Елім деп соғар жүрегім сабақ жоспары 8 сыныпқа

Өзiн-өзi тану сабағының жоспары

Мектеп: Атырау қаласы. ХББ НЗМ

Мұғалiм: Мухамбетгалиева А.С

Тақырып: Елім деп соғар жүрегім

Құндылық: Сүйіспеншілік

Қасиет: Сүйіспеншілік,жауапкершілік, сенімділік,мейірімділік

Мерзiм:

Сынып: 8«А», «В», «С», «D»

Мақсаты:

Оқушылардың Отанын, елін, туған жерін қорғай білу, сүйе білу туралы түсініктерін кеңейте отырып, адамгершілік қасиет тұрғысынан сүйіспеншілік құндылығының мәнін ашу.

Міндеттері:

-Оқушылардың іс-әрекетіне саналы көзқарас қалыптастыра отырып, жауапкершілік, мейірімділік, сенімділік сияқты асыл қасиеттерді ұялата білу;

-Отанына,туған жеріне деген сенім қалыптастыру. Еліміздің байтақ жерін қорғап,сақтап келген ата-бабамыздың тарихы, еліміздің тәуелсіздігін қорғаудағы ерліктері туралы мағлұмат бере отырып, елін, жерін ардақтау, сүю сезімдерін дамыту;

-Туған жерін көркейтуге ат салысу, еліне адал қызмет етуге тәрбиелеу

Ресурстар:(құралдар, мәлiмет)оқулық, оқулық,жұмыс дәптері,күнделік пеналь,А-4, видео: «Туған жер»

Сабақтың барысы

1.Ұйымдастыру кезеңi.

-Сәлеметсіздер ме, оқушылар. «Иә/Жоқ» ойыны

Мақсаты: көңіл-күйлерін көтеру, сабаққа қызығушылықтарын арттыру, ынталандыру

Мұғалім: сұрақтарға «иә» немесе «жоқ» деп жауаптарыңды негіздеп беру, керектігін түсіндіреді. Егер жауап дұрыс болса «иә,иә» деп қол шапалақтайды,ал дұрыс емес болса «жоқ-жоқ» деп аяқтарын тоқылдатады.

-Қанекей балалар көңіл-күйлерің қалай? Керемет па?

-Сабаққа дайындықтарын қалай? Тамаша ма?

-Көңіл күйдің денсаулыққа әсері бар ма?

-Денсаулығымыз жақсы болу үшін біз салауатты өмірді ұстанамыз ба?

-Отанымызды көркейтуге өз үлестеріңді қосасыздар ма? -Туған елімізді, жерімізді жақсы көреміз ба?

Тыныштық сәтi.

2.Үй тапсырмасын тексеру.

Әңгімелесу:

- «Туған жер», «туған ел» дегенде ойыңа не келеді?

- Туған жерге, елге деген сүйіспеншіліктің түп тамыры неде деп ойлайсыңдар ?

- Отанға,елге деген сүйіспеншілік, құрметтеріңді қалай білдіресіңдер?

Қызығушылықты ояту

-Мәтінмен жұмыс

Қ.Жұмаділов «Қаздар қайтып барады» ( топтық жұмыс)

- Мәтінді жеке бөліктерге бөліп оқыту

- Әр топ тезис түрінде мазмұндап береді

- Берілген бөлім бойынша сұрақтар дайындайды

Мәтін бойынша сұрақтар:

1.Қарттың туған жердің топырағын жерге қайтаруының себебін қалай түсіндірер едіңдер?

2. Туған жер несімен қымбат?

3.Өздерің туған жердің қасиетін қалай түсініп, бағалайсыңдар?

Мағынаны тану кезеңі.

Мәтіндегі негізгі идеяны немесе түйінді сөздерді тапқызып, мағынасын талқылатуға болады.

Дәйексөз

«Туған жер-тұғырың,туған ел қыдырың»

- Дәйексөзді оқиды.

- Дәптерге жазады

- Сұраққа жауап береді

1.Дәйексөздің мағынасын қалай түсінесіздер?

Біз өзіміздің туған жеріміз, өлкеміз туралы не білеміз?

Қане білетінімізді ортаға салайықшы

"Жаман-Жақсы"ойыны.

Балалар мынау ненің суреті:жер,ел,үрпақ,адам.Осы суреттегі бейнелердің жағымсыз және жағымды жақтарын айтуларын қажет.

Жақсы жауап берген оқушыларға тәтті кәмпиттер сыйлаймыз

Шығармашылық жұмыс:

Әр адамның туған жерге, туған елге деген сүйіспеншілігі шексіз. Әр адам туған жеріне, туған еліне ыстық сезімін әртүрлі дәлелдеп, әртүрлі жолдармен жеткізеді.Ақындар өлең шығарса, суретшілер сурет салып, күйшілер күй шығарады.

- Ал сендер қалай дәлелдер едіңдер?

«Туған өлкем, көркейтуге міндеттімін мен сені» (Топтық жұмыс)

1топ «Атырау-менің жерұйығым»

2топ «Ақжайығым- байлығым»