Елім деп соғар жүрегім ашық тәрбие сағаты 2 сынып

Тақырыбы: " Тапқыр достар" сайысы Мақсаты : Елімізде өскелең ұрпақтың Отанға деген патриоттық сезімдерін ояту және одан әрі арттыру, Отансүйгіштікке, елжандылыққа тәрбиелеу Сабақтың түрі: сайыс сабағы. Көрнекілігі : интерактивтік тақта, презентация, ән караоке Тәрбие сағатының барысы: Мұғалімнің алғашқы сөзі: Сәлеметсіздер ме, құрметті ұстаздар, оқушылар!

Қасиетті Қазақстан мекенім,

Ақиқаттың алтын бесігі екенсің.

Елім, жерім, Отаным – бақ - дәулетім,

Болашағым, өнер - білім, өркенім-демекші «Елім деп соғар жүрегім!» атты ашық тәрбие сабағымызды бастаймыз.

Бүгінгі 2 және 10 сыныптар бірлескен «Достық» шаңырағының арасында өткізілгелі отырған «Тапқыр достар» ойынына қош келдіңіздер!

Психологиялық ахуал: Шеңберде өз жаңалығымен бөлісу және үш қол шапалақ. Бірнеше оқушы қатысады.

Топқа бөлу: «Тұлпар» мен «Бүркіт» эмлемаларын таңдау арқылы топқа бөлінеді.

Ойынымыз 3 кезеңнен тұрады:

I. Кім тапқыр ? (Сұрақтарға жауап беру «Иә немесе Жоқ»

II. Ойлан тап (ұяшықтардағы сұрақтарға жауап беру)

III. Сөзтапқыш (жасырын сөзді бейнелеп көрсету)

Қортынды. (Жеңімпаздарды анықтау)

I кезең- «Кім тапқыр?»

Сұрақтары: (Әр топқа 7 сұрақтан қойылады)

Екі топқа да қойылатын сұрақтар:

1. Нұрсұлтан Әбішұлы Назарбаев туды? (6 - шілде 1941 жылы) Жоқ (1940ж) 2.Жұбайы Сара Алпысқызы Халықаралық «Бөбек» қорын басқарады? (Иә) 3. ҚР-да Президент сайлауы 1991 жылы 1 желтоқсанда басталды? (Иә) (өйткені ең алғашқы бүкілхалықтық сайлауда 98, 7% дауыспен Н. Ә. Назарбаев сайланды.)

4. Нұрсұлтан Әбішұлы Назарбаев Қарағанды облысында туды? (Жоқ) (Алматы облысы Қаскелең ауданындағы Шамалған ауылында туған.) 5. Нұрсұлтанның анасының есімі Әлжан? (Иә) 6.Елбасымыздың екі баласы бар? (Жоқ) (үш қызы бар: Дариға, Динара, Әлия.) 7. ҚР-ның Тәуелсіздігіне 25 жыл болды? (жоқ) 8. Жеті атаның төртіншісі Баба? (Иә) (Әке , Ата, Арғы ата, Баба , Тек ата ,Түп ата 9.Елтаңбаның авторы Жұмекен Нәжімеденов? (Жоқ) (Шотаман Уәлиханов пен Жандарбек Мәлібеков) 10. ҚР-ның туының авторы Шәкен Ниязбеков? (Иә)

Әр топтың ұпай сандары саналады. Әрбір дұрыс жауапқа 1 ұпай беріледі.

Әр топ басшысы номер таңдап алады. Қай топқа 1 номер түссе, сол топ бірінші болып қойылатын сұрақтарға жауап береді. II кезең – «Ойлан тап».

Ойыншылар ұяшықтарды таңдап, сол ұяшықтардағы сұрақтарға жауап береді.

Бірінші бағандағы 10 саны- Берілген мақалды жалғастыр. (Ел қадірін көрген біледі,........ (Жер қадірін жүрген біледі.)

Бірінші бағандағы 20 саны – Қазақстан қай мемлекеттермен шекаралас? (Сол, Бат-да:Ресей, Оңт: Түрікменстан, Өзбекстан, Қырғыстан, шығыс:Қытай

Бірінші бағандағы 30 саны- 1986ж. көтерілістің себебі?

(1986 жылы 16 желтоқсанда Д. Қонаевтың зейнеткерлікке шығуына байланысты Республика компартиясы Орталық Комитетінің бірінші хатшысы міндетінен босатылды. Оның орнына Ресейден келген Г. В. Колбин сайланды.)

Екінші бағандағы 10 саны –10 ұпай сыйға беріледі.

Екінші бағандағы 20 саны - ҚР-ның гимнінің авторлары (Сөзін жазғандар: Жұмекен Нәжімеденов, Нұрсұлтан Назарбаев. Музыкасын жазған Шәмші Қалдаяқов. )

Екінші бағандағы 30 саны - Астана қай жылы бас қаламыз атанды? (1998 жылы 10 маусымда)