядының сақталу заңы .Кулон заңы .

Сабақтың мақсаты: 1 Электр заряды. Электр зарядының сақталу заңы .Кулон заңы туралы түсінік қалыптастыру 2. Проблемалық сұраққа жауап іздеу,талдау арқылы оқушылардың ойлау,талдау дағдысын қалыптастыру;

3. Оқушылардың зейінін, жауапкершілік сезімін, топтастырының пікіріне шыдамдылық танытуын және физика пәнін қызығушылықпен оқуға тәрбиелеу.

Сабақтың түрі: Жаңа тақырыпты меңгеру

Сабақтың әдіс-тәсілі: проблемалық, ақпараттық, түсіндіру әдісі

Көрнекілік: белсенді тақта, тірек –сызбалар, плакат, бейнефильм.

Сабақтың барысы: 1. Ұйымдастыру кезеңі: амандасу, түгелдеу, даярлығын тексеру.

2. Жаңа тақырыпты түсіндіру.

Бейнематериалдағы көріністі сипаттау.

Электр заряды туралы.

Оң , теріс және нейтрал, яғни бейтарап бөлшектер, денелер.

Зарядтың сақталу заңы.

Зарядтардың бір-бірімен әрекеттесуі.

Кулон заңы.

Тірек-сызбалар көмегімен оқушылардың жауаптарын толықтыру.

Электр заряды белгілі бір элементар бөлшектердің бөлінбейтін табиғи қасиеті болып табылады

Элементар бөлшектердің қатарына мысалы электрон (теріс зарядты) протон (оң зарядты) және нейтрон (бейтарап яғни заряды нөлге тең) жатады. Осы бөлшектерден заттың атомдары құралатындықтан электр зарядтары барлық денелердің құрамына болатыны белгілі.

Әдетте әр таңбалы зарядтарды тасушы бөлшектер денеде бірдей мөлшерде болады да біріыңғай тығыздықпен орналасады. Сондықтан бұл жағдайда дененің кез-келген элементар көлеміндегі зарядтардың алгебралық қосындысы нөлге тең болады да дене тұтас алғанда нейтралды болады.

Тұйық жүйедегі электр зарядтарының алгебралық қосындысы тұрақты болады.

Денедегі электр зарядының бар-жоғын олардың өзара әсерлесуінен байқауға болады.Мысалы,аттас зарядты денелер бір-бірін тебеді,ал әр аттас зарядты денелер бірін –бірі тартады.

Кулон заңы:

Нүктелік екі зарядтың өзара әсер күші әрбір зарядтардың шамаларына тура пропорцинал және олардың ара қашықтығының квадратына кері пропорцинал болады да ,осы зарядтардың аралығын қосатын түзу сызықтың бойымен бағытталады.

3.Қорытындылау кезеңі

4. Үйге тапсырма : тірек -сызба бойынша теориялық түсінікке дайындық;

Оқытушы: Сатымбекова М.

Сабақтың тақырыбы: Электростатикалық өріс. Кернеулік. Электр өрісінде заряд орын ауыстырғанда атқаратын жұмысы.

Сабақтың мақсаты: 1Электростатикалық өріс. Кернеулік туралы ұғым қалыптастыру 2. Проблемалық сұраққа жауап іздеу,талдау арқылы оқушылардың ойлау,талдау дағдысын қалыптастыру;

3. Оқушылардың зейінін, жауапкершілік сезімін, топтастырының пікіріне шыдамдылық танытуын қалыптастыру

Сабақтың түрі: Жаңа тақырыпты меңгеру

Сабақтың әдіс-тәсілі: проблемалық, ақпараттық, түсіндіру әдісі

Көрнекілік: белсенді тақта, тірек –сызбалар, плакат, бейнефильм.

Сабақтың барысы: 1. Ұйымдастыру кезеңі: амандасу, түгелдеу, даярлығын тексеру.