Тәуелсіз деп соғады жүрегім тәрбие сағаты, 2-сынып

Тақырыбы: Желтоқсан жаңғырығы-Тәуелсіздік

Сабақтың мақсаты: Оқушыларға 1986 жылғы көтерілісті,жастардың көтеріліске шығу себептерін, олардың алдына қойған мақсаты жайлы түсінік беру.

Сабақтың тәрбиелігі: Елін,жерін сүюге тәрбиелеу.

Сабақтың көрнекілігі: Суреттер,қанатты сөздер,шарлар.

Тәрбие сағатының барысы:

Мұғалім сөзі: Күндер өтті кешегі,

Жігер құм боп жасыған,

Несіне оны жасырам?

Әнұраным бүгінгі,

Баға жетпес асыл ән-деп бүгінгі 2-сыныбының «Желтоқсан жаңғырығы-Тәуелсіздік» атты тәрбие сағатын ҚР-ның гимнімен бастаймыз.Тәуелсіздік түп тамыры «Желтоқсан» оқиғасына тікелей байланысты екендігіне ешкім дау айта алмады.«Түбін білмеген тексіз»деген қазақтың ғажап сөзі осындайдан шықса керек.Себебі, тәуелсіздіктің түп тамыры сонау бабалар ар-намысынан туындап жатқан жоқ па? Бейбіт шеруге шығып,билік тарапынан кінәлі деп саналған жастарымыздың бір бөлігі қанды қырғында көз жұмса,аман қалғандары өздері аңсаған азаттықтың қызығын көруде.Уақыт емші деп өзімізді жұбатқанымызбен,қыршын кеткен аға-апаларымыз есімізге түскенде жан-жарасы жаңғырып,қайғының айықпас дертіне шалдыққаныңды терең сезіне түсесің.Қайрат Рысқұлбеков,Ләззат Асанова,Сәбира Мұхамеджанова,Ербол Спатаев сынды қандастарымызды естен шығару мүмкін бе? Осы желтоқсан оқиғасы салдарынан қаза болған жазықсыз жастарымыздың рухына бас иіп, орнымыздан тұрып бір минут еске алайық!

Бір минут үнсіздік.Бүгін сіздердің алдарыңызда 2-сынып оқушылары өз өнерлерін көрсетеді.

1.Мен қазақпын,мың өліп,мың тірілген,

Жөргегімде таныстым мұң тілімен.

Жылағанда жүрегім күн түрілген.

Қуанғанда күлкімнен күн түрілген.

2.Мен қазақпын,қаныммен,сүйегімен,

Сән салтанат салтымды сүйемін мен

Бақ орнатам басына моланың да,

Мұрагермін оған да,иемін мен

3.Мен қазақпын,биікпін,байтақ елмін,

Қайта тудым өмірге, қайта келдім.

Мен мың да бір тірілдім мәңгі өлмеске

Айта бергім,келеді, айта бергім!

4.Қазақстан Республикасы-егеменді тәуелсіз мемлекет 2018жылы тәуелсіздігімізге 27 жыл толып отыр. Республикамыздың тәуелсіз мемлекет ретіндегі белгілері:Мемлекеттік Елтаңбасы, Туы,Әнұраны бар.

Ән:«Жаса Қазақстан»

Көрініс:

Мұғалім:

Тәуелсіз Қазақстан-ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке,ырыс болсын,

Еліміз әрқашанда тыныш болсын!-деп 2-сынып оқушылары дайындаған «Желтоқсан жаңғырығы-Тәуелсіздік» атты тәрбие сағатымыз аяқталды.

Ән: «Қазақстаным»(хор)