Электронды портфолио жасауға арналған үздік жоба

Сабақтың тақырыбы: Шәкәрім Құдайбердіұлы «Еңлік - Кебек» дастаны

Оқу мақсаты: Т/Ж1. Әдеби шығарманың жанрына байланысты сюжеттік желілерін, эпилог, прологтарды анықтау.

Сабақ мақсаты:

Оқушылар:Шығарманың жанрлық ерекшелігі мен сюжеттік желісін анықтайды.

Миға шабуыл : «Меморандум» әдісі

Сынып оқушылары шеңбер жасап тұрады.

Әрбір екінші тұрған оқушы «2 – 4 – 6 – 8» сандарын айтып бір қадам алға шығады, барлығы айтып болғаннан кейін ішкі және сыртқы шеңбер жасап топқа бірігеді.

Бір топта 4 оқушы болуы керек.

Әр топқа «Еңлік- Кебек» дастанының нұсқасы жазылған үлестірме қағаздар таратылады.

Интерактивті тақтадан қазақ халқының басынан өткерген «1723-1725 жылдар Ақтабан шұбырынды, Алқакөл сұлама» тарихи қасіретті кезең туралы бейнежазба мен ( Youtube 20.10.14 Халық әні Елім - ай Kazakh folks) пен «Шәкәрім Құдайбердіұлының «Еңлік Кебек» поэмасының көркемдік ерекшелігі» тақырыбындағы мақала нұсқасы көрсетіледі.

Топ мүшелері көргендері мен оқығандары жайлы пікір алмасады.

Талдау аяқталған соң мұғалім сабақтың тақырыбы мен мақсатын сынып оқушыларымен бірлесе отырып анықтайды.

Сабақ барысында тапсырмалар бойынша мақсатты нәтижеге жету үшін бағалау критерийін жасайды.

Бағалау критерийі:

Бағалау критерийі

Ш ығармадағы құндылықтарды заманауи тұрғыда салыстырып, жаңашылдығына баға береді.

Дескиптор:

1.Құндылықтарды заманауи тұрғыда салыстырады.

2.Материалдық құндылықтарды табады.

3.Рухани құндылықтарды табады.

4..Бүгінгі таңдағы өзектілігін,жаңашылдығын бағалайды.

1 - тапсырма: «Дойбы» тәсілі

Әр үстелге дойбы тақтасы қойылады.

Оқушылар үш-үштен екі топқа бөлінеді.

Оқушылар дойбы тастарын қозғалту арқылы дастанға сатылай кешенді талдау жасайды.

Бір оқушы сұрақты айтып дойбы тасын қозғалтады, екінші оқушы тасты жауап бере отырып жылжытады.

Бір оқушы жүріс кезінде жауаптан тосылып қалса, екінші оқушы екі жүріс жасай алады .

Үшінші оқушы олардың жауаптарын бағалау парағы бойынша тексеріп отырады.

Сатылай кешенді талдау

1.Авторы:

2.Тақырыбы :

3.Жанр түрі :

4. Идеясы:

5.Шумақ:

6.Тармақ :

7.Бунақ :

8.Буын саны :

9.Ұйқас түрі :

2-тапсырма :«Құптау белгісі»тәсілі

Оқушылар әңгіме алдындағы сөзді ( пролог):

Өткен адам болады көзден таса, Өлді-өшті, оны ешкім ойламаса. Ол кетсе де белгісі жоғалмайды, Керектісін ескеріп, ұмытпаса...- ары қарай жалғастырып, өз көзқарасымен толықтырып айтады .

Оқушылар ой жалғасын тапқаннан кейін «Құптау белгісі» тәсілі бойынша жырдың мазмұнын, идеясы мен тақырыбын жұппен анықтайды.

Оқушылар ойларын дастан мазмұнына сай ретпен бір сөйлем арқылы жеткізеді.

Т оппен жырдың тақырыбын, идеясын анықтап, қорытынды ойын постерге түсіріп жазады.